सरकारसँग कांग्रेस रिसायो: तीनवटै विधेयक फिर्ता नलिए आन्दोलनको चेतावनी

 काठमाडौं । प्रमुख प्रतिपक्षी दल नेपाली काग्रेसले संविधान प्रतिकूल हुनेगरी ल्याइएका तीनवटा विधेयक सरकारले फिर्ता नलिए संसद र सडकबाट विरोध गर्ने भएको छ । 

सरकारले मिडिया काउन्सील, मानव अधिकार र राष्ट्रिय सुरक्षासँग सम्बन्धित तीन वटा विधेयक ल्याएकामा सरोकारवाला पक्षहरुबाट चर्को विरोध भैरहेको छ । कांग्रेसले यसबारे संसदीय दलमै छलफल गरेपछि यी तीनवटै विधेयक तत्काल फिर्ता लिन सरकारसँग माग गरेको छ ।

बुधबार बिहान सिंहदरबारमा बसेको कांग्रेस संसदीय दलको बैठकले तीनवटै विधेयक संविधान प्रतिकूल रहेको निष्कर्ष निकाल्दै  तत्काल फिर्ता लिन सरकारसँग माग गरेको हो ।

दलको बैठकपछि प्रमुख सचेतक बालकृष्ण खाँणले भने,‘संविधानको प्रस्तावना र भावना प्रतिकूल हुनेगरी आएका ती विधेयकहरु तत्काल फिर्ता लिन सरकारसँग माग गर्ने निर्णय गरिएको छ ।’  

कांग्रेसले सरकारले ल्याएको मिडियासम्बन्धी विधेयकले प्रेस स्वतन्त्रताको हनन् गर्ने, मानव अधिकारसँग सम्बन्धित विधेयकले मानव अधिकारको अपमान गर्ने र राष्ट्रिय सुरक्षा परिषदसँग सम्बन्धित विधेयकले नेपाली सेनालाई प्रयोजनहिन बनाउने निष्कर्ष निकाल्दै त्यसलाई तत्काल फिर्ता लिन सरकारसँग माग गरिएको स्पष्ट पारेको छ ।

बैठकले ती विधेयक तत्काल फिर्ता गरेर संसदलाई सहज ढंगले संचालन नगरे सरकारविरुद्ध सडक र सदन दुवैमा संघर्ष चर्काउने चेतावनी पनि दिएको छ ।

प्रमुख सचेतक खाँणका अनुुसार, ती विधेयक तत्काल फिर्ता नलिए सरकारविरुद्ध सदन र सडक दुवै ठाउँबाट विरोध कार्यक्रम आयोजना गरेर दवाव सिर्जना गर्ने निर्णय गरिएकोे छ ।

 
 

स्कूल विभागमा कसले फाल्यो घनश्याम ‘तुरुप’ ? 

काठमाडौं । सत्तारुढ दल नेपाल कम्युनिष्ट पार्टी (नेकपा) को एकता भएको एक वर्ष नाघे पनि अझैं एकता बाँकी काम टुंगिएको छैन् । किस्ताकिस्ता टुंगिएका

कांग्रेसमा निष्ठावान कार्यकर्ताको खोजी अभियान

कास्की, ८ साउन । नेपाली काङ्ग्रेसलाई व्यक्तिगत स्वार्थपूर्तिको साधन बनाउने क्रम बढेको भन्दै पार्टीमा मूल्य मान्यता स्थापित गर्ने उद्देश्यका साथ

नेपाल कम्युनिष्ट पार्टी नेत्रविक्रम चन्दका दुई कार्यकर्ता पक्राउ

        तनहुँ, ७ साउन । नेपाल कम्युनिष्ट पार्टी नेत्रविक्रम चन्द समूहका दुई स्थानीय नेतालाई प्रहरीले आज दिउँसो पक्राउ गरेको छ ।   

 देउवाले नभेटेका रअ प्रमुखले प्रधानमन्त्रीलाई कस्तो सन्देश पठाए

काठमाडौं । नेपाली कांग्रेसका सभापति शेरबहादुर देउवाले भारतीय खुफिया एजेन्सी रिसर्च एण्ड एनालाईसिस वीङ्स (रअ) का प्रमुखसँग नभेटेको बुझिएको छ । अचानक