अयाक्सका १९ वर्षिय डिफेन्डरलाई भित्र्याउँदै बार्सिलोना


एजेन्सी । च्याम्पियन्स लिगमा अपेक्षाकृत प्रदर्शन गर्न नसकेको बार्सिलोनाले टोलीमा व्यापक परिवर्तन गर्न लागेको छ ।

सोचे अनुरुप चल्न नसकेका स्टार खेलाडीलाई हटाउँदै नयाँ अनुहार ल्याउने प्रयासमा रहेको बार्साले यहि क्रममा अयाक्सका १९ वर्षिय कप्तान मथ्थायस डे लाइटलाई टोलीमा भित्र्याउने पक्का भएको छ ।

महँगा खेलाडी किन्न माहिर बार्साले उनलाई करिब ७५ मिलियन यूरोमा खरिद गर्न लागेको बताइन्छ । अहिले अनुबन्धनको कार्य अन्तिम चरणमा पुगेको बताईएको छ ।

१९ वर्षको उमेरमा नेदरल्याण्डसको क्यब अयाक्सको कप्तानी गर्दै च्याम्पियन्स लिगको सेमिफाइनल पु¥याएका डिफेन्डर मथ्थायसको प्रदर्शन पछिल्लो समय चर्चाको विषय बनेको थियो । उनको बलियो प्रदर्शनको बलमा अयाक्सले रियल मेड्रिड र युभेन्टसलाई हराउँदै सेमिफाइनल पुगेको थियो ।

सेमिफाइनलको पहिलो लेगमा टोटेनह्यामलाई १–० ले हराइ फाइनल पुग्ने पनि लगभग निश्चीत भएपनी दोश्रो लेगमा चुकेको अयाक्सको मुख्य प्रेरणा मथ्थायसलाई सोही बेला देखि बार्साले आँखा लगाएको बताइन्छ । युभेन्टसलाई हराउँदा उनले गोल पनि गरेका थिए ।

च्याम्पियन्स लिगनै अयाक्सको लागि मथ्थायसको अन्तिम प्रतियोगिता भएको अयाक्सका सिईओ एडविन भ्यान डर सारले बताइसकेका छन् । उनलाई खरिद गर्न युभेन्टस, लिभरपुल र मेनचेष्टर युनाइटेडले पनि इच्छा देखाएको बताइएको छ ।

बार्साले यसअघि अयाक्सकै मिड फिल्डर फ्रेन्की डे जोङलाई पनि टोलीमा भित्र्याइ सकेको छ । मेनचेष्टर सिटीसँग डे जोङ भित्र्याउने प्रतिस्पर्धामा बार्साले बाजी मारेको थियो ।

अयाक्सले दुई महत्वपूर्ण खेलाडी गुमाउनु अघि गत मे ५ मा विलेम दोश्रो क्लबलाई हराउँदै केएनभीबी कपको उपाधी जितिसकेको छ ।

 

आठौँ राष्ट्रिय खेलकूदका विजयी खेलाडी सम्मानित

काठमाडौँ, ९ जेठ । सशस्त्र प्रहरी बल (एपीएफ) ले गत वैशाखमा सम्पन्न आठौँ राष्ट्रिय खेलकूद प्रतियोगितामा पदक विजेता आफ्ना क्लबका खेलाडीलाई आज सम्मान

सावित्राको शानदार प्रदर्शन, सेथु बन्यो लिग च्याम्पियन

काठमाडौं, ८ जेठ । स्टार महिला फुटबलर सावित्रा भण्डारी साम्बाको २ गोल सँगै सेथु फुटबल क्लबले इन्डियन वुमन्स लिगको उपाधि जितेको छ । आज भएको फाइनलमा खेलमा

सीपीएलको ड्राफ्ट आज, नेपाली क्रिकेटरको सम्भावना कति ?

काठमाडौं, ८ जेठ । चार नेपाली खेलाडी पनि ड्राफ्ट सूचीमा परेको क्यारेबियन प्रिमियर लिग (सीपीएल) को ड्राफ्ट आज लन्डनमा हुँदैछ । नेपाली समयअनुसार साँझ ७ः४५

हृदयघात भइ फुटबल मैदानमै ढलेका रेफ्रीको मृत्यु

एजेन्सी । दक्षिण अमेरिकी राष्ट्र बोलिभियाको ए डिभिजन फुटबल खेलको क्रममा रेफ्रीको मृत्यु भएको छ । आइतबार भएको खेलमा ३१ वर्षिय रेफ्री भिक्टर ह्युगो