आज नेपाल फर्कदै सन्दीप, करिब ६ महिनापछि बल्ल फुर्सद

काठमाडौं, २९ वैशाख । स्टार लेगस्पीनर सन्दीप लामिछानेले क्रिकेट प्रतियोगिताहरुको व्यस्त तालिकाबाट फुर्सद पाइ नेपाल फर्किदै छन् ।

करिब ६ महिनाको लगातार खेलबाट फुर्सद पाएका सन्दीप आज दिउँसो २ः३५ मा एयर इन्डियाको फ्लाइटबाट नेपालमा ल्याण्ड हुने जानकारी उनको मेनेजर रमण शिवाकोटीले जानकारी दिए ।

सन्दीपले पछिल्लोपटक भारतमा जारी इन्डियन प्रिमियर लिग (आईपीएल) प्रतियोगिता खेलेका थिए । उनले ६ खेल खेल्दै ८ विकेट लिन सफल भएपनि उनले सबै खेलमा भने मौका पाएनन् । उनको टोली दिल्ली क्यापिटल्स प्रतियोगितामा तेश्रो बन्न सफल भयो ।

त्यसअघि सन्दीपले युएई र पाकिस्तानमा सम्पन्न पाकिस्तान सुपर लिग (पीएसएल) खेलेका थिए । लाहोर कलन्दर्सका लागि सन्दीपले युएईमा भएको खेलहरुमा राम्रो प्रदर्शन गरेका थिए ।

त्यस्तै पीएसएलको लागि युएई आउनुअघि सन्दीपले अष्ट्रेलियामा बिग बाश लिग (बीबीएल) खेलेका थिए । पहिलो चरणको केहि खेल खेलेर दोश्रो चरणको अन्तसम्मै अष्ट्रेलियामा बसेका सन्दीपले आफु उपलब्ध भएको हरेक खेलमा टोलीको लागि खेलेका थिए । प्रतियोगितामा सन्दीपको टोली उपविजेता बनेको थियो । उत्कृष्ट प्रदर्शन गरेका उनले अष्ट्रेलियामा विशेष माया पाएका थिए ।

बीबीएलको बिचमा सन्दीप बंगलादेशको घरेलु प्रतियोगिता (बीपीएल) खेल्न बंगलादेश पनि आएका थिए । सिल्हेट सिक्सर्सको लागि उनले मिश्रीत प्रदर्शन गर्न सफल भए ।

गत डिसेम्बर ९ को दिन काठमाडौंमा जारी एभरेष्ट प्रिमियर लिगको दोश्रो खेल खेलेर अष्ट्रेलिया लागेका सन्दीप बिचमा छोटो समयको लागि नेपाल आएका थिए । त्यसयता नियमित रुपमा क्रिकेटमा व्यस्त भएका उनले लामो समयपछि आराम गर्ने मौका पाउने भएका छन् ।

५० ओभरको विश्वकप शुरु हुन लागेकाले अहिले घरेलु टी–२० क्रिकेटको सिजन पनि सकिएको छ । सोही कारण पनि सन्दीपले केहि समय आराम गर्ने बताइएको छ ।

नेपालको अन्तर्राष्ट्रिय क्रिकेट पनि आगामी जुलाई महिनामा मात्र शुरु हुनेछ । उक्त बेला नेपालले टी–२० विश्वकपको छनौट प्रयितोगिता खेल्ने तालिका रहेको छ ।  

 

आठौँ राष्ट्रिय खेलकूदका विजयी खेलाडी सम्मानित

काठमाडौँ, ९ जेठ । सशस्त्र प्रहरी बल (एपीएफ) ले गत वैशाखमा सम्पन्न आठौँ राष्ट्रिय खेलकूद प्रतियोगितामा पदक विजेता आफ्ना क्लबका खेलाडीलाई आज सम्मान

सावित्राको शानदार प्रदर्शन, सेथु बन्यो लिग च्याम्पियन

काठमाडौं, ८ जेठ । स्टार महिला फुटबलर सावित्रा भण्डारी साम्बाको २ गोल सँगै सेथु फुटबल क्लबले इन्डियन वुमन्स लिगको उपाधि जितेको छ । आज भएको फाइनलमा खेलमा

सीपीएलको ड्राफ्ट आज, नेपाली क्रिकेटरको सम्भावना कति ?

काठमाडौं, ८ जेठ । चार नेपाली खेलाडी पनि ड्राफ्ट सूचीमा परेको क्यारेबियन प्रिमियर लिग (सीपीएल) को ड्राफ्ट आज लन्डनमा हुँदैछ । नेपाली समयअनुसार साँझ ७ः४५

हृदयघात भइ फुटबल मैदानमै ढलेका रेफ्रीको मृत्यु

एजेन्सी । दक्षिण अमेरिकी राष्ट्र बोलिभियाको ए डिभिजन फुटबल खेलको क्रममा रेफ्रीको मृत्यु भएको छ । आइतबार भएको खेलमा ३१ वर्षिय रेफ्री भिक्टर ह्युगो