२४ बलमा कुनै रन बनेन, टी–२० क्रिकेटको नयाँ कीर्तिमान

एजेन्सी । पाकिस्तानको घरेलु टी–२० क्रिकेटमा एउटा अद्भुद कीर्तिमान बनेको छ ।

टेष्ट खेल्ने राष्ट्र भएकाले त्यहाँ खेलिने मान्यता प्राप्त प्रतियोगिताहरु २० ओभरको भएमा टी–२० मान्यता र ५० ओभरको भएमा लिस्ट ए को मान्यता पाउने गरेको छ ।

यस्तोमा सातौं कर्पोरेट टी–२० कप अन्तर्गत हिजो भएको खेलमा मोमीन सिड्स विरुद्धको खेलमा एनबीपीका बलर बिलाल आसिफले ४ ओभर बलिङ गर्दा कुनै रननै दिएनन् ।

पाकिस्तानको लागि अन्तर्राष्ट्रिय क्रिकेट खेलिसकेका ३३ वर्षिक अफस्पीनर आसिफले कुल ४ ओभर बलिङ गर्दै ४ मेडन राख्दै कुनै रन नदिइ २ विकेट लिए । यो टी–२० स्वरुपको खेलमा दुर्लभ कीर्तिमान हो । यसअघि पाकिस्तानकै मोहम्मद इरफानले ग्लोबल टी–२० क्यानडामा ४ ओभर बलिङ गर्दै ३ मेडनका साथ १ रन दिइ २ विकेट लिएको नै टी–२० को उत्कृष्ट बलिङ थियो ।

त्यस्तै क्रिश मोरिसले दक्षिण अफ्रिकाको घरेलु टी–२० प्रतियोगितामा ४ ओभर बलिङ गर्दै ३ मेडनका साथ २ रन दिइ २ विकेट लिएको कीर्तिमान दोश्रो उत्कृष्ट थियो ।

हालसम्म कुनै बलरले ४ ओभरमा कुनै रन नदिएको यो पहिलो घटना बनेको छ ।

एनबीपीका कप्तान कमरान अक्मलले टस जितेर पहिले फिल्डीङ गर्ने निर्णय गरेकोमा राजा हसनको कप्तानीमा रहेको मोमीन सिड्सले जम्मा ५५ रन मात्र बनाउन सक्यो ।

इस्लामाबादमा खेलिएको उक्त खेलमा जवाफी ब्याटिङ गरेको एनबीपीले एक विकेटको क्षतिमा लक्ष्य पुरा गर्दै ९ विकेटले विजयी भएको थियो ।

आठौँ राष्ट्रिय खेलकूदका विजयी खेलाडी सम्मानित

काठमाडौँ, ९ जेठ । सशस्त्र प्रहरी बल (एपीएफ) ले गत वैशाखमा सम्पन्न आठौँ राष्ट्रिय खेलकूद प्रतियोगितामा पदक विजेता आफ्ना क्लबका खेलाडीलाई आज सम्मान

सावित्राको शानदार प्रदर्शन, सेथु बन्यो लिग च्याम्पियन

काठमाडौं, ८ जेठ । स्टार महिला फुटबलर सावित्रा भण्डारी साम्बाको २ गोल सँगै सेथु फुटबल क्लबले इन्डियन वुमन्स लिगको उपाधि जितेको छ । आज भएको फाइनलमा खेलमा

सीपीएलको ड्राफ्ट आज, नेपाली क्रिकेटरको सम्भावना कति ?

काठमाडौं, ८ जेठ । चार नेपाली खेलाडी पनि ड्राफ्ट सूचीमा परेको क्यारेबियन प्रिमियर लिग (सीपीएल) को ड्राफ्ट आज लन्डनमा हुँदैछ । नेपाली समयअनुसार साँझ ७ः४५

हृदयघात भइ फुटबल मैदानमै ढलेका रेफ्रीको मृत्यु

एजेन्सी । दक्षिण अमेरिकी राष्ट्र बोलिभियाको ए डिभिजन फुटबल खेलको क्रममा रेफ्रीको मृत्यु भएको छ । आइतबार भएको खेलमा ३१ वर्षिय रेफ्री भिक्टर ह्युगो