प्रधानमन्त्री सपना देख्छन्, मन्त्री यसरी तुहाउँछन् !

काठमाडौं । प्रधानमन्त्री केपी शर्मा ओलीले रेल ल्याउन अहोरात्र जुटेका छन् र तदनरुपको स्पष्ट कार्ययोजना पनि ल्याएका छन् । तर रेलसँग जोडिएको सरोकारवाला मन्त्रालय र कर्मचारी संयन्त्रले यसलाई कमाउने भाँडोको रुपमा दुरुपयोग गरेका छन् । जसले गर्दा प्रधानमन्त्रीको रेल सपना तुहिने संकेत देखिएको छ । 

पूर्व–पश्चिम रेलमार्ग आयोजना अन्तरगत लालबन्दीदेखि निजगढसम्मको ३५.८८ किलोमिटरमा ट्रयाक बेड निर्माणका लागि आह्वान भएको बोलपत्रमा मनोमानी भएको पाइएको छ । रेल्वे विभागका महानिर्देशक बलराम मिश्रले भौतिक योजना तथा निर्माणमन्त्री रघुवीर महासेठको आडमा आफुअनुकुल हुनेगरी काम गर्न थालेपछि रेल सपना तुहिदै गएको निर्माण व्यवसायीहरू बताउँछन् । 

यस्तो छ मुद्धा

रेल्वे विभागले २३ जेठ ०७५ मा रेल्वेका दुई पुल निर्माणका लागि बोलपत्र आह्वान गरेको थियो । त्यसमा विभिन्न निर्माण कम्पनीहरूले बोलपत्र हालेका थिए । तर, विभागले बोलपत्र आफू निकटका निर्माण कम्पनीलाई दिन चलखेल गर्यो । अन्य निर्माण कम्पनीहरुले आफूहरु योग्य हुँँदाहुँदै पनि चलखेल गरेर विभागले अस्विकृत गरेको भन्दै सार्बजनिक खरिद अनुगमन कार्यालयमा निवेदन दिए । निवेदनपछि कार्यालयले ठेक्का नै रद्ध गर्न निर्देशन दियो । 

विभागले रद्द भएकोसमेत र अन्य एक गरी तीनवटा पुलको ठेक्काका लागि २३ असोजमा पुनः बोलपत्र आह्वान गर्यो । तर, मन्त्री महासेठको ठाडो निर्देशनमा महानिर्देशक मिश्रले काम अगाडि बढाए । पुनरावलोकन समितिले दिएको निर्णयको बेवास्ता गर्दै पुनः पहिलेकै बमोजिम योग्यता निर्धारण गरे । आफूले चाहेबाहेकका व्यवसायीको प्राविधिक प्रस्ताव अस्वीकार गरे । 

अहिले मिश्रले चाहेकै ठेकेदार कम्पनीलाई ठेक्का दिएर सम्झौता  प्रक्रियामात्रै अघि बढाइएको छैन, विभागले उल्टै सार्वजनिक खरिद पुनरावलोकन समितिविरुद्ध नै अदालतमा मुद्दा हालेको छ ।

सार्वजनिक खरिद कार्यमा सार्वजनिक खरिद ऐन तथा नियमावलीमा व्यवस्था भएको ऐन तथा नियमको परिपालन गर्न सम्पूर्ण सरकारी संघ संस्था निकायलाई अनुगमन गर्ने अधिकार यो निकायलाई छ । तर, आफ्नो स्वार्थ नमिलेपछि यही निकायविरुद्ध विभागले मुद्दा हालेको छ ।

मापदण्डमै धाँधली

अनुकुलको कम्पनीलाई ठेक्का पार्न विभागले अन्य कम्पनी प्रवेश नै गर्न नसक्ने गरी बोलपत्र आव्हान गर्यो । विभागले आव्हान गरेको बोलपत्रमा अनुभव र मुख्य काम विभागले यसअघि लगाएकै निर्माण कम्पनीलाई उपयुक्त हुने गरी तयार गरिएको हो ।


बोलपत्रमा आवेदकले पछिल्लो १० वर्षभित्रमा कुनै एक वर्षभित्र १ लाख २५ हजार ५ सय ९९ घनमिटर माटोले ट्रयाक बेड (इम्बाक्मेन्टं) भरेको अनुभव खोजिएको थियो । तर, यही बुँदामा त्यसरी ट्रयाक बेडमा भरिने माटोमध्ये ८० प्रतिशत नदी किनारको र २० प्रतिशत सामान्य माटो हुनुपर्ने अनुभव राखिएको छ । यो बुँदाले आवेदकले चाहेको निर्माण कम्पनी ल्याउन मिलेमतो गरिएको प्रष्ट हुन्छ । 

काम अगाडि बढेको छैन


लालबन्दीदेखि निजगढसम्मको रेलको ट्याक बेड निर्माणका लागि इस्टिमेटेड लागत ६ अर्ब छ । यो खण्डको कुल ३५.८८ किमिलाई ८ प्याकेजमा विभाजन गरी ठेक्का लगाउने तयारी थियो । प्याकेज अधिकतम ८० देखि न्यूनतम ६० करोडसम्मको राखिएको थियो । एउटा प्याकेजमा तीनवटासम्मको उपक्रम (ज्वाइन्ट भेन्चर) बनाएर काम गर्न सकिने व्यवस्था छ ।


हाल यो मुद्धा अदालतमा विचाराधिन छ भने आयोजना निर्माण सुरु गर्नुपूर्व राइट अफ वे व्यवधानरहित बनाउनुपर्ने कामसमेत हुन सकेको छैन । यसको अर्थ, रेलमार्गमा पर्ने जग्गा प्राप्ति वन क्षेत्र परेको खण्डमा रुख कटान गरिसकेको हुनुपर्ने भए पनि लालबन्दीदेखि निजगढसम्म करिब १५–१८ किलोमिटर क्षेत्र वनका रूख अझै काटिएको छैन ।  झिल्को डटकमको समाचार अनुसार, उक्त खण्डको १५ देखि २० किलोमिटर क्षेत्रमा जग्गा प्राप्तिको काम भइरहेको छ । जानकारहरुका अनुसार जग्गा प्राप्तिका लागि कति समय लाग्ने हो भन्ने यकिन छैन ।

मन्त्रीले कामलाई सजिलो बनाएर प्रधानमन्त्रीको सपनालाई साकार पार्न लाग्नु पर्नेमा कमाउ धन्दामा लागेको हुनाले धेरै व्यसायीहरुसँग उनको विपक्षमा छन् । 

यो राज्य व्यवस्था टिक्न असम्भव 

 राजा आउन सजिलै सम्भव देखिन्न र यो राज्य व्यवस्था टिक्न असम्भव , के हामी भविष्यहीन जस्तै नै हो ?  कोकोहोलो मच्चाउनै पर्दैन,ढिलो चाँडो तपाइँहरूले नै

राजाले खोक्दा पनि किन तर्सिन थाले शक्तिशाली नेता ?

 योगी नरहरिनाथ पिताजीलाई भेट्न आइरहन्थे, आमाले र दाइ दिदीहरूले चर्चा गर्दा मैले योगीजीको नाउँ थाहा पाएको थिएँ । योगी राजा महेन्द्रका उच्च प्रसंशक

 पूर्वराजामाथि गम्भीर षडयन्त्रको संकेत 

नेकपा अध्यक्ष प्रचण्डले पूर्व राजा ज्ञानेन्द्रलाई नागार्जुनबाट हटाउने, राजाबादीलाई खरानी पार्ने आदि ध्वाँस दिइरहेकै बेला केही सूत्रहरुले पूर्व

 आफ्नो सुरक्षाको प्रत्याभूति भए हिन्दू धर्म मान्न प्रचण्ड तयार

काठमाडौं । ‘दोस्रो शक्तिशाली नेता’ को राजनीतिक दर्जामा रहेका नेकपा अध्यक्ष पुष्पकमल दाहाल प्रचण्डले आफ्नो सुरक्षाको प्रत्याभूति हुनेभएमा वैदिक