नमूना शहर बनाउन डिपिआर शुरु

लमही, १० वैशाख । दाङको गढवा गाउँपालिकालाई नमूना शहरको रूपमा विकास गर्न विस्तृत परियोजना प्रतिवेदन (डिपिआर) निर्माणको काम शुरु भएको छ ।

शहरी विकास मन्त्रालयले नेपालका १६ जिल्लामध्ये दाङको गढवा गाउँपालिकालाई नयाँ शहर बनाउन डिपिआर शुरु गरेको छ ।

अहिले अल्पकालीन, मध्यकालीन र दीर्घकालीन गुरुयोजना निर्माणको चरणमा रहेको गाउँपालिकाका अध्यक्ष सहजराम यादवले बताए । उनका अनुसार गाउँपालिकाले नमूना बस्ती विकास, हरियाली पार्क निर्माण, फोहर सकलन केन्द्र निर्माण, खानेपानीका वडास्तरीय बृहत योजना सञ्चालन र नमूना सडक बनाउने कार्यमा गुरुयोजना निर्माण गरी कार्यान्वयनको चरणमा लगेको उनले बताए ।

“गढवालाई नमूना शहर बनाउने काम अघि बढेको छ”, उनले भने, “अहिले हामीले गुरुयोजना निर्माण गरिरहेका छौँ ।” डिपिआर तयार भएपछि त्यही आधारमा नमूना शहर निर्माणको काम अघि बढाउने योजना रहेको उनको भनाइ छ ।  

प्रदेश नं ५ सरकारको रु ६० लाख बजेटमा बहुउद्देश्यीय सामुदायिक भवन निर्माणको तयारी भएको उनले बताए । प्रदेश सरकारकै रु ३६ लाखको लागतमा गढवा गाउँपालिकास्तरीय व्यवस्थित र आधुनिक खेलकूद मैदान निर्माणको शुरुआत गर्न थालिएको उनले बताए ।

दाङको विकट क्षेत्रमा रहेको उक्त गाउँपालिकामा आधुनिक शहर निर्माण भएसँगै  गाउँपालिकाले विकासमा फड्को मार्न अध्यक्ष यादवको भनाइ छ ।  त्यस्तै प्रदेश सरकारले नै देउखुरीको जङ्गलकुटीमा नमूना थारु सङ्ग्रहालय बनाउने योजना बनाएको छ ।

पानीको समस्या रहेको उक्त पालिकामा अहिले पनि पानीको समस्या पनि हटेको उहाँको भनाइ छ । साथै साढे चार करोडको लागतमा गाउँपालिकाको प्रशासकीय भवन निर्माणको कार्यलाई तीब्रता दिइएको छ । स्थानीय तहमा जनप्रतिनिधि आएसँगै विकासले पनि गति लिन थालेको स्थानीयले बताएका छन् ।

स्थानीय खुसीराम यादवका अनुसार यस अघि विकास निर्माणका कार्यले गति लिन नसकेको भएपनि अहिले जनप्रतिनिधि आएपछि विकास निर्माणका काम तीब्र गतिमा अघि बढिरहेका छन् । रासस

 

दश वर्षसम्म अलपत्र माडीपुल एघार महिनामै सम्पन्न

रोल्पा, ३ साउन ।  शिलान्यास गरेको १० वर्षपछि रोल्पाको माडी खोला पुलले बल्ल पूर्णता पाएको छ । रोल्पाको पश्चिम भेगलाई जिल्ला सदरमुकामसँग जोड्ने उक्त

सडक विस्तार योजना प्रभावित

वीरगञ्ज, ७ असार  । बजेटको अभाव तथा ठेक्का लाग्न नसकेपछि वीरगञ्ज महानगरपालिकाको मुख्य सडक विस्तार गर्ने योजना अहिलेलाई नरहेको डिभिजन सडक कार्यालय

आर्च ब्रिज सञ्चालनमा आउने

चितवन, १३ जेठ । पृथ्वी राजमार्गको मुग्लिनस्थित इच्छाकामना र तनहुँको आँबुखैरहनी गाउँपालिका जोड्ने पुल (आर्च ब्रिज) यही असार पहिलो साताबाट सञ्चालनमा

 भूकम्प असर: दशौँ वर्षसम्म परकम्पन आउन सक्ने 

चितवन । महाभूकम्प गएका क्षेत्रमा दशौँ वर्षसम्म परकम्पन आइरहने विज्ञले जनाएका छन् । नेपालको भूकम्पीय जोखिम र भूकम्पीयतामा विद्यावारिधि गर्नुभएका