तिब्बती शरणार्थीका  ६५ जोखिममा

ठिनी । मुस्ताङको घरपझोङ गाउँपालिका–१ छैरोमा रहेको तिब्बती शरणार्थी शिविर सुक्खा पहिरोको जोखिममा परेको छ । 

बस्ती तल रहेको कालीगण्डकी किनार तर्फबाट सुक्खा पहिरो खस्न थालेपछि ६५ घरधुरी तिब्बती शरणार्थीको बसोवास रहेको शिविर जोखिममा परेको हो । सुक्खा पहिरोले सोमबार शरणार्थी शिविरको स्वास्थ्यकेन्द्र भवन र तीन सार्वजनिक शौचालय भत्काएको जिल्ला प्रशासन कार्यालयले जनाएको छ । 

आठ घर उच्च जोखिममा परेका छन् । प्रजिअ गङ्गाबहादुर क्षेत्रीको नेतृत्वमा गएको नेपाल प्रहरी, सशस्त्र प्रहरी र नेपाली सेनाको साथै जनप्रतिनिधि र स्थानीयवासीले उच्च जोखिममा रहेका घरका सामान सुरक्षित ठाउँमा स्थानान्तरण गरेका छन् । 

स्थानीयवासीका अनुसार कालीगण्डकी किनारमा ग्याबियन पर्खाल निर्माणका लागि केही दिन एक्साभेटर (डोजर) प्रयोग गरिएको थियो । एक्साभेटरको कम्पन, किनारमा खनिएको खाडल, कमजोर भू–बनोट र हिउँ पग्लिएपछि जमीन गलेर पहिरो गएको स्थानीयवासीको भनाइ छ । 

पहिरोले मार्फा गाउँ हँुदै छैरो र चिमाङ गाउँजाने पैदलमार्ग बगाएपछि आवतजावतमा कठिनाइ भएको छ । पहिरो नियन्त्रणका लागि कालीगण्डकी किनारमा ग्याबियन पर्खाल निर्माण शुरु गरिएको र जोखिममा परेकालाई सुरक्षित ठाउँमा स्थानान्तरण गरिएको प्रजिअ क्षेत्रीले बताउनुभयो । 

कालीगण्डकी नदीले छैरो क्षेत्रमा खेतीयोग्य जमीन कटान गरेको छ । गत बर्खामा कालीगण्डकीले खेतीयोग्य जमीन कटान गरेको थियो । गत महीना मार्फा क्षेत्रमा जमीन भासिएको थियो । रासस

अनियमितताको आरोप लागेका वृद्ध पूर्वकर्मचारीद्वारा आत्महत्या

काठमाडौं, ३ साउन । अनियमितताको आरोप लागेका त्रिभुवन विश्वविद्यालयका पूर्वकर्मचारीले आत्महत्या गरेका छन्। कर्मचारी भर्नाका लागि लिइएको परीक्षाको

मनसुनको सक्रियता सामान्य हुँदै

काठमाडौँ, ३ साउन । मनसुनी न्यूनचापीय रेखा नेपालको दक्षिणतिर रहेकाले मनसुनी गतिविधि देशैभरि सामान्य सक्रिय रहेको छ । मनसुनी न्यूनचापीय रेखा नेपालको

बाढीपीडितलाई खाद्यान्न वितरण

ललितपुर, ३ साउन । एक साता अगाडि अविरल वर्षासँगै आएको बाढीका कारण प्रभावित परिवारलाई महालक्ष्मी नगरपालिकाले खाद्यान्न वितरण गरेको छ । महालक्ष्मी–१०

छतबाट खसेर मृत्यु

भक्तपुर, ३ साउन । भक्तपुर नगरपालिका–९ लिवालीमा आफ्नै घरको छतबाट खसेर ४५ वर्षीय सूर्यलाल भूमीको मृत्यु भएको छ ।  तीनतले घरको छतमा चिप्लिएर लडेपछि