नख्खु जेलका बन्दी मानसिक समस्याले पीडित

ललितपुर, ३० फागुन । देशभरका विभिन्न कारागारमा रहेका अधिकांश कैदीमा मानसिक समस्या रहेको पाइएको छ । विभिन्न कारागारबाट नख्खु कारागारमा सरुवा भई उपचारका लागि आउनेको सङ्ख्या बढिरहेको लगनखेलस्थित मानसिक अस्पतालले जनाएको छ । 

अस्पतालमा दैनिक कैदी उपचारका लागि आउने गरेको अस्पतालका प्रमुख कन्सल्टेन्ट साइक्याट्रिक्ट अनन्त अधिकारीले बताए । अस्पतालको बहिरङ्ग विभाग र अन्तरङ्ग विभाग दुवैतिर कारागारबाट आएका बिरामी आइरहेका छन् । विभिन्न मुद्दामा जेल चलान भएपछि मानसिक रोग लागेका कैदीबन्दी उपचारका लागि यहाँ आउने गरेको उनले बताए । 

देशभरका विभिन्न कारागारका कैदीबन्दीलाई मानसिक रोग लागेपछि कारागार प्रशासनले नख्खु कारागार नै सरुवा गरेर पठाउने गरेको छ । बहिरङ्ग विभागमा दैनिक १० देखि १५ जाँचका लागि आउने र अन्तरङ्ग विभागमा तीन÷चार सम्म कैदीबन्दी भर्ना हुने गरेका छन् । उनले भने, “अहिले नख्खु कारागारभित्रै मानसिक अस्पताल बन्न लागेकाले यो कारागारमा सरुवा भएर आउनेक्रम बढेको छ ।” 

अधिकारीका अनुसार कैदीबन्दीमा सबैभन्दा बढी ‘डिप्रेसन’ का बिरामी आउने गरेका छन् । कैदीबन्दीमध्ये कतिमा सामान्य र कतिपयमा कडा खालको मानसिक रोग पाइएको उनले बताए। उनका अनुसार परिवारका सदस्यसँगको दूरीका कारणले मानसिक समस्या हुने गरेको छ । उनले भने, “कारागारमा परेपछि परिवारले बेवास्ता गर्ने, भेट्न नआउने हुँदा मानसिक रोग लागेको पाइन्छ ।” 

समाजमा मानसिक रोगलाई पनि रोगका रूपमा स्वीकार गरेर उपचार गर्नुपर्छ भन्ने धारणा बन्दै जाँदा अस्पतालमा आउने बिरामीको सङ्ख्या बढिरहेको छ । बहिरङ्ग विभागमा दैनिक १५० देखि २०० सम्म बिरामी आउने गरेका छन् । अस्पतालमा रहेका ५० श्ययामा सधैँ बिरामी खचाखच हुने गरेको अस्पतालले जनाएको छ । रासस

चिकित्सक भन्छन् : \"खाना खानेबित्तिकै यी काम गरे स्वास्थ्यमा खतरा\"

     आम मानिस खाना खानुलाई खाने काम सक्नु हो जस्तो मात्र ठान्छन् । अरु बेला आआफ्ना पेशा व्यवसाय अनुसारका व्यस्तता सबैका हुन्छन् तर खानेबेलामा सबै

काँक्रो खानुको १० फाइदाहरु यस्ता छन्

एजेन्सी । जाडो मौसमको अन्त्यसँगै नेपालमा बिस्तारै वातावरण न्यानो हुँदै गर्मी हुने अवस्थामा रहेको छ । यस्तोमा गर्मी मौसम सुहाउँदो काँक्रोको लागि

यी हुन् सुगर बढाउने तरकारीहरु

एजेन्सी । व्यस्त जिवनशैली र अव्यवस्थित खानपानको कारण मधुमेह अर्थात् सुगर रोगको प्रकोप ह्वात्तै बढेको छ । पहिला ५० वर्षको उमेरपछि मात्र देखिने यो रोग

आत्महत्या गर्न तयार एक युवा यसरी फर्किए

यसअघि हामीले विभिन्न मानसिक रोगका सामान्य जानकारी तथा तिनीहरुको कारण र किसिमको चर्चा ग¥यौं । यो भागमा हामी अति नै प्रचलित र फरक–फरक रूपमा देखिने