महान क्रिकेटर ब्रायन लाराको कथन, ‘नरिवलको हाँगाबाट बनेको ब्याटले क्रिकेट सिकें’

एजेन्सी । विश्व क्रिकेटमा अति सम्मानित नाम मध्येका एक ब्रायन लाराले क्रिकेटमा अनेक किर्तिमान कायम गर्न सफल भए ।

सामान्य पृष्ठभुमीबाट उकासिएका लाराले खेल जिवनको शुरुवातमा नरिवलको हाँगाबाट बनेको ब्याटले क्रिकेट सिकेको बताए । उनको दाइले बनाएको उक्त ब्याट पेन्टीङ गर्ने ब्रस जस्तो भएको र उनी चार वर्षको हुँदा पहिलो पटक ब्याटिङ गर्नको लागि सोही ब्याटको प्रयोग गरेको खुलासा गरे ।

आईसीसी ३६० मा कुरा गर्दै उनले भने, ‘म चार वर्षको हुँदा दाइले मलाई नरिवलको हाँगाबाट ब्याट बनाएर दिए, त्यसबाटै क्रिकेट खेल्न सिंके । सबैलाई थाहा भएकै कुरा हो, क्यारेबियन क्षेत्र गर्मी स्थान भएकाले त्यहाँको मान्छेले नरिवलको रुख मन पराउँछन् ।’

उनले थपे, ‘मलाई सडकमा खेलिने क्रिकेटप्रति विश्वास छ । हामी त्यहाँ जे पाइन्छ, त्यसैले खेल्थ्यौं, चाहे त्यो हाँगाबिंगा नै किन नहोस् । म अन्य खेलहरु पनि खेल्थें ।’
लाराले टेष्ट क्रिकेटमा १३१ खेल खेल्दै प्रति इनिङ ५२.०९ को औसतमा  ११ हजार ९ सय ८३ रन बनाएका छन् । उनले इंग्ल्याण्ड विरुद्ध एकै इनिङमा नटआउट ४०० रन बनाएको किर्तिमान आजसम्म कसैले तोड्न सकेका छैनन् ।

त्यस्तै उनले २९९ एक दिवसिय अन्तर्राष्ट्रिय खेल्दै ४०.४८ को औसतमा १०४०५ रन बनाए । उनले प्रथम श्रेणीको क्रिकेटमा पनि एकै इनिङमा नटआउट ५०१ रन बनाएका छन् ।

आफ्नो खेल स्थानीय स्तरमा कायम रहँदाको क्षण सम्झदैं उनले भने, ‘हामीले क्यारेबियनमा क्रिकेट खेल्दा त्यसबेला मौसमी आधारमा मात्र सम्भव हुन्थ्यो । पानी पर्ने सिजनमा हामी फुटबल र टेबल टेनीस खेल्थ्यौं । अन्य खेल भन्दा मेरो क्रिकेट चाहिं उत्कृष्ट हुँदै गएको मलाई महसुस भइराखेको थियो । त्यसबेला मेरो बुवाले निर्णय गरेपछि मैले फुटबल खेल्न कम गरें र क्रिकेट बढि खेल्न थालें । ’

पितालाई सम्झदैं लाराले भने , ‘मेरो बुवालाई क्रिकेट मनपथ्र्यो, उहाँले गाउँमा क्रिकेट लिग नै संचालन गर्नुहुन्थ्यो । मैलें राम्रो प्रदर्शन गरोस् र मलाई चाहिने सबै पुगोस् भनेर बुवाले आफुसँग भएसम्मको त्याग गर्नहुन्थ्यो । ’

 

हृदयघात भइ फुटबल मैदानमै ढलेका रेफ्रीको मृत्यु

एजेन्सी । दक्षिण अमेरिकी राष्ट्र बोलिभियाको ए डिभिजन फुटबल खेलको क्रममा रेफ्रीको मृत्यु भएको छ । आइतबार भएको खेलमा ३१ वर्षिय रेफ्री भिक्टर ह्युगो

विश्वकप टोलीबाट हटाइएका जुनेद खानको यस्तो विरोध

एजेन्सी । एकदिवसिय क्रिकेटको विश्वकप शुरु हुन अब केहि दिनमात्र बाँकि रहेको छ । विश्वकपमा सहभागि टोलीहरु यहि प्रतियोगिता लक्षित गर्दै आफ्नो अन्तिम

खेलाडी चढेको डुंगा पल्टिँदा ९ जनाको मृत्यु, १८ जना बेपत्ता

एजेन्सी । युगान्डाको पश्चिमी जिल्ला होइमाका ५० फुटबल खेलाडीहरु सवार रहेको डुंगा एल्बर्ट तालमा पल्टेको खबर आएको छ । घटनामा परेका ९ जनाको मृत्यु

बिमल र खवास बिनाको नेपाली टोली घोषणा

काठमाडौं, ६ जेठ । मलेसिया र चाइनिज ताइपेई विरुद्ध खेल्न नेपाली राष्ट्रिय फुटबल टोलीको घोषणा भएको छ ।  प्रशिक्षक योहान कलीनको नेतृत्वमा घोषणा गरिएको