क्रिकेटर ज्ञानेन्द्र मल्ल कारबाहीमा, ४ खेल खेल्न प्रतिबन्ध

काठमाडौं, २४ फागुन । नेपाली राष्ट्रिय क्रिकेट टोलीका उपकप्तान ज्ञानेन्द्र मल्ल कारबाहीमा परेका छन् ।

हालसालै सम्पन्न धनगढि प्रिमियर लिग (डीपीएल) को दोश्रो क्वालिफायर खेल छोडेको काठमाडौं गोल्डेन्सको कप्तान भएकोले पनि ज्ञानेन्द्र कारबाहीमा परेको थाहा भएको छ । कारबाही स्वरुप उनले आगामी ४ वटा राष्ट्रिय स्तरको प्रतियोगिताका खेलहरु गुमाउने भएका छन् ।

डीपीएलमा काठमाडौंबाट खेलिरहेका भारतीय खेलाडी अंकित दबासलाई गलत बलिङ एक्सनका कारण प्रतिबन्ध लगाउने निर्णयको काठमाडौंको व्यवस्थापक टोलीले विरोध गरेको थियो । व्यवस्थापनले खेलाडीहरुलाई उक्त खेल नखेल्न दबाव दिएपछि काठमाडौंले सो खेलमा वाकओभर दिएको थियो ।

उक्त कार्य खेल भावना विपरित रहेको प्रतियोगिताको प्राविधिक समितिको ठहरपछि काठमाडौंका कप्तान ज्ञानेन्द्र मल्ल लगायतलाई कारबाही गरिएको बताइएको छ ।

मल्लले पनि उक्त कारबाही स्वीकार गरेको थाहा भएको छ । व्यवस्थापनले नखेल्ने निर्णय गरेकाले वाकओभर दिइएको र प्रतियोगिताको नियम मान्न आफु तयार रहेको उनले बताएका छन् ।

उक्त कारबाही स्वरुप ज्ञानेन्द्रले आठौं राष्ट्रिय खेलकुद अन्तर्गत प्रदेश स्तरीय खेलहरु गुमाउने भएका छन् । प्रदेश ३ बाट खेल्न लागेका ज्ञानेन्द्रले लिग चरणका खेलहरु गुमाउनेछन् । उनको टोली फाइनल प्रवेश गर्न सफल भएमा ज्ञानेन्द्रले फाइनलमा भने खेल्ने बताइएको छ ।
 

 

 आठौँ राष्ट्रिय खेलकूदमा एनआरएनएका २४ खेलाडी

काठमाडौं । आठौँ राष्ट्रिय खेलकूदमा गैर आवासीय नेपाली सङ्घ (एनआरएनए)बाट २४ खेलाडी सहभागी हुने भएका छन् ।  सात राष्ट्रबाट विभिन्न ९ खेलमा २२ पुरुष र

आठौँ राष्ट्रिय खेलकूद चैत २७ मा सुरु हुने

राँझा । आठौँ राष्ट्रिय खेलकूद प्रतियोगिताको उद्घाटन समारोह यही चैत २७ गते हुने निश्चित भएको छ ।   यस खेलकूद प्रतियोगिताको नेपालगञ्ज रङ्गशालामा

आईपीएलमा दिल्लीको खेल आज, सन्दीप सुरुवाती ११ मा पर्लान् ?

काठमाडौं, १० चैत । गत वर्षको इन्डियन प्रिमियर लिग (आईपीएल) बाट विश्व क्रिकेटमा चर्चित हुँदै आएका स्टार लेगस्पीनर सन्दीप लामिछाने यो सिजनको लागि तयार

महिला फुटबल खेलाडीलाई जनही रु एक लाख

विराटनगर, १० चैत । अखिल नेपाल फुटबल सङ्घ (एन्फा) ले पाँचौ साफ फुटबल प्रतियोगिता खेल्ने प्रत्येक खेलाडीलाई रु एक लाख नगद पुरस्कार प्रदान गर्ने निर्णय