मेची किनारमा प्रदीप गिरिको प्रवचन

भद्रपुर, १५ फागुन । झापाको मेचीनगर नगरपालिका–६ काँकडभिट्टामा ‘कला साहित्य उत्सव २०७५’ कार्यक्रमको तयारी भइरहेको छ । दुई वर्षको अन्तरालमा रिडर्स झापाले आयोजना गर्दै आएको उत्सवमा देशभरका साहित्यकारको जमघट रहने रिडर्सका उपाध्यक्ष दामोदर ढुङ्गेलले बताए। 

यही फागुन १८ गतेदेखि २० गतेसम्म हुने उत्सवमा विचारविमर्शदेखि विभिन्न साहित्यिक कार्यक्रमसम्म हुनेछन् । पहिलो दिन ‘साहित्यको दलन’ शीर्षकमा युग पाठक, जेबी विश्वकर्मा र सुधीर क्षेत्रीबीच विचारविमर्श हुने भएको छ । 

त्यस्तै, दोस्रो सत्रमा ‘समकालीन आख्यानमा वर्गचेत’ शीर्षकमाथि पुण्यप्रसाद खरेल, सरस्वती प्रतीक्षा र रेमिका थापाबीच बहस हुने र सोही दिन ‘अभिव्यक्ति र बहिष्करण’, ‘भूराजनीतिक चिन्तन’ मा महेन्द्र पी लामादेखि अनुभव अजितसम्मले बहस गर्ने कार्यक्रम रहेको उपाध्यक्ष ढुङ्गेलले जानकारी दिए। 

दोस्रो दिन, पहिलो सत्र ‘काव्यमा विद्रोह शीर्षक’ मा अभय श्रेष्ठ, गुरुङ सुशान्त र अभयविक्रम केसीबीच छलफल हुनेछ । त्यस्तै, सोही दिन ‘लोक चित्रकला विमर्श’, ‘सांस्कृतिक राष्ट्रवाद’, ‘कविता वाचन’जस्ता शीर्षकका कार्यक्रम हुनेछन् । 

पाँचौँ सत्रमा ‘पर्यावरणको खबर’ शीर्षकमा श्रद्धा घले, नारायण वाग्ले र रमेश भुसालबीच बहस हुनेछ । अर्को, ‘दलालीको दलदल’ शीर्षकमा राम कार्की, विष्णु सापकोटा र अखिलेश उपाध्यायबीच बहस र अन्तिम सत्रमा ‘दक्षिणपन्थीको सांस्कृतिक जग’मा आहुतीको एकल वाचन हुनेछ । 

अन्तिम दिन, पहिलो सत्रमा ‘समृद्धि यात्राका सङ्कट’ शीर्षकमा विश्व पौडेल र खगेन्द्र प्रसाईंबीच बहस हुनेछ । त्यस्तै, सोही दिन, ‘समाचार, झुटा समाचार र खरीद समाचार’, ‘समाज विज्ञान र मानविकीको सङ्कट’ विषयमा बहस हुनेछ । पाँचौँ सत्र ‘सत्ता र अभिव्यक्ति स्वतन्त्रता’ शीर्षकमा खगेन्द्र सङ्ग्रौला र सिके लालबीच बहस हुनेछ । अर्को सत्रमा ‘पुरुषको मुक्ति कसरी’ शीर्षकमा प्रणीका कोयु, आहुती र सीमा आभासबीच बहस हुनेछ । अन्तिम दिनको अन्तिम सत्रमा ‘प्रेम र यौनः पहेली अनेक’ शीर्षकमा प्रदीप गिरीले प्रवचन दिनेछन् । रासस

कवि तीर्थको कवितारुपी फेवा तालमा नौका विचरण

काठमाडौं । सुपरिचित कवि तीर्थ श्रेष्ठका कवितासँग अपरिचित साहित्यप्रेमीको संख्या निकै थोरै होला जसले उनका कविताको फेवा तालमा नौका विचरण नगरेको होस्

  बुबा त्यसपछि फर्केरै आउनु भएन !

आठ वर्षकी छँदा म बिर्तामोडको कृषि थोकबजार पस्ने ठाउँमै रहेको खत्री होटेलमा काम गर्थेँ । खासमा म त्यति गरीब परिवारमा जन्मिएकी होइन । म सात वर्षकी

ज्योतिष विज्ञानका ज्ञाता थिए कलाकार अरनिको

 काठमाडौं । नेपाल ललितकला प्रज्ञा–प्रतिष्ठानले राष्ट्रिय विभूति अरनिकोको सम्झनामा सोमबार पहिलो स्मृति दिवस मनाउँदैछ ।  अरनिको निधन भएको दिन

 भोलेनाथ म धेरै खुशी छु !

भोलेनाथ ! म आज राती १ बजे नै उठेर पूरै शरीर धोएर तपाईंलाई दर्शन गर्न भनेर गएँ, मलाई त्यो कति बजे होस् कुनै मतलव थिएन । मात्र तपाईंलाई दर्शन गर्न पाएमा म