सुक्ष्म निगरानी समूह गठन गर्दै अख्तियार, सेवाग्राही भई अनुगमनमा जाने 

काठमाडौ,२८ माघ । अख्तियार दुरुपयोग अनुसन्धान आयोगले भ्रष्ट्राचार नियन्त्रण गर्न सरकारी कार्यालयको निगरानीका लागि सुक्ष्म निगरानी समूह ‘¥यापिड अपरेशन टास्क फोर्स’ गर्ने तयारी गरेको छ । टास्क फोर्सका सदस्यहरू विभिन्न कार्यालयमा सेवाग्राही भई अनुगमनमा जाने छन् ।

अख्तियार दुरुपयोग अनुसन्धान आयोगका प्रमुख आयुक्त नवीनकुमार घिमिरेले सरकारी कार्यालयको निगरानीका लागि सुक्ष्म निगरानी समूह गठन गर्ने तयारी भइरहेको जानकारी दिएका छन् । घिमिरेका अनुसार आयोगले खटाएका व्यक्ति सेवाग्राही भएर जाने र कुनै गल्ती भएमा कारबाहीका लागि सिफारिस गर्ने जानकारी दिएका छन् ।  

प्रमुख आयुक्त घिमिरेले ‘¥यापिड अपरेशन टास्क फोर्स’ नाम दिएर सुक्ष्म निगरानी समूह गठन गर्ने तयारी भइरहेको र त्यसको कार्यविधि आयोगले स्वीकृत गरिसकेको जनाएका छन् । समूहले कुनै कमी कमजोरी फेला पारेमा कारबाहीका लागि सिफारिस गर्नेछ । कमजोरी भएको नदेखिएमा सम्बन्धित कार्यालयका प्रमुख, विभागीय प्रमुख वा सचिवलाई बोलाएर आयोगले कार्यालयको अबस्थाबारे जानकारी दिनेछ । 

यस्तै, आयोगले भ्रष्टाचार न्यूनीकरणका लागि प्रवद्र्धनात्मक कार्यक्रम अन्तर्गत नागरिक निगरानी समूह (सिटिजन जुरी) निर्माण गर्ने तयार पनि गरेको छ । अख्तियारले मात्र भ्रष्टाचार न्यूनीकरण गर्न नसक्ने भन्दै नागरिक समाजका विशिष्ठ व्यक्ति सम्मिलित समूह गठन गर्न लागिएको हो । 

समूह स्वतन्त्र रुपमा रहनेछ । आयोगले आवश्यक सहयोग भने गर्नेछ । पाइलटिङका रुपमा सुरु गर्न लागिएको समूह सफल भएमा थप विस्तार गर्ने पनि प्रमुख आयुक्त घिमिरेले बताए ।

  प्रधान सेनापतिको चेतावनी– ‘आचारसंहितालाई हास्यव्यंग्यको पुलिन्दा नठान्नु’

काठमाडौं । प्रधान सेनापति पूर्णचन्द्र थापाले नेपाली सेनाले आर्थिक अपारदर्शीता, ‘चेनआफ कमाण्ड’ उल्लङ्घन र अनुशासन विपरीत गतिविधिका सम्बन्धमा

बिप्लव निकट किसान सङ्घ पाल्पाका अध्यक्ष पक्राउ

बेझाड, ६ वैशाख । बिप्लव नेतृत्वको नेकपा निकटको अखिल नेपाल किसान सङ्घ पाल्पाका अध्यक्ष टोपराज बस्याललाई प्रहरीले पक्राउ गरेको छ । तानसेन

रथ तान्दा ढुङ्गा हानाहान, नौ घाइते

भक्तपुर, ६ वैशाख । भक्तपुरमा मनाइने बिस्केट जात्राको अन्तिम दिन गएराति भैरवको रथ तान्ने क्रममा ढुङ्गा हानाहान हुँदा नौ घाइते भएका छन् । घाइते हुनेमा

एबियूको पाँचौ सम्मेलन काठमाडौंमा हुने

काठमाडौँ, ६ वैशाख । एशिया प्यासिफिक ब्रोडकास्टिङ यूनियन (एबियू) को पाँचौ सम्मेलन काठमाडौँमा हुने भएको छ । एबियूमा एशिया–प्रशान्त क्षेत्रका ७६ देश