महाधिवेशन पर सार्ने देउवा र पौडेलको रणनीति,गगनले सभापतिमा उम्मेदवार दिने 

काठमाडौं । नेपाली कांग्रेसका सभापति शेरबहादुर देउवा र बरिष्ठ नेता रामचन्द्र पौडेल पार्टीको महाधिवेशन सकेसम्म पर धकेल्ने तयारीमा रहेको चर्चा चलिरहेका बेला यसको बिरोध सुरु भएको छ । भावी सभापतिका आकांक्षी पौडेललाई समर्थनको आश देखाएर सभापति देउवाले महाधिवेशन एकदुई वर्ष पर धकेल्ने तयारी गरिरहेको बुझिएको छ ।

नयाँ विधान कार्यान्वयनमा ल्याउन पनि विधानले निश्चित गरेको समयमै महाधिवेशन गराउनुपर्ने आवाज गत महासमिति बैठकमा पनि उठेको   थियो । तर केन्द्रीय समितिका पदाधिकारी र सदस्यले पनि पार्टीको तल्लो निकायबाट निर्वाचित भएर आउनुपर्ने वैधानिक प्रावधान छल्ने कुरामा मत मिलेका देउवा र पौडेल महाधिवेशन नै सार्न समेत तयार भएको बुझिएको छ । 

महामन्त्री शशांक कोइराला, केन्द्रीय सदस्यहरु शेखर कोइराला र रामशरण महतले पनि भावी सभापतिका लागि आफू तयार रहेको बताएपछि देउवाले पौडेललाई काखी च्याप्न थालेको एक केन्द्रीय सदस्यले बताए । अनुकूल भए आफैं सभापतिमा दोहोर्याउन तयार देउवाले अरु दावेदारको दवाव बढ्दै जाँदा आफू कमजोर हुने अवस्था देखेपछि पौडेलको साथ लिएर महाधिवेशन नै पर धकेल्ने तयारी गरिरहेको जानकार सूत्रले बताएको छ ।

यसैबीच, काङ्ग्रेस केन्द्रीय सदस्य गगन थापाले पार्टी महाधिवेशनलाई पछाडी धकेलेर काङ्ग्रेसलाई फाइदा नहुने भन्दै चलखेल गरिरहेका नेताहरुलाई चेतावनी दिएका छन् ।

आईतबार गोरखामा संवाददाताहरुसँग कुरा गर्दै युवा नेता थापाले महाधिवेशनलाई दुई÷अढाइ वर्ष पछाडि धकेल्न लागिएको संकेत गर्दै त्यसो गरिए पार्टीलार्ई बलियो नबनाउने भन्दै तत्काल महाधिवेशनको काम शुरु गर्न माग गरेका छन् ।

‘काङ्ग्रेसले अधिवेशन पछाडि लैजानुपर्ने कुनै कारण छैन”, थापाले भने, “सरकारको जिम्मेवारीमा नभएको बेला पार्टीको महाधिवेशनलाई दुई वर्षका लागि म्याद थपेर फाइदा हुँदैन बरु महाअधिवेशनमा गएर सङ्गठन बनाउन लाग्नुपर्छ ।” 

नेता थापाले पार्टीको आगामी महाधिवेशन पहिलो पुस्ताका नेताले विश्राम लिने महाधिवेशन बनाउनुपर्ने भन्दै त्यसका लागि आफू सभापति लड्न पनि तयार रहेको घोषणा गरे । 

“अरु कसैले आँट गर्नुभएन भने म आँट गर्न तयार छु”, उनले भने, “तर आगामी महाधिवेशनलाई जसरी पनि पहिलो पुस्ताका नेताले विश्राम लिने महाधिवेशन बनाउनुपर्छ ।” 

अब पार्टीका पुराना नेताले अभिभावकको जिम्मेवारी निर्वाह गर्नुपर्ने बेला आएको भन्दै नेता थापाले उनीहरुबाट अबको पुस्ताको चाहना पूरा हुनै नसक्ने जिकिर गरे । “युवा अब पार्टीको मूल जिम्मेवारीमा आउनुपर्छ भन्नेमा म दृढ छु”, उनले भने, “अब पुराना नेतालाई बढो सम्मान दिएर   राख्नेछौँ ।” 

राससका अनुसार, नेता थापाले अहिलको काङ्ग्रेस जमेको पोखरी जस्तो भएको भन्दै अब पार्टीलाई बगेको नदी जस्तो जीवन्त बनाउने बेला आएको बताए । पार्टी सञ्चालनमा व्यक्तिगत सम्बन्धमा हावी भएकाले समस्या भएको उनको तर्क छ । “शीर्ष नेता मिलेका बेला विधान चाहिँदैन, जब सामान्य समस्या आउँछ अनि नेता विधान पल्टाउन थाल्नुहुन्छ”, उनले भने, “यही कारणले पार्टीभित्र समस्या उत्पन हुने गरेको हो ।”
 

संसदीय समितिले दिएका निर्देशन सरकारले पालन गर्नुपर्छ : प्रतिवेदन

  काठमाडौँ, ४ भदौ । राष्ट्रियसभाको बैठकले ‘काठमाडौँ उपत्यका सार्वजनिक यातायात (व्यवस्थापन) प्राधिकरण विधेयक, २०७६ दफावार छलफलका लागि विधान

रवीन्द्र अधिकारीकाे क्षेत्रमा उपनिर्वाचन चर्चाः साझा उम्मेदवारको खोजी

कास्की, ४ भदाै । पूर्वसंस्कृति, पर्यटन तथा नागरिक उड्ड्यनमन्त्री रवीन्द्र अधिकारीको निधनपछि रिक्त रहेको कास्की क्षेत्र नं २ मा आगामी मङ्सिर १४ गते

‘आयोगको विज्ञापन रद्द गर्नुपर्ने आवश्यकता छैन’ 

  काठमाडौं, ३ भदौ । लोकसेवा आयोगको विज्ञापन तत्कालिन अवस्थामा समावेशी भएको संघीय मामिला तथा सामान्य प्रशासनमन्त्री लालबाबु पण्डितले दाबी गरेका

‘नेपाल–भारत संयुक्त आयोगको पाँचौँ बैठक नेपालको हितमा हुनुपर्छ’ 

काठमाडौँ, ३ भदौ । भारतका प्रधानमन्त्री नरेन्द्र मोदी नेतृत्वको बलियो सरकारसँग मिलेर नेपालको हितमा आर्थिक लाभ हुने गरी विभिन्न कार्यक्रम अगाडि