संस्थापनपक्ष महासमिति बैठकको म्याण्डेट विपरित जान खोजेपछि कांग्रेसभित्र फेरी विवाद

काठमाडौ,२७ माघ । नेपाली कांग्रेसभित्र पार्टी विधानलाई लिएर फेरि तिव्र मतभेद उत्पन्न भएको छ । पुष ८ गते काठमाडौमा सम्पन्न महासमितिबाट पारित भएका कतिपय विषयलाई विधानमा समावेश नगरिएपछि कांग्रेसभित्र तिव्र मतभिन्नता उत्पन्न भएको हो ।महासमितिको बैठक सकिएको डेढ महिनाभन्दा पनि बढी समय हुँदा समेत नयाँ विधान लागू हुन सकेको छैन । 

महासमितिले पारित गरेको केन्द्रीय सभापतिदेखि केन्द्रीय सदस्यसम्म सबै बुथ कमिटिबाटै निर्वाचित भएर आउनुपर्ने र सरकारी तथा पार्टीको पदमा आरक्षणको अवसर एकपटक मात्रै दिनुपर्ने विषयमा मुख्य विवाद देखिएको छ । असन्तुष्ट कांग्रेसका एक जना केन्द्रीय सदस्यले भनेः‘ महासमितिको बैठकबाट पारित भएका प्रस्तावलाई केन्द्रीय कार्यसमितिको बैठकले थप्न, काट्न र घटाउन सक्दैन । काटेर उल्टाउने अनुमति पनि छैन । परिमार्जन मात्रै गर्न सक्छ । महासमिति बैठकको भावनामा तलमाथि नहुने गरी परिमार्जन गर्ने अधिकार मात्र कार्यसमितिलाई दिएको छ ।’

केन्द्रीय सदस्य डा.शेखर कोइरालाले सभापतिदेखि केन्द्रीय सदस्यसम्म बुथ कमिटिबाटै निर्वाचित भएर आउनुपर्छ र समावेशीको अवसर एकपटक मात्रै हुनुपर्छ भन्ने विषयलाई केन्द्रीय समितिले पारित नगरेको, तर महासमितिको बैठकले प्रस्तावलाई पारित गरेको बताए । उनले भनेः‘महासमिति बैठकमा बोल्दै सभापति शेरबहादुर देउवा र वरिष्ठ नेता रामचन्द्र पौडेलले समेत यी दुई विषयलाई विधानमा समावेश गर्ने प्रतिबद्धता व्यक्त गर्नुभएको हो, महासमितिले पारित गरेका विषयलाई केन्द्रीय कार्यसमितिले परिवर्तन गर्ने कुरा मान्य छैन् ।’

तर,अर्का केन्द्रीय सदस्य मानबहादुर विश्वकर्माले भने आरक्षणबाट एक दुईपटक मात्रै सरकारी पद र केन्द्रीय समितिमा आउन दिनुपर्ने, त्योभन्दा बढी दिनु हुँदैन भन्ने कुरा ठीक नभएको, आठवटा समूहबाट आरक्षणको व्यवस्था भएपछि सबै वर्ग र समूहको प्रतिनिधित्व भइसकेपछि ‘खुला’ भनेर राख्नुपर्ने तर्क गरे ।

नुवाकोटका कांग्रेस जिल्ला सभापति जगदीश्वरनरसिंह के.सी.ले हेटौंडामा सम्पन्न जिल्ला सभापतिहरूको राष्ट्रिय भेलाले सभापतिदेखि केन्द्रीय सदस्य सबै बुथ कमिटिबाट निर्वाचित भएर आउनुपर्ने र आरक्षण पटक–पटक एकै व्यक्तिलाई दिन नहुने प्रस्ताव पारित गरेको बताए । उनले जिल्ला सभापतिहरुको भेलाको निष्कर्षलाई महासमिति बैठकले समेत स्वीकार गरेकाले केन्द्रीय समितिले उल्ट्याउन नसक्ने जिकिर गरे ।

सभापतिदेखि केन्द्रीय सदस्यसम्म सबै बुथ कमिटिबाटै निर्वाचित भएर आउँदा अहिलेको जस्तो गुटबन्दी नहुने, नेताहरु तल्लो तहसम्म जिम्मेवार हुने र केही नेताको चाकडी गरेर ठूलो पदमा पुग्ने अभियानको अन्त्य हुने भनाइ अधिकांश नेताहरुको जिकिर छ । महासमिति बैठकले पारित गरेका विषयहरु विधानमा हुबहु समेट्न नसकिने संस्थापन पक्षको अडानले विधानलाई अन्तिम रुप दिन ढिलाई भईरहेको छ ।

देउवाले शेखर कोइरालालाई अनुशासनको कार्बाही गर्ने

पर्सा । नेपाली काङ्ग्रेसका सभापति शेरबहादुर देउवाले केन्द्रीय सदस्य शेखर कोइरालालाई अनुशासनको कार्बाही गर्ने चेतावनी दिएका छन् । यहाँ आयोजित

‘राजतन्त्र हटाउन हतार गरियो’: प्रा.डा. ढुंगेल 

काठमाडौं, ८ फागुन । एकजना प्राध्यापकले नेपालबाट राजतन्त्र हटाउन हतार गरिएको विश्लेषण गरेका छन् । उनले भनेका छन्–‘राजा आउने वा नआउने भन्ने कुरा

सरकारले यसरी बिताएछ वर्षदिन

सरकारको कामको समीक्षा दिनदिनै भएकै हुन्छ । हाम्रो प्रचलन बनेको छ– पहिलो सय दिन र वर्षदिन । सय दिन विरुवाको पात हेर्ने– चिल्लो देखिन्छ कि खस्रो । एक

 नेविसङ्घको तदर्थ समिति बनाइँदै

काठमाडौं । नेपाली काङ्ग्रेसले भ्रातृ संस्था नेपाल विद्यार्थी सङ्घको केन्द्रीय तदर्थ समिति बनाउने तयारी थालेको छ । काङ्ग्रेस केन्द्रीय