मड्रिड डर्बीमा रियल मड्रिडको शानदार जित,उक्लियो दोस्रो स्थानमा

काठमाडौ,२७ माघ । स्पेनिस ला लिगा फुटबल अन्तर्गत गएराति भएको मड्रिड डर्बी (रियल मड्रिड र एथ्लेटिको मड्रिड) मा रियल मड्रिड विजयी भएको छ । अवे मैदानमा भएको खेलमा रियल मड्रिडले अर्को मड्रिड क्लब एथ्लेटिको मड्रिडलाई ३–१ ले हराएको हो ।

१६ औँ मिनेटमा कासेमिरोको गोलबाट रियल मड्रिडले सुरुवाति अग्रता लिएको थियो । २५ औँ मिनेटमा ग्रिजम्यानले एथ्लेटिकोका लागि बराबरी गोल फर्काए । ४२ औँ मिनेटमा पाएको पेनाल्टीमा कप्तान सर्जियो रामोसले गोल गरेपछि पहिलो हाफमा रियल मड्रिडले २–१ को अग्रता लियो ।

७४ औँ मिनेटमा ग्यारेथ बेलले गोल गरे र रियल मड्रिडलाई ३–१ को अग्रता दिलाए । बेलले रियल मड्रिडबाट गरेको यो उनको १०० औँ गोल हो अर्थात उनले रियल मड्रिडबाट गोलमा शतक पूरा गरेका छन् । बेलले रियल मड्रिडबाट २१७ खेलमा १०० गोल गरेका हुन् ।

बेलले गोल गरेको ६ मिनेटपछि अर्थात ८० औँ मिनेटमा एथ्लेटिको मड्रिड १० खेलाडीमा सीमित भयो । एथ्लेटिकोका थोमस पार्टी दोहोरो पहेँलो कार्ड खाँदै मैदानबाट बाहिरिए ।

जितसँगै रियल मड्रिड एथ्लेटिकोलाई पछि पार्दै दोस्रो स्थानमा उक्लिएको छ । उसको २३ खेलबाट ४५ अंक भएको छ । तेस्रो स्थानमा झरेको एथ्लेटिकोको ४४ अंक छ ।

रियल मड्रिड एक खेल कम खेलेको शीर्षस्थानको बार्सिलोना भन्दा पाँच अंकले पछाडी छ ।

ओपनरद्वयको अर्धशतक सहित नेपालको जित, विश्वकप पुग्न असफल

काठमाडौं, ५ वैशाख । नेपाली युवा टोलीले शानदार ब्याटिङ गर्दै कुवेतले दिएको लक्ष्य सहजै पुरा गरेको छ । इनिङमा २२ ओभर बाँकि हुँदै ८ विकेटको जितसँगै

बार्सिलोनाको प्रतिद्वन्दी लिभरपुल, अयाक्सको टोटेनह्याम

एजेन्सी । क्लब फुटबलको विश्वकप युइएफए च्याम्पियन्स लिगको सेमिफाइनल समीकरण पुरा भएको छ । प्रतिष्ठीत प्रतियोगिताको उपाधीको फाइनलमा पुग्न

नेपालको विश्वकप खेल्ने सपना चकनाचुर

काठमाडौं, ४ वैशाख । ओमान विरुद्ध युएईले १० विकेटको सहज जित दर्ता गरेसँगै नेपाली युवा टोलीको विश्वकप खेल्ने सपना चकनाचुर भएको छ । आईसिसी एशिया यु–१९

ओमान विरुद्ध नेपाल विजयी, युएईको विजयसँगै नेपालको सम्भावना पातलिंदै

काठमाडौं, ३ वैशाख । मलेशियाको राजधानी क्वाला लुम्पुरमा आयोजना भइरहेको आईसिसी एशिया यु–१९ विश्वकप छनौट प्रतियोगिता अन्तर्गत आज भएको खेलमा नेपाल