शहीदको याद 

विस्मृतिको झ्यालखानाबाट उठेर 
अतितले मलाई हेर्दैछ 
आँखासमेत झिमिक्क नगरी ! 


म पनि तिमीसँगै छु 
निरास नहुनु कहिल्यै 
जेलबाट म फर्किएको दिन 
तिमीले मुस्कुराउँदै भनेका थियौ
तिम्रा वाणीले म उचालिएको थिएँ 
धेरै पाइलामाथि 
र अडिएको थिएँ 
अग्लो भएर 
साह्रै खुशी भएको थियौं 
तिमी त्यसबखत ।

मानव समुन्द्रको छालले उछिट्याएर 
निरङ्कुशताको धरोहरलाई 
किनारामा हुत्याएको दिन
मेरो अनुहारभरि पोतिएको अवीरले 
तिमीलाई पनि रङ्गिन बनाएको थियो ।

खुशी हुँदै अँध्यारो कोठाबाट 
तिमीलाई निकालेर 
मसँगै मेरो उज्यालो घरमा पुर्याएँ 
उज्यालिएनौ तिमी 
मेरो पारिवारिक हर्षाेउल्लासमा 
हर्षले फुलेनौ तिमी 
मेरो सुखलाई, प्रगतिलाई 
मैले जसरी नै तिमीले 
देशकै उन्नतिमा र प्रगतिमा जोडेनौ
प्रत्येक विहान 
मेरो उज्यालो घरको मूल कोठामा 
तिमी मुस्कुराउन छाड्यौ 
सागरजस्तै गहिरो पीडा गहिरिन थाल्यो 
तिम्रो अनुहारमा 
ज्वालामुखीजस्तै आक्रोश दन्कन थाल्यो 
तिम्रा आँखामा 
अब त सक्दिन 
म तिमीलाई सँगै राख्न 
धेरै वर्षअघि शहीद बनेर तस्बिरमा बसेको 
मेरो प्यारो साथी 
झिकेर तिमीलाई 
काँपिरहेका हातमा लिइरहेको छु 
अब खै कता राखुँ !

 (प्राज्ञ तथा कवि नन्दु उप्रेती इलामस्थित साहित्यकार स्वर्गीय विष्णु नवीनको शालीकमा माल्यार्पण गर्दै । तस्बिर उप्रेतीको फेसबुकबाट ।)

बिर्सन लागेको पलेँटी फेरि शुरु हुने  

 काठमाडौं। नेपालयले संचालन गर्दै आएको लघु–सांगीतिक कार्यक्रम ‘पलेँटी शृंखला’ फेब्रुअरी महिनादेखि शुरु हुने भएको छ । लामो अन्तरालपछि शुरु हुन

 विराटनगरमा अन्तराष्ट्रिय नाटक महोत्सव हुने

विराटनगर । यही फागुन १५ देखि २४ गतेसम्म अन्तर्राष्ट्रिय नाटक महोत्सव हुने भएको छ ।  आरोहण विराटनगरद्वारा सोमबार यहाँ आयोजित पत्रकार सम्मेलनमा

 गायक  पशुपति  शर्माको गीत पुनःयूट्युबमा राख्न माग 

काठमाडौं । राष्ट्रिय लोक तथा दोहोरी गीत प्रतिष्ठानले सामाजिक सञ्जालमा विवादित बनेको लोकदोहोरी गायक पशुपति शर्माको ‘लुट्न सके लुट...’ शीर्षकको

प्राथमिक कक्षा पढेका २० महाकाव्यका स्रष्टा

भनिन्छ शिक्षा र ज्ञान आफैंमा एउटा अनन्त सागर हो । पुस्तकका पानाहरूमा सीमित कुराहरू मात्र शिक्षा वा ज्ञान मानिंदैन । शिक्षालाई कुनै सीमामा बाँध्नु