अनसनरत डा.केसीलाई चिसोले सकस

इलाम, २७ पुस । स्वास्थ्य क्षेत्र सुधारको माग गर्दै अनसनरत डा.गोविन्द केसीलाई चिसो सकस भएको छ ।

डा.केसी इलामको फूलगाछीमा अनसन बसिरहेका छन् । आज उनको अनसनको तेस्रो दिन हो । चिसोले अनसनमा सकस भइरहेको अनसनस्थलमै खटिएका धर्म गौतमले बताए ।

चिसोले स्वास्थ्यमा पर्न सक्ने असरका कारण शुक्रबार बिहानै स्वास्थ्यकर्मीको टोली डा.केसीको स्वास्थ्य परिक्षण गरेको छ । डा.केसीको अवस्था सामान्य रहेको स्वास्थ्यकर्मीले बताएका छन् ।

यस अघि सरकारले डा.केसीसँग गरेको सहमति विपरित चिकित्सा शिक्षा विधेयक ल्याउन लागेपछि उनी २५ पुसदेखि अनसनमा बसेका हुन् । १५औं अनसन जुम्लामा बसेका डा.केसीले १६औं अनसनका लागि क्ष्लामको फूलगाछी रोजेका हुन् ।

स्वास्थ्य क्षेत्र सुधारको माग गर्दै डा.केसी पहिलो पटक २१ असार, ०६९ मा अनसन बसेका थिए । सरकारले माग पुरा गर्ने आश्वासन दिएपछि पहिलो अनसन चार दिनमा अन्त्य गरेका थिए ।

तर, सरकारले सहमति विपरित काम गरेपछि उनले दोस्रो अनसन २७ साउन, ०६९ मै थालेका थिए । त्यो अनसन सात दिनमा टुङ्गिएको थियो ।

तेस्रो अनसन २९ पुस, ०७० मा १३ दिने बसे भने, चौथो अनसन २५ माघमा, ०७० मा आठ दिन बसेका थिए । पाँचौ अनसन ८ फागुन, ०७१ मा १२ दिन, छैटौ अनसन ७ भदौ ०७२ मा १३ दिन, सातौ अनसन २ असोज, ०७२ मा ११ दिन, आठौं अनसन २६ साउन, ०७३ मा १४ दिन बसेका थिए ।

सहमति गर्दै अनसन अन्त्य गर्दै आएका डा.केसीलाई सरकारले भने धोका दिदै आएको छ । नेकपा संसदीय दलका उपनेता सुभाष नेम्वाङको पहलमा १५औं अनसन तोडेका डा.केसीसँग भएको सहमति विपरित चिकित्सा शिक्षा विधेयक तयार भएपछि १६औं अनसन बसेका हुन् ।

उनको अनसनको तेस्रो दिनसम्म पनि सरकारले भने वास्ता गरेको छैन् ।

तस्बिर सौजन्यः धर्म गौतम

नेपाल कम्युनिष्ट पार्टी नेत्रविक्रम चन्दका दुई कार्यकर्ता पक्राउ

        तनहुँ, ७ साउन । नेपाल कम्युनिष्ट पार्टी नेत्रविक्रम चन्द समूहका दुई स्थानीय नेतालाई प्रहरीले आज दिउँसो पक्राउ गरेको छ ।   

 देउवाले नभेटेका रअ प्रमुखले प्रधानमन्त्रीलाई कस्तो सन्देश पठाए

काठमाडौं । नेपाली कांग्रेसका सभापति शेरबहादुर देउवाले भारतीय खुफिया एजेन्सी रिसर्च एण्ड एनालाईसिस वीङ्स (रअ) का प्रमुखसँग नभेटेको बुझिएको छ । अचानक

शान्तिसुरक्षाको अधिकार प्रदेशलाई हुनुपर्छ : सभापति शाह

रुपन्देही, ७ साउन । संसद्को सार्वजनिक लेखा समितिका सभापति भरतकुमार शाहले शान्तिसुरक्षाको अधिकार प्रदेशकै मातहतमा हुनुपर्ने बताएका छन्

गृहकार्य नपुगेको भन्दै नेकपाको सचिवालय बैठक स्थगित

काठमाडौं– सत्तारुढ दल नेपाल कम्युनिष्ट पार्टी (नेकपा)को एकता प्रक्रियाको बाँकी काम टुंग्याउन आज बस्ने भनिएको सचिवालय बैठक स्थगित भएको छ । गृहकार्य