महिला क्रिकेटर आज थाइल्याण्ड जाँदै, विनोद दास प्रशिक्षक

काठमाडौं, २७ पुस । नेपाली महिला क्रिकेट टोली थाइल्याण्डमा आयोजना हुने महिला टी–२० स्म्याश २०१९ प्रतियोगितामा सहभागी हुन आज त्यसतर्फ लाग्दैछन् ।

थाइ एयरवेजको दिउँसो १ः५० को फ्लाइटबाट १४ सदस्यीय टोलीको साथै प्रशिक्षक विनोद दास, फिजियो सकुना दानी र व्यवस्थापक अमृता पौडेल जान लागेको नेपाली क्रिकेट टोलीका व्यवस्थापक रमण शिवाकोटीले जानकारी दिए ।

नेपाली महिला क्रिकेट टोलीले यसअघि गत नोभेम्बर महिनामा भएको महिला टी–२० विश्वकपको एसियाली क्षेत्रको छनौट प्रतियोगिता खेलेको थियो ।

नेपाल क्रिकेट संघ (क्यान) हाल निलम्बनको अवस्थामा भएकोले पनि आईसीसीको नेतृत्वमा यसअघि १४ सदस्यीय टोली छनौट गरिएको थियो । टोलीको कप्तानमा रुबीना क्षेत्री बेल्बासेले निरन्तरता पाएकी छिन् भने सीता राना मगरलाई पहिलो पटक उप–कप्तानको जिम्मेबारी दिइएको छ ।

अन्य सदस्यमा अफ स्पीनर करुणा भण्डारी, ब्याटर सरीता मगर, अलराउन्डर नेरी थापा, ब्याटर इन्दु बर्मा, मध्यम गतिकी बलर सोनु खड्का, अलराउन्डर आरती बिडारी, बलर काजल श्रेष्ठ, रोमा थापा, कबीता कुँवर, डोली भट्ट, बलर ममता कुमारी चौधरी र बिन्दु रावल रहेकी छिन् ।

भोली देखि सुरु हुने उक्त प्रतियोगिता एक हप्तासम्म चल्नेछ । पहिलो खेलमा नेपालले भोली अर्थात् शनिबार चीनको सामना गर्नेछ ।

त्यस्तै दोश्रो खेल जनवरी १३ आइतबार मलेसियासँग, तेश्रो खेल जनवरी १४ मा युएईसँग खेल्ने तालिका रहेको छ । ९ टोली सम्मीलित यस प्रतियोगिताको लिग चरणको अन्तिम खेल जनवरी १६ मा थाइल्याण्डसँग खेल्नेछ ।

लिग चरणको समाप्तीपछि अंक तालिकामा रहेको स्थानको आधारमा प्लेअफका खेलहरु जनवरी १८ मा हुनेछ भने जनवरी १९ मा फाइनलको खेल हुने तालिका रहेको जानकारी पनि शिवाकोटीले दिएका छन् ।

 

 

कठिन अभ्यास खेलमा नेपाल विजयी

काठमाडौं, १२ चैत । भारतमा अभ्यासरत नेपाली यू–१९ क्रिकेट टोलीले कठिन जित हात पारेको छ । आज भएको खेलमा भारतको आन्ध्र प्रान्तको यू–१९ क्रिकेट टोलीलाई

घाइते रोनाल्डो भन्छन्,  ‘छिट्टै खेलमा फर्किन्छु ’

एजेन्सी । युभेन्टस र पोर्चुगल राष्ट्रिय टोलीका स्टार क्रिस्टियानो रोनाल्डो खेलको क्रममा घाइते भएका छन् । सोमबार राती भएको पोर्चुगल र सर्बियाबिचको

आज नेपाल भर्सेस अफगानिस्तान 

काठमाडौँ, १२ चैत । एएफसी यु–२३ च्याम्पियनसीप छनोट फुटबल प्रतियोगिता अन्तर्गत आज नेपाल र अफगानिस्तान भिड्दैछन् । प्रतियोगिताबाट बाहिरिइ सकेको दुबै

अश्विनले विवादास्पद रुपमा बटलरलाई आउट पारेपछि..

एजेन्सी । सोमबार राती इन्डियन प्रिमियर लिग (आईपीएल) अन्तर्गत भएको किंग्स ११ पंजाब र राजस्थाल रोयल्स बिचको खेलमा जोश बटलर आउट भएको विषय विवादित बनेको छ