बार्सिलोना पराजित भएसँगै कोपा डेल रे रोमाञ्चक

काठमाडौं । स्पेनिस फुटबलको चर्चित कोपा डेल रे को प्रि–क्वार्टरफाइनलको पहिलो लेगमा लेभान्टेले बार्सिलोनालाई हराएपछि प्रतियोगिता रोमाञ्चक भएको छ ।

बिहीबार राती भएको खेलमा घरेलु टोली लेभान्टेले प्रतिस्पर्धात्मक खेलमा बार्सिलोनालाई २–१ गोल अन्तरले हराएको हो । पहिलो हाफमै लेभान्टेका एरिक काबाको र बोर्या मायोरेलले गरेको गोलले नै लेभान्टेलाई जित दिलायो ।

खेलको चौथो मिनेटमै काबाकोले रुवेन रोचिनाको पासमा गोल गरेपछि बार्सा दबावमा आएको थियो ।

बार्साको शैलीसँग अभ्यस्त लेभान्टेका स्टार फुटबलर बोर्याले खेलको १८ औं मिनेटमा गोल गरेपछि लेभान्टेले खेलमा पकड जमाएको थियो । बोर्या यसअघि रियल मेड्रिडबाट खेल्ने गरेका थिए । पहिलो हाफमा लेभान्टेले २–० को अग्रता कायम गरिरह्यो ।

दोश्रो हाफमा रक्षात्मक खेल खेलेको लेभान्टेको पोष्टमा बार्सिलोनाको खेलाडीहरुले गोल गर्ने प्रयास निरर्थक भइरहेको थियो । ८५ औं मिनेटमा फिलिप कौटिन्होले गोल गर्दै बार्सिलोनालाई अवे गोल गर्न मद्दत गरेपनि थप गोल नभएपछि लेभान्टे पहिलो लेगमा विजयी भयो ।

दोश्रो लेगको खेल आगामी जनवरी १८ मा बार्सिलोनाको घरेलु मैदानमा हुँदैछ । उक्त खेलपछि समग्र स्कोरको आधारमा विजयी टोलीको निक्र्यौल हुनेछ । एजेन्सी

 

कठिन अभ्यास खेलमा नेपाल विजयी

काठमाडौं, १२ चैत । भारतमा अभ्यासरत नेपाली यू–१९ क्रिकेट टोलीले कठिन जित हात पारेको छ । आज भएको खेलमा भारतको आन्ध्र प्रान्तको यू–१९ क्रिकेट टोलीलाई

घाइते रोनाल्डो भन्छन्,  ‘छिट्टै खेलमा फर्किन्छु ’

एजेन्सी । युभेन्टस र पोर्चुगल राष्ट्रिय टोलीका स्टार क्रिस्टियानो रोनाल्डो खेलको क्रममा घाइते भएका छन् । सोमबार राती भएको पोर्चुगल र सर्बियाबिचको

आज नेपाल भर्सेस अफगानिस्तान 

काठमाडौँ, १२ चैत । एएफसी यु–२३ च्याम्पियनसीप छनोट फुटबल प्रतियोगिता अन्तर्गत आज नेपाल र अफगानिस्तान भिड्दैछन् । प्रतियोगिताबाट बाहिरिइ सकेको दुबै

अश्विनले विवादास्पद रुपमा बटलरलाई आउट पारेपछि..

एजेन्सी । सोमबार राती इन्डियन प्रिमियर लिग (आईपीएल) अन्तर्गत भएको किंग्स ११ पंजाब र राजस्थाल रोयल्स बिचको खेलमा जोश बटलर आउट भएको विषय विवादित बनेको छ