क्रिकेटर हार्दिक पांड्या र केएल राहुल कारवाहीमा

काठमाडौं । टिभी सोमा महिलामाथि आपत्तिजनक टिप्पणी गरेपछि भारतीय राष्ट्रिय क्रिकेट टिमका दुई खेलाडी हार्दिक पांड्या र केएल राहुल कारवाहीमा परेका छन् ।

भातरीय क्रिकेट बोर्ड (बीसीसीआई)को प्रशासनिक समितिले दुवै खेलाडीलाई कारवाहीका लागि सिफारिस गरेको छ । समितिका प्रमुख विनोद रायले दुवै खेलाडीमाथि दुई/दुई खेल प्रतिबन्ध लगाउन सिफारिस गरिएको बताए । ‘पांड्या र राहुललाई दुई/दुई एकदीवसीय खेलमा प्रतिबन्ध लगाउँन सिफारिस गरिएको छ,’ रायले भने ।

समितिको सिफारिस बीसीसीआईको कानुनी सेलमा पठाइने छ । उक्त सेलले उनीहरुमाथि प्रतिबन्धको कारवाही गर्ने छ ।

बलिउड निर्देशक करण जोहारको टिभी सो ‘कफी विद करन’मा पांड्या र राहुलले महिलामाथि आपत्तिजनक टिप्पणी गरेका थिए । त्यसपछि सामाजिक संजालमा उनीहरुको विरोध भएको थियो ।

त्यसपछि बुधबार बीसीसीआईले छानविनका लागि समिति गठन गरेको थियो । उनीहरुलाई स्पष्टीकरण दिन २४ घण्टाको समय दिइएको थियो । दुवैले दिएको स्पष्टिकरणमा चित्त नबुझेपछि समितिले कारवाहीको प्रक्रिया अगाडी बढाएको हो ।

यसका लागि हार्दिक पांड्याले माफी पनि मागेका थिए । उनले ट्वीट गर्दै भनेका थिए, ‘सोको प्रकृतिअनुसार भावनामा बहकिएर तलमाथि बोले । कसैलाई पनि अनादर गर्नु मेरो मनसाय थिएन् । यसका लागि माफी चाहन्छु ।’

भारतीय टोली यतिबेला अष्ट्रेलियामा छ । शनिबार भारत र अष्ट्रेलियाको एकदीवसीय सिरिज शुरु हुने छ । पांड्या र राहुल भारतीय टिमका सदस्य हुन । उनीहरु पनि अष्ट्रेलियामै छन् । बीसीसीआईको लिगल सेलले प्रतिबन्ध नरोके उनीहरु दुई म्याच खेल्न पाउने छैनन् ।

 

 युएई भ्रमणका लागि सन्दीप नेपाल आए

काठमाडौं । बङ्गलादेशमा जारी बङ्गलादेश प्रिमियर लिग खेलिरहेको नेपाली युवा स्पिनर सन्दीप लामिछाने सोमबार नेपाल आएका छन् । अष्ट्रेलियामा जारी बिग

दक्षिण एशियाली खेलकूद निर्धारित मितिमा नहुने पक्का

काठमाडौँ, ७ माघ । नेपालमा हुने तय भएको १३औँ दक्षिण एशियाली खेलकूद (साग) निर्धारित मितिमा नहुने भएको छ । सन् २०१९ को मार्चमा नेपालमा हुने तय भएको १३औँ

धोनी अझै अब्बल, ३७ वर्षमा ५० रन भन्दा बढिको औसत हुने एक्लो क्रिकेटर

एजेन्सी । भारतीय क्रिकेट टोलीका खेलाडी महेन्द्र सिंह धोनीले अष्ट्रेलिया विरुद्धको पछिल्लो एकदिवसिय अन्तर्राष्ट्रिय सिरिजको ३ खेलमा १९३ रन बनाए

मेस्सीको अर्को किर्तिमान, पेलेको किर्तिमान तोड्ने तरखर

एजेन्सी । धेरै किर्तिमानहरु आफ्नो नाममा लेखाइसकेका बार्सिलोनाका महान खेलाडी लियोनल मेस्सीले नयाँ किर्तिमानमा पनि कब्जा जमाएका छन् । बार्सिलोनाका