कर्णाली सडकको स्तरोन्नति गर्दै सेना

जाजरकोट, २४ पुस । जाजरकोट–डोल्पा सडक खण्डअन्तर्गत सुंपानीदेखि सदरमुकाम दुनैसम्म सडकको स्तरोन्नति काम शुरु भएको छ ।

नेपाली सेनाको निर्माण कार्यदलले सोमबारबाट काम शुरु गरेको नेपाली सेनाका प्रमुख सेनानी विश्वबन्धु पहाडीले जानकारी दिए । डोल्पाको सदरमुकाम दुनैलाई राष्ट्रिय सडक सञ्जालमा जोड्नका लागि छिन्चु–जाजरकोट हुँदै डोल्पाको दुनैसम्म सडकको ट्रयाक खोल्ने जिम्मा पाएको नेपाली सेनाले खण्ड–खण्ड गर्दै छलगाडसम्म ट्रयाक खोलिसकेको छ । छलगाडसम्म ट्र्याक खुलेपछि खण्ड–खण्ड गरेर स्थानीय जीप सञ्चालनमा आएका छन् ।

यसैगरी सुंपानी–दुनै खण्डको सडकलाई पनि सडक विभागको गुणस्तरमा निर्माण गर्नका लागि सोमबारबाट नेपाली सेनाले दुई डोजर प्रयोग गरेर सुंपानीबाट निर्माण कार्य शुरु गरेको जिल्ला प्रहरी कार्यालय डोल्पाका प्रहरी नायब उपरीक्षक अवदेश विष्टले जानकारी दिए ।

सुंपानीदेखि दुनैसम्म १४ किलोमिटर मोटरबाटोलाई थप तीन मिटर चौडा गरेर सडक विभागको ग्रिडबमोजिमको सडक बनाउने कामलाई सोमबारबाट शुरुआत गरेर १०० मिटर जति आजै बनाइसकेको नेपाली सेनाका प्रमुख सेनानी विश्वबन्धु पहाडीले जानकारी दिए ।

सुंपानीदेखि दुनैसम्मको सडकखण्डको ट्र्याक खुलेर जीप निर्वाधरुपमा सञ्चालन भएपनि १४ विभिन्न नदी तथा खोलामा मोटर सञ्चालन हुने पुल निर्माण नभएसम्म डोल्पाको सदरमुकाम दुनैलाई राष्ट्रिय सञ्जालले छोएपनि यात्रुले सास्ती भोगिरहने छन् ।

यो बाटो विगत १० वर्ष अगाडिदेखि निर्माण शुरु भई ट्र्याक खुलेसँगै खण्ड–खण्ड गरी जिप सेवा सञ्चालन हुँदै आएको छ । महँगो भाडा तिरेर र ठाउँ–ठाउँमा पुल नहुँदा विभिन्न ठाउँमा वारिपारि पैदल हिँडेर भए पनि स्थानीयवासीले यात्रा गर्दै आइरहेका छन् । मोटरबाटो निर्माण शुरु भएपछि सुंपानीदेखि दुनैसम्मको बाटोमा पनि ढुक्कसँग यात्रा गर्न पाइने आशा स्थानीयवासीको छ ।

हुम्लाका नौ वटा झोलुङ्गे पुल अलपत्र

हुम्ला, ११ चैत । ठेकेदारले काममा ढिलाई गरिदिँदा निर्माण भइ सक्नुपर्ने नौवटा झोलुङ्गे पुल अलपत्रमा परेका छन् । झोलुङ्गे पुलका ठेकेदारले समयमै सामान

 कर्णाली करिडोरमा आजदेखि यातायात सञ्चालन

  बाजुरा, ७ चैत । कर्णाली करिडोरअन्तर्गत बाजुरा खण्डमा आजदेखि यातायात सञ्चालन गरिने भएको छ ।जिल्लाको महत्वपूर्ण मार्गका रुपमा मानिएको ३५ किलोमिटर

 मदन भण्डारीको नाममा जनताको उठिबास 

 गाईघाट । एमालेका तत्कालिन महासचिब मदन भण्डारीको नाममा निर्माण हुँदै गरेको चुरेक्षेत्रको सडकले स्थानीय बासिन्दाको उठिबास गरेको    छ ।

बृटिशले नेपालबाट काठ ओसार्न बनाएको रेलले वैशाखदेखि यात्रु बोक्ने

धनुषा । आउँदो नयाँ वर्षदेखि देशको एक मात्र रेल सेवा ‘जनकपुर–जयनगर रेल्वे’ सञ्चालन गरिने भएको छ । रेल विभागका अनुसार रेल सञ्चालनको तयारीका लागि