हात्ती खेल सङ्घमा सुमन घिमिरे

चितवन । क्षेत्रीय होटल सङ्घ चितवनका अध्यक्ष सुमन घिमिरेको अध्यक्षतामा १७ सदस्यीय नेपाल हात्ती खेल सङ्घ गठन गरिएको छ । 

राष्ट्रिय खेलकूद परिषद्ले सङ्घ पुनर्गठन गर्दै नयाँ समिति गठन गरेको हो । यसअघि चितवनकै बद्री अधिकारीको अध्यक्षतामा सङ्घ गठन गरिएको थियो । राखेपको पुस ७ गतेको निर्णयअनुसार हात्ती खेल सङ्घ गठन गरी जिम्मेवारी तोकिएको हो । 

तदर्थ समितिको वरिष्ठ उपाध्यक्षमा घनश्याम श्रेष्ठ, उपाध्यक्षमा दीपक भट्टराई र योगेश अधिकारी, महासचिवमा राममणि खनाल, सचिवमा दीपेन्द्र श्रेष्ठ र कोषाध्यक्षमा बबिता चौधरी छन् । पदाधिकारी सबै चितवन सौराहाका होटल तथा पर्यटन व्यवसायी हुन् । सदस्यमा टीका गिरी, ठाकुरमान श्रेष्ठ, केशव आचार्य, भुपालदास श्रेष्ठ, ज्ञानेन्द्र श्रेष्ठ तथा राखेपका दुई प्रतिनिधि, जिल्ला प्रशासन कार्यालयका एक प्रतिनिधि, चितवन राष्ट्रिय निकुञ्जका एक तथा निजी हात्ती धनीका एक प्रतिनिधि रहने गरी समिति गठन गरिएको छ । आगामी तीन महीनाभित्र अधिवेशन गरेर नयाँ कार्यसमिति गठन गरिने घिमिरेले जानकारी दिए। 

सङ्घ हात्तीका खेल सञ्चालन गर्दै नेपालमा यसको संरक्षणमा जुट्नेछ । यसअघि हात्तीसँग सम्बन्धित खेल क्षेत्रीय होटल सङ्घले सञ्चालन गर्दै आएको थियो । रासस

राष्ट्रिय ध्वजाबाहक विदेशीलाई सुम्पन शीर्ष नेताहरु नै सक्रिय

काठमाडौं । नेपाल वायुसेवा निगम (नेवानि) मा विदेशी विमान कम्पनी प्रवेश गराउने ठूलै चलखेल भैरहेको बुझिएको छ । नेवानिले विभिन्न सरकारी संस्थाबाट लिएको

फागुनमा पर्यटन लगानी सम्मेलन

काठमाडौँ, ६ साउन । नेपालको पर्यटन क्षेत्रमा लगानी प्रवद्र्धन गर्ने उद्देश्यले आगामी फागुनमा पर्यटन लगानी सम्मेलन काठमाडौँमा आयोजना गरिने भएको छ

पर्यटकीय सिक्लेससम्मको सडक स्तरोन्नति शुरु

कास्की, ५ साउन । नेपालको शान्ति प्रक्रियाको प्रस्थान विन्दुको रूपमा परिचित कास्कीको मादी गाउँपालिकामा अवस्थित पर्यटकीय सिक्लेस गाउँसम्म पुग्ने सडक

नारायणीमा क्रुजसिप सञ्चालनमा ल्याइने तयारी 

चितवन, ५ साउन ।  सरकारले घोषणा गरेको पर्यटन वर्ष २०२० लाई लक्षित गर्दै नारायणी नदीमा रिभर क्रुजसिप (मिनी पानीजहाज) सञ्चालनमा आउने भएको छ । क्रुज