‘निर्मला पन्तका हत्यारा पत्ता लाउनु पानी तताएजस्तो काम होईन’–बिष्णु रिमाल, प्रधानमन्त्रीका प्रमुख सल्लाहकार

काठमाडौं । प्रधानमन्त्री केपी शर्मा ओलीका प्रमुख राजनीतिक सल्लाहकार बिष्णु रिमालले बलात्कारपछि हत्या गरिएकी निर्मला पन्तका हत्यारा पत्ता लाउनु पानी तताएजस्तो काम नभएको बताएका छन् । उनले यो काम  बिजुलीको स्वीच दवाएजस्तो सजिलो नभएको बताउँदै सरकारको आलोचना गर्नेहरु एउटै बिषयमा अल्झिरहेका तर सरकार भने धेरै काममा व्यस्त रहेको पनि बताएका छन् ।

निर्मला पन्त प्रकरणका कारण सरकारको आलोचना भइरहेको छ । सरकार कमजोर भएको हो ?

सरकारको आलोचना गर्नेहरु एउटै विषयमा अल्झिरहेका छन् । तर सरकार धेरै विषयमा काम गर्दै छ । सबैखाले समस्या समाधान गर्दै देश विकास गर्ने सरकारको लक्ष्य छ ।

निर्मला पन्तको बलात्कारीलाई सरकारले कहिले पक्राउ गर्छ त ?

यो पानी तताएजस्तो होइन । स्वीच दबाएजस्तो पनि होइन । प्रहरी प्रशासनले अनुसन्धान गरिरहेको छ । जतिबेला सही अपराधी पत्ता लाग्छ, त्यसबेला सार्वजनिक गरिहाल्छ । अब निर्मला पन्त प्रकरणका दोषी चाँडै नै पत्ता लाग्छन् ।

रक्षामन्त्री ईश्वर पोखरेलले त हत्यारा पक्राउ परिसक्यो भन्नुभएको थियो नि ?

त्यो त मिडियामा आएको कुरा हो । के कसो हो बुझौँला । समातिएको भए पनि विधि पुर्याएर बाहिर आउँछ । नसमातिएको भए समातिन्छ । अनुसन्धान भइरहेकाले अहिलेलाई यति मात्रै भनौँ । प्रहरी प्रशासनलाई अप्ठ्यारो पर्ने गरी बोल्न थाल्यौँ भने अनुसन्धानमा समस्या हुन्छ ।

अन्तर प्रदेश परिषदको बैठकको उपलब्धि केके हुन् ?

दुइ दिन मन्त्रीहरु, मुख्यमन्त्रीहरु र प्रधानमन्त्रीसहित परिषदको बैठक बस्यो । बैठकमा समस्याहरुको पोको खोलियो । ती समस्या समाधानका लागि कार्यदल गठन गरिएको छ ।

संघीयता कार्यान्वयमा समस्या देखिएको कतिपयको तर्क छ । संघीयताले सरकारलाई समस्या नै निम्त्याएको हो त ?

संघीयता त कार्यान्वयनमा आइसक्यो नि । प्रणालीलाई लेखाजोखा गरेर हुँदैन । संघीयता खर्चिलो भयो भनेर जनतामा भ्रम छर्ने काम भइरहेको छ । संघीयता र संविधानका विरोधीहरु बोलिरहेका छन् । तर हामी संघीयतालाई सफल बनाउँछाँै ।

अहिलेको सरकारले विकास निर्माणको सवालमा प्रभावकारी काम गर्नै सकेन भन्ने पनि आरोप छ नि ?

विकास निर्माणका कामको थालनी भएको छ । एकैपटक सबै काम त हुँदैन नि । सरकार ठीक दिशातर्फ अगाडि बढिरहेको छ ।

तपाईंको पार्टीभित्र विवाद बढ्दै गयो । प्रवक्ता नारायणकाजी श्रेष्ठले त प्रधानमन्त्रीले पार्टी चलाउनु हुँदैन भन्नुभयो । बैठक पनि बहिष्कार हुन थाल्यो । समस्या चुलिएको हो ?

नारायणकाजी श्रेष्ठ बैठक छोडेर हिँड्नुहुन्छ । बैठकमा राख्नुपर्ने कुरा रेडियो र टेलिभिजनमा भन्दै हिँड्नुहुन्छ । यो त पार्टीविरुद्ध भइहाल्यो नि । उहाँ प्रवक्ता हो हाम्रो । प्रवक्ताले त विधि सिकाउनुपर्यो । भएका निर्णय सार्वजनिक गर्नुपर्यो । बैठक छोडेर हिँड्नुहुन्छ । बैठकमा के निर्णय भयो थाहै पाउनुहुन्न । हाम्रो प्रवक्ताजीको तरिका ठीक भएन ।

सत्तारुढ दलकै प्रवक्ताले सरकारको आलोचना गर्दा कस्तो प्रभाव पर्छ ?

गलत भयो भने त सबैले आलोचना गर्नुपर्छ । सरकारलाई ठीक ठाउँमा ल्याउनका लागि जसले पनि सुझाब दिनसक्छ ।

तर प्रवक्ताको मात्रै कुरा होइन नि, सचिवालय बैठक त चारजना नेताहरुले बहिष्कार गरेका छन् ?

केही केही साथीहरुलाई के रमाइलो लाग्छ कुन्नी बैठक छोडेर हिँड्नुभयो । किन छोड्नुभयो थाहा पनि छैन । अब स्थायी समितिको बैठकमा थाहा होला । अहिले त मिडियाबाट मात्रै थाहा पाएका छौँ । सबैले आफ्नो जिम्मेवारी बोध गर्नुपर्यो । ठूलो पार्टीका प्रवक्ताहरुले त विधि मिलाएर बोल्नुपर्छ नि । अरुलाई दोष लाउँनुभन्दा पहिला आफू ठीक छु कि छैन भन्ने ख्याल गर्नुपर्छ ।

केपी ओलीको बैठकमा समयमै नपुग्ने बानीले बहिष्कार गर्नुपरेको भनेर त प्रवक्ताज्यूले भनिसक्नुभएको छ त । बैठक पनि पार्टी कार्यालयमा राखिएन भन्ने गुनासो छ ?

प्रवक्ताले भन्ने भनेको त पार्टीले निर्णय गरेका कुराहरु हो । चित्त नबुझेको कुरा त बैठकमा बसेर भन्नुपर्छ । बाहिर गएर भन्दै हिँडेर त समस्या समाधान हुँदैन नि । उहाँलाई यस्ता कुरा भन्दै हिँड्नलाई प्रवक्ता बनाइएको होइन । यदी छाडा छारष्ट ढंगले जाने हो भने त अर्कै तरिकाको पदमा बसे भइगयो नि । उहाँ त हाम्रो पार्टीको प्रवक्ता हो । विधिअनुसार चल्नुपर्यो नि । स्वाद लाग्यो भन्दैमा जे पनि बोल्दै हिँड्न त भएन नि । यो त अराजकता हो । तर उहाँलाई सांगठनिक पद्धतिबारे थाहा पनि छैन । पहिला उहाँको पार्टीको संगठन नै अराजक थियो ।

तर बामदेव गौतम, झलनाथ खनाल र माधवकुमार नेपालको पनि त असन्तुष्टी छ नि ?

मैले ठूला नेताहरुको विषयमा कुरा गर्न मिल्यो र ? मेरा वरिष्ठ नेताहरुले भनेको कुराप्रति म टिप्पणी गर्न सक्दिन ।

(रिमालले नेपाली रेडियो नेटवर्कसँग गरेको कुराकानीको सम्पादित अंश)

\'अन्धकारलाई सराप्नु भन्दा दियो बत्ति बालौँ\'

‘फूलको आँखामा फूलै संसार, काँडाको आँखामा काँडै संसार’ भन्ने लोकप्रिय गीत गाएकी आनी छोइङ डोल्मालाई नचिन्ने विरलै होलान् । १३ वर्षको उमेरमै आनी

\'मलाई गणतन्त्र अहिलेको अहिल्यै घोषणा गरेर निस्किहाल्नुपर्छ भनियो\'

कुलबहादुर गुरुङ नेपाली राजनीतिमा चिनाउने पर्ने नाम होइन। शिक्षण पेसा हुँदै लामो समयदेखि प्रजातान्त्रिक आन्दोलनमा सक्रिय नेता गुरुङ नेपाली

\'ओलीको शासन पनि देखियो, माओवादी त सकिई नै हाल्यो\' - प्रकाश कोइराला

शहरभन्दा अलि पर कोलाहलले त्यति असर नपारिसकेको शान्त वातावरणमा बस्छन् प्रकाश कोइराला । दर्जनौं बृक्ष र बुट्यानले सजिसजाउ कुनै ध्यान केन्द्र झैं आभास

‘सकरात्मक प्रेम चाहनेले जानी नजानी हेनैपर्छ’

 मोदनाथ खनाललाई चलचित्र निर्माताका रुपमा सक्रिय देख्दा धेरैलाई अनौठो लाग्न पनि सक्छ । दर्शन,अध्यात्म र पत्रकारितामा जमेका खनाल एक शुक्ष्म विश्लेषक