आर्थिक नीतिमा केन्द्रीत हुँदै कांग्रेस बैठक

काठमाडौं, २० मंसिर । नेपाली कांग्रेस केन्द्रीय कार्यसमितिको बैठक आर्थिक नीतिमा केन्द्रीत हुने भएको छ ।

हिजोसम्म संशोधित विधान मस्यौदा प्रतिवेदनमाथि केन्द्रीत कार्यसमिति बैठक आजदेखि आर्थिक नीतिमा छलफल हुने जनाएको छ । कांग्रेस केन्द्रीय कार्यालयका मुख्य सचिव कृष्णप्रसाद पौडेलका अनुसार, बिहीबारको बैठकमा केही केन्द्रीय सदस्यले विधानको मस्यौदा प्रतिवेदनमाथि पनि बोल्ने छन् ।

बुधबार बसेको बैठकमा केन्द्रीय सदस्यहरु ज्ञानेन्द्रबहादुर कार्की, मानबहादुर विश्वकर्मा, अम्बिका बस्नेत, महेन्द्र यादव, गुरुराज घिमिरे, अमृत अर्याल र आमन्त्रित केन्द्रीय सदस्य बालकृष्ण पाण्डेले संशोधित विधानको मस्यौदामाथि आ–आफ्नो धारणा राखेका थिए । अधिकासं केन्द्रीय सदस्यहरुले समावेशीताको आधारमा पदाधिकारी संख्या बढाउनु पर्ने भनाइ राखेका थिए ।

सभापतिलाई काम गर्न सहज बनाउन अधिकार बढाउनु पर्ने, सदस्य संख्या थप्नु पर्ने, क्रियाशिल र साधारण सदस्यता राख्नु पर्ने लगायतका विषयमा केन्द्रीय सदस्यरुले जोड दिएका थिए । त्यस्तै, उमेर हद राख्नु पर्ने, गुटउपगुट अन्त्यका लागि बहुपदमा एकल संक्रमणीय निर्वाचन प्रणाली अपनाउनु पर्ने केन्द्रीय सदस्यहरुको भनाइ थियो ।

बुधबारको बैठकमा समग्र आर्थिक नीति प्रस्ताव समितिका तर्फबाट सहमहामन्त्री एवं समितिका संयोजक डा.प्रकाशशरण महतले पार्टीको समग्र आर्थिक नीतिको प्रस्ताव प्रस्तुत गरेका छन् । त्यसमाथि आजदेखि छलफल हुने कांग्रेस केन्द्रीय कार्यालयले जनाएको छ ।

यस अघि विधान संशोधन मस्यौदा समितिका संयोजक एवं महामन्त्री पूर्णबहादुर खड्काले ९ मंसिरमा संशोधित विधानको मस्यौदा पेश गरेका थिए ।

केन्द्रीय कार्यसमितिमा छलफल पछि यि दुवै प्रतिवेदन महासमिति बैठकमा प्रस्तुत गरिने छन् । कांग्रेस महासमितिको बैठक २८ मंसिरदेखि ३ पुससम्म काठमाडौंमा हुँदैछ ।

 

सरकारले यसरी बिताएछ वर्षदिन

सरकारको कामको समीक्षा दिनदिनै भएकै हुन्छ । हाम्रो प्रचलन बनेको छ– पहिलो सय दिन र वर्षदिन । सय दिन विरुवाको पात हेर्ने– चिल्लो देखिन्छ कि खस्रो । एक

 नेविसङ्घको तदर्थ समिति बनाइँदै

काठमाडौं । नेपाली काङ्ग्रेसले भ्रातृ संस्था नेपाल विद्यार्थी सङ्घको केन्द्रीय तदर्थ समिति बनाउने तयारी थालेको छ । काङ्ग्रेस केन्द्रीय

‘सरकार उल्टाउने खेल भैरहेको छ’: गृहमन्त्री

भद्रपुर । गृहमन्त्री रामबहादुर थापाले मुलुकभित्र र बाहिरका असन्तुष्ट शक्तिले सरकारलाई उल्ट्याउने, कमजोर पार्ने र फेरि अस्थिरता पैदा गर्ने प्रयास

 वाईडबडी खरिद प्रकरणः देउवा तानिए रवीन्द्र पनि नबच्ने

काठमाडौं । वाईडबडी विमान खरिद प्रकरणले निकै ठूलो तरंग ल्याउने बुझिएको छ । यसको अनुसन्धानमा कुनै अवरोध नआएमा सिंगो राजनीतिक क्षेत्रका हस्तीहरु र