नेपाल एयरलाइन्सलाई कम्पनी मोडलमा लगिने

काठमाडौं, १९ मंसिर । नेपाल वायुसेवा निगमलाई कम्पनी मोडलमा लग्ने तयारी भएको संस्कृति पर्यटन तथा नागरिक उड्डयनमन्त्री रविन्द्र अधिकारी बताएका छन् ।

बुधबार संसद्को सार्वजनिक लेखा समितिमा जवाफ दिदै मन्त्री अधिकारीले कम्पनीमा मोडलमा लगेर साझेदार भित्र्याउने प्रक्रिया अगाडी बढाएको बताए । निगम घाटामा गइरहेकाले नयाँ तरिकाले सोच्नु पर्ने आवश्यकता देखिएको उनको भनाइ थियो ।

निगमलाई कम्पनीमा मोडलमा लग्नका लागि सम्पत्ती मूल्यांकन गर्नु पर्ने बताउँदै त्यसका लागि मन्त्रालयले निर्णय गरिसकेको मन्त्री अधिकारीले बताए । निगम कम्पनीमा गइसकेपछि साझेदार भित्र्याइने बताए । त्यसका बारेमा भने पछि निर्णय हुने उनको भनाइ थियो ।

निमगले अर्थमन्त्रालयसँग रकम माग गरेको तर, अर्थमन्त्री युवराज खतिवडाले रकम दिन नसकिने बताएपछि साझेदार खोज्न तर्फ लागिएको मन्त्री अधिकारीको तर्क थियो ।

त्यस्तै, वाइडबडी खरिदसम्बन्धी पनि मन्त्री अधिकारीलाई प्रश्न सोधिएको थियो । त्यसमा उनले भ्रष्टाचार नभएको जवाफ दिएका छन् ।

वाइडबडी विमान ९३.०५ मिलियन डलरको भएपनि १०८ मिलियन डलरमा खरिद गरेको विषयमा सभापति भरतकुमार साहले प्रश्न गरेका थिए । सांसद्हरुले यसको छानविन गर्नु पर्ने माग गरेका छन् ।

निगमले दुइटा वाइडबडी विमान गरिद गरेको छ । जसमा २४ अर्ब रुपैयाँ लागेको जनाएको छ । यसमा अनियमितता भएको भन्दै छानविनको माग हुँदै आएको छ ।

शेयर बजार ः दोहोरो अङ्कले घट्यो

काठमाडौँ, १२ जेठ । साताको पहिलो दिन आज शेयर कारोवार मापक नेप्से परिसूचक दोहोरो अङ्कले घटेको छ । नेपाल स्टक एक्सचेञ्जका अनुसार कारोवार मापक नेप्से

तरकारी एवं पशुपालनबाट मनग्य आम्दानी

पोखरा, १२ जेठ ।  परम्परागत निर्वाहमुखी खेती प्रणालीलाई त्याग्दै व्यावसायिक खेती एवं पशुपालन गर्ने हो भने मनग्य आम्दानी गर्न सकिन्छ भन्ने कुरालाई

ब्लास्ट रोगका कारण धानखेती सखाप

भद्रपुर, १० जेठ । झापाको कमल गाउँपालिका–२ समयगढमा पाक्न लागेको धानको बोटमा ‘नेक ब्लास्ट’ नामक रोग देखापरेको छ । कृषि ज्ञान केन्द्र झापाका प्रमुख

तातोपानी नाका आउँदो साता सञ्चालनमा

काठमाडौँ,१० जेठ । भूकम्पपछि बन्द रहेको नेपाल–चीन जोड्ने तातोपानी नाका आउँदो साताभित्रै पुनः सञ्चालनमा आउने भएको छ ।  नेपालका लागि चिनियाँ राजदूत