अब भक्तको काखमा बस्दिनँ, जथाभावी नाच्दिनँ: राधे माँ

काठमाडौं । राधे माँका नामले चर्चित सुखविन्दर कौरमाथिको कारवाही हटाइएको छ । उनले लिखित रुपमा माफी मागेपछि जूना अखडाले उनीमाथि गरेको कारवाही फिर्ता लिएको हो ।

कारवाही हटेसँगै राधे माँ कुम्भ मेलाका लागि जुना अखडा पुगेकी छन् । उनको महामण्डलेश्वर उपाधि पनि फिर्ता दिइएको छ । उनीमाथि बिभिन्न आरोप लागेपछि जुना अखडाले निलम्बन गर्दै महामण्डलेश्वर उपाधी खोसेको थियो ।

अब उनी पुरानै महामण्डलेश्वर उपाधि सहित जुना अखडामा काम गर्न सक्ने भएकी छन् । यसका लागि भने उनले लिखित रुपमै संयम हुने प्रतिबद्धता गरेकी छन् ।

जुना अखडाका अनुसार, उनले भक्तहरुका काखमा नबस्ने वाचा गरेकी छन् । उनले भनेकी छन, ‘अब पहिले जसरी भक्तहरुका काखमा बस्ने, चुम्बन गर्ने, अंगालो हाल्ने गर्ने छैन ।’

उनले अर्का शर्तमा पनि मञ्जुरी जनाएकी छन् । जसमा जथाभावी ननाच्ने बताएकी छन् । ‘जथाभावी नाच्ने, गाउँने गर्ने छैन’ उनले भनेकी छन् ।

यस अघि उनी भक्तहरुसँग रमाइलो गर्दै नाच्ने गाउँने गर्दै आएकी थिइन् । पार्टी तथा समारोहहरुमा आइटम गीतहरुमा समेत नाच्ने गरेकी थिइन् ।

त्यस्तै, भक्तहरुका काखमा बस्ने, अंगालो हाल्ने, चुम्बन गर्ने उनको नियमित क्रियाकलाप जस्तै भएको थियो । तर, यस भने उनले माफी मागेकी छन् ।

उनको निलम्बन फुकुवासँगै २५ डिसेम्बरमा हुने कुम्भ मेलामा सहभागि हुने भएकी छन् ।

यससँगै कुम्भ मेलामा हुने तीन शाही स्नानमा पनि सहभागि हुने छिन् । जुना अखाडाको महामन्डलेश्वरको रुपमा उनले अन्य सुविधा पनि पाउने भएकी छन् ।

उनीमाथि गरिएको कारवाही फुकुवा भएको र सफाइ दिएको जुना अखडाका संरक्षक महन्त हरि गिरीले बताए । महन्त गिरीसहितको टोलीले छानविन गरेको थियो । तर, उनका विरुद्ध कुनै पनि गम्भीर आरोप नभएको र अपराधिक मुद्दा पनि नरहेको अखडाले जनाएको छ ।

महन्त गिरीले भने, ‘राधे माँका बारेमा धेरै टोलीले छानविन गरेको छ । कुनै पनि टोली गम्भीर गल्ती भेटेको छैन ।’ उनलाई ६ वर्ष अघि जुना अखडाले निलम्बन गरेको थियो ।

यस्तो गर्थिन राधे माँ
">http://

 जीवनमा समस्या आयो भने के गर्ने ? यस्ता छन् समाधानका उपाय

जीवनमा समस्या आउँछ । जीवन छ समस्या पनि छ । जीवन भएपछि दुःखसुख आउनु स्वाभाविक हो । किनभने सुख र दुःखबाटै जीवन सञ्चालित हुन्छ । जीवनका दुईटा खुट्टाहरु

डिजे र लाउडस्पिकर चर्को स्वरमा बजाउन नपाइने

नेपालगञ्ज, १९ मंसिर । नेपालगञ्जमा अबदेखि चर्को स्वरमा लाउडस्पिकर र डिजे बजाउन नपाइने निर्णय गरिएको छ । नेपालगञ्जमा भएको सर्वपक्षीय बैठकले यस्तो

जानकी मन्दिरबाट मुख्यमन्त्री स्वच्छता अभियान शुरु

जनकपुरधाम, १३ मंसिर । प्रदेश २ सरकारले जानकी मन्दिर परिसरको सौन्दर्यीकरण कार्यक्रमबाट विकास निर्माण कार्यको शुभारम्भ गरेको छ । मुख्यमन्त्री

बल्ल खुल्यो मनकामना मन्दिर  

गोरखा । गोरखास्थित मनकामना मन्दिरमा पूजाआजा गर्न भक्तजनका लागि खुला गरिएको छ ।  विसं २०७२ वैशाख १२ गतेको विनाशकारी भूकम्पले पूर्णरुपमा क्षति