२० भन्सार नाकाबाट दुई खर्ब ६० अर्ब राजश्व

काठमाडौं, १८ कात्तिक । चार महिनामा २० भन्सार नाकाबाट सरकारले कूल लक्ष्यको २७ दशमलव ५७ प्रतिशत राजश्व सङ्कलन गरेको छ ।

चालू आर्थिक वर्ष २०७५/७६ को हालसम्म दुई खर्ब ६० अर्ब ६८ करोड २६ लाख बराबरको राजश्व सङ्कलन गरेको छ ।

महालेखा नियन्त्रक कार्यालयका अनुसार शनिबारसम्म सो परिमाणको राजश्व सङ्कलन भएको हो । सरकारले चालू आवमा नौ खर्ब ४५ अर्ब ५५ करोड राजश्व सङ्कलन गर्ने लक्ष्य राखेको छ ।

भन्सार विन्दुमा गरेको सुधार तथा आन्तरिक राजश्व सङ्कलनमा गरेको कडाइका कारण राजश्व सङ्कलनमा वृद्धि भएको हो ।

यस्तै विकास खर्च भने आशातीत रुपमा बढ्न सकेको छैन । सो कार्यालयका अनुसार हालसम्म विकास खर्च ७ दशमलव ७६ प्रतिशत मात्रै भएको छ ।

चाडबाडका कारण विकास खर्चमा उल्लेख्य वृद्धि हुन नसकेको बताइन्छ । भन्सार विभागका अनुसार वीरगञ्ज भन्सारले सबैभन्दा बढी राजश्व सङ्कलन गरेको छ ।

यस्तै बढी राजश्व सङ्कलन गर्नेमा क्रमशः भैरहवा भन्सार, त्रिभुवन अन्तर्राष्ट्रिय विमानस्थल भन्सार कार्यालय, विराटनगर, वीरगञ्ज सुक्खा बन्दरगाह, नेपालगञ्ज, रसुवा, मेची, कृष्णनगर, कैलाली, जलेश्वर भन्सारलगायत छन् । हाल २० भन्सार नाका सञ्चालनमा छन् ।

कर सप्ताह सुरुः पाँच वर्षमा ३० लाख करदाता पुर्‍याउने आन्तरिक राजस्व विभागको लक्ष्‍य

काठमाडौ,१ मंसिर । आन्तरिक राजस्व विभागले विगतका वर्षजस्तै यस वर्ष पनि आजबाट कर सप्ताह मनाउन सुरु गरेको छ । विभागले हरेक वर्ष १ देखि ७ मंसिरसम्म विविध

अन्तर्राष्ट्रिय संस्थाको बोर्डमा तीन नेपाली निर्माण व्यवसायी

काठमाडौं, ३० कात्तिक । एशिया तथा पश्चिम प्रशान्त क्षेत्रका निर्माण व्यवसायीको छाता संस्था (इफाप्का) को बोर्डमा नेपाली निर्माण व्यवसायी पनि चयन भएका

वाईडबडीमा कमिसन खाएको विवरण आज सार्वजनिक हुँदै

काठमाडौं । नेपाल वायु सेवा निगमले निगमभित्र अहिलेसम्म भएका आर्थिक,भौतिक र प्रशासनिक अवस्थाको जानकारी दिन आज श्वेत पत्र जारी गर्ने भएको छ । खासगरी

राष्ट्र बैंकले आज ५ अर्बको रिभर्स रिपो जारी गर्दै

काठमाडौ,२९ कात्तिक ।  नेपाल राष्ट्र बैंकले आज बिहीबार ५ अर्ब रुपैयाँको रिभर्स रिपो जारी गर्दैछ । ७ दिनमा परिपक्व हुने गरी केन्द्रीय बैंकले रिभर्स