यसरी मजदूरबाट मालिक बने राजु

काठमाडौं । २५ वर्ष अघि लोकल कुखुराको मासु बेच्दा राजु श्रेष्ठलाई बिहान–बेलुकाको हातमुख जोर्ने जोहो गर्नु थियो । महाबौद्धमा खोलेको ‘राजु कुखुरा पसल’ टुँडिखेल हुँदै बागबजार पुग्दा राजुको जिन्दगी पनि बदलिएको छ । उनी लोकल कुखुरा बेचेरै मजदूरबाट मालिक बनेका छन् । 
हातमुख जोर्नका लागि २५ वर्ष अघि चियापसलमा माँडा माझ्ने काम गरेका राजु अहिले लखपति बनेका छन् । ‘छोराछोरी अमेरिका र जापानमा पढ्छन् । कोटेश्वरमा घर बनाएको छु । ६ जनाको परिवार चलेकै छ । सबै यसकै आम्दानीले हो,’ राजु भन्छन् ।


उनको जीवन संघर्षले भरिएको छ । रामेछापको रामपुरका उनी सानैछँदा घरबाट निस्किए । काठमाडौं पुगेपछि उनले होटलमा काम गरे । चियापसलमा भाँडा माँझेका थिए । त्यसमा पनि सन्तुष्टि नभएपछि उनी पंक्षीको व्यवसायमा लागे । र २५ वर्ष अघि महाबौद्धमा लोकल कुखुराको मासु बिक्री गर्न थाले । ‘त्यतिबेला ब्रोइलर कुखुराको चलन थिएन, त्यसैले लोकल कुखुरा नै बेचेँ,’ राजु सम्झिन्छन् ।


महाबौद्धबाट टुँडिखेलमा बिक्री गर्न थाले । त्यहाँ पनि राम्रोसँग नचलेपछि बागबजारमा सारे । बागबजार भने उनलाई फाप्यो । ‘पहिले बरला वा सालको पातमा जे छ त्यही बेचिन्थ्यो । अहिले त फरक भएको छ । ग्राहकको इच्छा अनुसार, जस्तो मासु भन्यो त्यस्तै पाइन्छ,’ उनी भन्छन् । 
बागबजारमा त छ नै उनले कोटेश्वरमा पनि विस्तार गरेका छन, राजु कुखुरा पसललाई । त्यहाँ उनकी पत्नी दुर्गा बस्छिन् । बागबजारमा पाँच र कोटेश्वरमा दुई जनालाई रोजगारी पनि दिएका छन् राजुले । व्यवसाय पनि बढ्दै गएको छ । लोकल कुखुरासँगै हाँस पनि थपेका छन् । उनी भन्छन, ‘अहिले दैनिक दुई सय ५० पिससम्म बिक्री हुन्छन् ।’

लोकल कुखुराको व्यापारले नै उनको दैनिकी बदलिएको छ ।  राजु दम्पत्ती पसलमा व्यस्त हुन्छन् । उनले आफूले राम्ररी पढ्न नपाएको धोको छोराछोरी पढाएर मेटिरहेको छन् । चार छोराछोरीमध्ये सरिता अमेरिकामा पढ्छिन् भने लक्ष्मण र प्रकाश जापान पुगेका छन्, पढाइकै लागि । अर्का छोरा रुपक भने जागिरे भइसकेका छन्, बैंकमा । डेरा समेत पाउन मुस्किल भएका राजुसँग अहिले कोटेश्वरमा घर । उनी भन्छन्, ‘मेहेनत गरेपछि हुँदोरहेछ । गलत मात्रै गर्नु हुन्न ।’

उनी अहिले जिउँदो लोकल कुखुरा र हाँस पनि बिक्री गर्छन् । राजहाँस, चाइनिज हाँस, बेइजिङ हाँस उनको पसलमा पाइन्छन् । त्यस्तै, कर्णाली र तराईबाट लोकल कुखुरा आयात गर्छन् । 

राजु कुखुरा पसलबाट दैनिक डेढ लाखसम्म आम्दानी हुन्छ । यसमा उनी सन्तुष्ट छैनन् । अझै पसल विस्तारको योजना बनाएका छन् राजुले । ‘पाँच÷छ ठाउँमा कर तिर्नुपर्छ, एउटै ठाउँमा कर तिर्ने व्यवस्था गरिदिए सजिलो हुन्थ्यो,’ उनी भन्छन् । 

उनलाई लाग्छ, मासु पसल पनि ठाउँठाउँमा हुनु राम्रो होइन । एउटा निश्चित ठाउँमा मासु पसल राख्ने व्यवस्था गरिए उपभोक्तालाई पनि सजिलो हुन्छ, व्यवसायीले पनि खराब मासु बेच्न पनि पाउँदैनन् । ‘उपभोक्ताले एउटै ठाउँबाट खरिद गर्न सक्छन्, सरकारलाई अनुगमन गर्न पनि सजिलो हुन्छ,’ उनको सुझाव छ । 

एउटै स्थानमा मासु पसल हुँदा घाटा होला भन्ने उनलाई चिन्ता छैन । किनकी उनी स्वस्थ र सफा मासु बिक्री गर्छन् । राजु भन्छन्, ‘लोकल कुखुराको स्वाद नै अर्कै हुन्छ, जुन अरु मासुमा पाइदैन ।’ त्यही लोकल कुखुराको स्वादले राजुलाई मजदुरबाट मालिक बनाएको छ । 
 

मदिराले धानेको राजश्व

चितवन, ११ वैशाख। आन्तरिक राजश्व कार्यालय भरतपुरमा सङ्कलन हुने राजश्वको अधिकांश हिस्सा मदिराले धान्ने गरेको छ । चितवन र नवलपुर जिल्ला हेर्ने यस

शिवम् सिमेन्ट्सको शेयरधनीलाई १५ प्रतिशत नगद लाभांस

काठमाडौं, १० वैशाख । शिवम् सिमेन्ट्स लिमिटेडको तेश्रो वार्षिक साधारण सभा सोमबार सम्पन्न भएको छ ।  पब्लिक कम्पनीमा परिणत भइसकेपछि शिवम् सिमेन्टले

काठमाडौँमा पाँच हजार साना उद्योग दर्ता

काठमाडौँ, १० वैशाख । देशको आर्थिक समृद्धिको मेरुदण्डको रूपमा रहेको साना तथा घरेलु उद्योग दर्ताको क्रम बढ्दो छ । सरकारले ‘समृद्ध नेपाल, सुखी

लाभ कर नतिर्ने एनसेलको सीम प्रयोग नगर्न अपील 

काठमाडौं । नेपाल सरकारलाई पूँजीगत लाभ कर नतिर्ने एनसेलको सीम प्रयोग नगर्न अभियन्ताहरुले आव्हन गरेका छन् । उनीहरुले एनसेललाई कुनै पनि किसिमको