एक सिङ्गे गैंडा जोगाउन फुटबल

नवलपरासी, ५ कात्तिक । एक सिङ्गे गैँडाको संरक्षण गर्न सचेतना जगाउनका लागि पूर्वी नवलपरासीमा कात्तिक १५ देखि २९ गतेसम्म राइनो संरक्षण गोल्डकप फुटबल प्रतियोगिता २०७५ हुने भएको छ ।

पूर्वी नवलपरासीको मध्यबिन्दु नगरपालिका–२, कोल्हुवामा हुने प्रतियोगितामा नवलपरासी, चितवन, रुपन्देही, कास्की, काडमाडौं, पाल्पा, मकवानपुरसहित ए डिभिजनका र विभागीय टिमसहित १२ टिमको सहभागिता रहने छ ।

एक सिङ्गे गैंडा संरक्षणका लागि चितवन राष्ट्रिय निकुञ्ज, नन्दभाउजू मध्यवर्ती उपभोक्ता समितिद्वारा १५ वर्षदेखि प्रतियोगिता सञ्चालन हुँदै आएको आयोजक नन्दभाउजू मध्यवर्ती उपभोक्ता समितिका अध्यक्ष दोमनबहादुर भण्डारीले जानकारी दिए ।

प्रतियोगितामा प्रथम हुनेले चार लाख ९९ हजार ५५५ का साथ आन्तरिक पर्यटन विकास गर्न होमस्टे भ्रमणका लागि ५१ हजार र द्धितीय हुनेले दुई लाख ५० हजार ५५५ पुरस्कार पाउने छन् ।

यसैगरी प्रत्येक खेलमा उत्कृष्ट खेलाडीलाई पाँच हजार, प्रतियोगिता भरको उत्कृष्ट खेलाडीलाई १० हजार, सर्वाधिक गोलकर्तालाई १० हजारसहित प्रमाणपत्र शिल्ड प्रदान गरिने छ भने टिम एलायन्सबापत प्रतिखेल तीन हजारका दरले उपलब्ध गराइने छ ।

गैँडा संरक्षणका साथै वन, वन्यजन्तु संरक्षणमा युवाको सहभागिता बढाउने, खेलकूद र पर्यापर्यटनको समिश्रण गरी आन्तरिक तथा बाह्य पर्यटक वृद्धि गर्नेलगायतका उद्देश्य राखेर प्रतियोगिता आयोजना गरिन लागिएको हो । रासस

 

ऐतिहासिक सफलतासहित महिला फुटबल टोली आज स्वदेश फर्किँदै

काठमाडौ,२९ कात्तिक । सन् २०२० मा हुने टोकियो ओलम्पिक खेलकुदको महिला फुटबल छनोटको दोस्रो चरणमा प्रवेश गरेको नेपाली फुटबल टिम आज स्वदेश फर्किँदै छ ।

वायने रुनी फेरी इंग्ल्याण्डको कप्तानः गार्ड अफ अनर दिइने

काठमाडौ,२९ कात्तिक । इंग्ल्याण्डका कीर्तिमानी गोलकर्ता वायने रुनीले आफ्नो अन्तिम बिदाई खेलमा राष्ट्रिय टिमको कप्तानी गर्ने भएका छन् । उनले त्यो

मेसी र रोनाल्डोलाई पछार्दै लुका मोड्रिक बने उत्कृष्ट खेलाडी

काठमाडौं । विश्व फुटलका स्टार लियोनल मेसी र क्रिस्टियानो रोनाल्डोलाई पछि पार्दै क्रोसियन खेलाडी लुका मोड्रिक ‘गोल ५०’को उत्कृष्ट खेलाडी बनेका

जिदानको भविष्यमा प्रश्न, यस्ता छन् तीन विकल्प

  विश्व फुटबलका महान हस्ती जिनेदान जिदान अहिले कुनै क्लबसँग आबद्ध छैनन् । खेलाडिको रुपमा फ्रान्सलाई विश्वकप र यूरोकपको उपाधी दिलाएका जिदानले क्लब