भन्सार छल्न खोज्ने ट्रक सामानसहित नियन्त्रणमा

बुटवल । सशस्त्र प्रहरी बल नेपाल, राजश्व भन्सार सुरक्षा नम्बर ३८ गुल्म रुपन्देहीले आज भन्सार छलेर नेपाल भित्र्याएको अवैध सामानसहित ढुवानीमा प्रयोग भएको ट्रकलाई समेत नियन्त्रणमा लिएको छ । 

पराल बोकेको ना२ख ६१७५ नम्बरको मालबाहक ट्रकमा भारतीय सीमानाका झुलेनीपुल क्षेत्रबाट चितवन लैजाँदै गर्दा उक्त सामान नियन्त्रणमा आएकोे नम्बर ३८ गुल्म रुपन्देहीका प्रमुख सशस्त्र प्रहरी नायब उपरीक्षक गोविन्दबहादुर खातीले बताए। 

भारतीय बजारबाट भन्सार छली अवैधरुपमा नेपालतर्फ ल्याउँदै गरेको १४४ पिस कुर्ता सुरुवाल, ९० पिस सारी, २९३ मिटर पर्दाको कपडा नवलपरासीको बर्दघाट नगरपालिका–४ त्रिवेणी चोकबाट ट्रकसहित नियन्त्रणमा लिएको हो । 

पछिल्लो समय नवलपरासी क्षेत्रबाट सुरक्षा निकायकै मिलोमतोमा तस्करी मौलाउँदै गरेको सूचना पाएपछि नम्बर ३८ गुल्मका प्रमुख सशस्त्र प्रहरी नायब उपरीक्षक खातीको नेतृत्वमा खटेको टोलीले ट्रकसहित अवैध कपडा नियन्त्रणमा लिएको हो । 

उक्त सामान ढुवानीमा प्रयोग गरेको ट्रकसहित भन्सार मूल्य रु १५ लाख ३४ हजार ३०० मूल्य बराबरको सामान तथा सवारीसाधन बरामद गरी आजै भैरहवा भन्सार कार्यालय बेलहिया रुपन्देहीमा बुझाइएको छ । भन्सार चोरी तस्करी नियन्त्रणका लागि विशेष अभियान चलाएको नम्बर ३८ गुल्म रुपन्देहीले पहिल्लो आर्थिक वर्ष २०७५/०७६ को तीन महीना साउनदेखि असोजसम्म रु ९१ लाख ५८ हजार ८३६ मूल्य बराबरको अवैध सामान नियन्त्रण गरी भन्सार चलान गरेको छ।रासस 

नेपालीलाई जापान जाने बाटो खुला, कमाइ २ लाख

काठमाडौं, ११ चैत । नेपालीहरुलाई कामदारको रुपमा जापान जाने मार्ग खुला भएको छ । सोमबार काठमाडौंमा नेपाल र जापान सरकारबीच यसबारे समझदारी पत्रमा

 सागबाट लाख कमाई

गलेश्वर । म्याग्दीमा साग बेचेर एक किसानले एक लाखभन्दा बढी कमाइ गर्न सफल भएका छन् । जिल्लाको बेनी नगरपालिका–२ ज्यामरुककोट खबराका ६१ वर्षीय

 द्रुतमार्गमा काटिएका करोडौँको काठ नष्ट हुँदै 

हेटौँडा, २ चैत । मकवानपुरमा निजगड–काठमाडौँ द्रुतमार्ग ९फास्ट ट्रयाक० निर्माणका लागि काटिएका २५ करोड मूल्य बराबरको काठ लिलाम हुन नसक्दा नष्ट हुन

सप्तरीमा चैते धानको रोपाइँ प्रभावित

राजविराज, २ चैत्र । सप्तरीमा उचित सिँचाइको व्यवस्था नहुँदा र समयमा वर्षा नभएका कारण यस वर्षको चैते धान रोपाइँ प्रभावित भएको छ ।  किसानलाई यतिबेला