प्रधानमन्त्रीले 'गौरी'का पंक्ति पढे, राष्ट्रकविका आँखाबाट चारपटक आँशु बगे 

काठमाडौं । प्रधानमन्त्री केपी शर्मा ओलीले राष्ट्रकवि माधवप्रसाद घिमिरेका काव्यमा विविधतामा एकता प्रतिविम्वित भएको प्रतिक्रिया दिएका   छन् ।

सयौँ जन्मोत्सवका उपलक्ष्यमा राष्ट्रकवि घिमिरेलाई समभिनन्दन गर्दै प्रधानमन्त्री ओलीले साहित्यका माध्यमबाट नेपाल र नेपालीलाई असाधारण गुण लगाएको प्रतिक्रिया पनि दिए। 

राष्ट्रकवि माधवप्रसाद घिमिरे सयौँ जन्मोत्सव अभिनन्दन समारोह समिति र मस्र्याङ्दी वाङ्मय प्रतिष्ठानको संयुक्त आयोजनामा आज प्रज्ञा–प्रतिष्ठान कमलादीमा उक्त कार्यक्रम भएको थियो । 

“घिमिरेका काव्यमा नेपालीपन पाइन्छ, कवि मन र काव्यात्मकता पाइन्छ”, प्रधानमन्त्री ओलीले सुनाए, “राष्ट्रियतालाई मजबुद गर्ने काममा उहाँको ठूलो योगदान छ ।” “हिमालको कुरा गर्दा, देशको सिमाना बोलिरहेको हुन्छ, नेपाली मन र नेपाली भावना बोलिरहेको हुन्छ”, ओलीले थपे। 

प्रधानमन्त्री ओलीले सुस्वास्थ्यको कामना गर्दै घिमिरे र सत्यमोहन जोशीलाई अजश्र स्रोतका रुपमा प्रेरणा दिइरहने व्यक्तिको सङ्ज्ञा दिए। उनले घिमिरेका पछाडि सरकार र जनताको मायाँ रहेकाले कुनै रोग विमारले छुन नसक्ने उल्लेख गरे। 

प्रधानमन्त्री ओलीले सानो हुँदादेखि नै काव्य पढेर आनन्द लिने गरेकोे स्मरण गर्दै उहाँको शोककाव्य ‘गौरी’ मर्मस्पर्शी लागेर दोहो¥याएर पढेको बताए। प्रधानमन्त्री ओलीले केही हरफ वाचनसमेत गरेका थिए-

यी रोए पनि दुःख लाग्छ । 
सम्झेनी आमा भनी । 
यी हाँसे पनि सुख छैन । 
यिनले बिर्से यिनी आमा भनी । 

नेपाली काँग्रेसका नेता रामचन्द्र पौडेलले साहित्यिक कलाकारिताबाट घिमिरे नेपालीको मनमा बस्न सफल भएको बताए।  

अभिनन्दन गर्नुअघि उनको घर लैनचौरबाट बाजागाजासहित राष्ट्रकवि घिमिरेलाई रथारोहण गरी नेपाल प्रज्ञा–प्रतिष्ठानसम्म ल्याइएको थियो । समभिनन्दन समारोहमा विभिन्न स्रष्टाले कवितामार्फत कवि घिमिरेको व्यक्तित्व र कृतित्वको चर्चा गरेका थिए । 

बुढेसकालसम्म नथाकी लेख्ने 
नेपाल र नेपालीको शिर उच्च राख्ने 
शताब्दी पुरुषका रथारोहण 
गुराँसको थुङ्गाले गरौँ अभिनन्दन 

स्रष्टा वीरबहादुर लोहनीका कविताका हरफ उनमा समर्पित थियो । अर्का स्रष्टा रामचन्द्र वनवासीले जन्मघर टेक्न अपिल गर्दै कविता प्रस्तुत गर्नुभएको थियो । यस्तै कविले दर्जर्नौं कविता वाचन भएका थिए । 

राष्ट्रकवि माधवप्रसाद घिमिरे सयौँ जन्मोत्सव अभिनन्दन समारोह समितिका संयोजक डा वासुदेव त्रिपाठीको अध्यक्षतामा भएको कार्यक्रममा मस्र्याङ्दी वाङ्मय प्रतिष्ठानका अध्यक्ष डा मुकुन्द पथिकले राष्ट्रकवि घिमिरेको व्यक्तित्वबारे प्रकाश पारे। 

विसं १९७६ असोज ७ गते लमजुङको बाहुनडाँडामा जन्मिनुएका घिमिरेका ४१ नातिनातिना छन् । उनका दुई दर्जन साहित्यिक रचना प्रकाशित छन् भने ‘ऋतम्भरा’ लेखनको अन्तिम चरणमा पुगेको छ । दुई दर्जनजति सम्मान, विभूषणबाट विभूषित भएका छन् । उनको प्रथम प्रकाशित रचना विसं १९९२ को ‘ज्ञानपुष्प’ हो । 

आयोजकका अनुसार सयौँ जन्मोत्वस वर्षभरि मनाउने कार्यक्रम छ । जसअनुसार ‘विद्यालयस्तरमा विभिन्न प्रतियोगितात्मक कार्यक्रम, हवाईयात्रामार्फत जन्मघर लगेर अभिनन्दन गर्ने, मातृभाषा’ विषयक गोष्ठी सञ्चालन गर्ने, कविता महोत्सव गर्ने, हुलाक टिकट सार्वजनिक गर्ने, डुम्रेदेखि मनाङसम्म जाने बाटोको नामकरण गर्ने योजना छ । 

यस्तै बाहुनडाँडामा सङ्ग्रहालय बनाउने, लेख रचना सङ्ग्रह गरी जन्मसताब्दी विशेषाङ्क प्रकाशन गर्ने, हिउँचुलीलाई कवि घिमिरेको नाममा नामकरण गर्ने, जन्म क्षेत्रलाई साहित्यिक पर्यटनका रुपमा विकास गर्ने, विभिन्न ठाउँमा पूर्णकदमको प्रतिमा निर्माण गर्ने लगायतका कार्यक्रम रहेको डा मुकुन्द पथिकले जानकारी दिए। 

 

बाँच्न हौसला मिल्यो: राष्ट्रकवि घिमिरे 

समभिनन्दनपछि मन्तव्य राख्नुहुँदै राष्ट्रकवि माधवप्रसाद घिमिरेले यस्तो ऐतिहासिक कार्यक्रम कहिल्यै अनुभूति नभएको प्रतिक्रिया दिए । 

उक्त कार्यक्रममा आफ्नो आँखाबाट चारपटक आँशु झरेको उल्लेख गर्दै उनले प्रधानन्त्रीसमेत आएर बोल्दा र प्रेरणा दिँदा बाँच्नका लागि ठूलो हौसला मिलेको बताए। “यसले मलाई अझै रचना गर्न प्रेरित गरेको छ”, घिमिरेको भनाइ थियो । 

उनको समभिनन्दनका लागि कलाकार लम्जुङबाट आएका थिए । कलाकारले मौलिक नृत्य र गीत प्रस्तुत गरेका थिए । मस्र्याङ्दी वाङ्मय प्रतिष्ठानका अध्यक्ष डा मुकुन्द पथिकले १०० वर्षसम्म निरन्तर काव्य साधना गर्ने व्यक्ति विश्व रङ्गमञ्चमा नहोला भन्दै गिनिज बुक्स अफ वर्ड रेकर्डमा नाम लेखाउन पहल गर्नुपर्नेमा जोड दिए।(राससमा  नारायण ढुंगाना)

तनुश्री दत्ता ‘मी टू’ चलाएर न्यू जर्सी फर्किदै

काठमाडौं । बलिउड अभिनेत्री तनुश्री दत्ता भारतमा ‘मी टू’ अभियान चलाएर न्यू जर्सी फर्किन लागेकी छन् । उनी लामो समयदेखि न्यू जर्सीमा बस्दै आएकी छन् ।

\'मणिकर्णिका\'मा सक्कली हतियारले नै भिड्दै कंगना

काठमाडौं । बलिउडमा सधै विवादले चर्चामा आइराख्ने अभिनेत्री कंगना रानौट यसपटक भने फिल्म ‘मणिकर्णिका’ले चर्चामा छन् । यो फिल्ममा उनी झाँसीकी रानी

\'आलिया कपूर\' भन्दा यस्तो आयो आलिया भट्टको जवाफ

काठमाडौं । बलिउडमा बिहेको सिजन चलिरहेको छ । दीपिका पादुकोण, रणवीर सिंह, प्रियंका चोपडा, कपिल शर्माले भरखरै बिहे गरेका छन् । यहिबीच बलिउड अभिनेत्री

 साहित्यकार झमककुमारीको कृति ‘जीवन काँडा कि फूल’ बन्यो चलचित्र 

  काठमाडौं ।  साहित्यकार झमककुमारी घिमिरेको ‘जीवन काँडा कि फूल’ कृतिमा आधारित चलचित्र निर्माण भएको छ ।  करीब दुई घण्टा समयावधिको उक्त