आजदेखि नयाँ नोट साट्न पाईने,कहाँ कहाँ छन् काउण्टर ?

काठमाडौं । दशैंतिहारका लागि आज आईतबारदेखि नयाँ नोट साट्न पाईने भएको छ । नेपाल राष्ट्र बैंकले यो पर्वमा करिब १३ अर्ब रुपैंयाँ बराबरको नयाँ नोट साटिने संभावना रहेको जनाएको छ । बैंकले नयाँ नोट बितरण सुरु गरेपछि नोटका उपभोक्ताको लाईन लाग्न पनि सुरु भएको छ । 

  राष्ट्र बैंकले दशैँमा ५सय देखि एक सयका नयाँ नोट सटहीमा राखेको छ । ५ सय र एक हजारका गरी ५८ अर्ब रुपैयाँको नया नोट विभिन्न बैंकहरु मार्फत भुक्तानी हुने राष्ट्र बैंकको अनुमान छ । 

  राष्ट्र बैंकका शाखा,सरकारी स्वामित्वका नेपाल बैंक, राष्ट्रिय वाणिज्य बैंक र कृषि बिकास बैंकका शाखा कार्यालयबाट नयाँ नोट साट्ने व्यवस्था मिलाएको राष्ट्र बैंकले जनाएको छ । 

बैंकले ५, १०, २०, ५० दरका रुपैंयाँका दुई–दुई पाकेट र १०० दर रुपैंयाँको एक पाकेट गरी प्रतिव्यक्ति अधिकतम २७ हजार रुपैयाँ साट्ने सुविधा दिएको छ । 

यो सुविधा असोज २९ गतेसम्मका लागि व्यवस्था गरिएको छ ।

नेपाल बैंक लिमिटेड, राष्ट्रिय वाणिज्य बैंक, कृषि विकास बैंकका २१ शाखा कार्यालयबाट सर्बसाधारणले नयाँ नोट उपलब्ध गराउने व्यवस्था मिलाइएको छ । यस वर्ष राष्ट्र बैंकका कार्यालयबाहेक नेपाल बैंकका न्युरोड, पाटन औद्योगिक क्षेत्र, कीर्तिपुर, महाराजगन्ज, जोरपाटी, लाजिम्पाट र भक्तपुर कार्यालयबाट नयाँ नोट वितरण गरिने छ । 

यसैगरी, राष्ट्रिय वाणिज्य बैंकका सिंहदरबार प्लाजा, टेकु, नयाँ बानेश्वर, सानोठिमी, विशाल बजार, नक्साल, कंलकी र बालाजु शाखाबाट पनि नयाँ नोट साट्न सकिने छ । 

साथै कृषि विकास बैंकका गौशाला, कोटेश्वर, रामशाहपथ, रत्नपार्क, स्वयम्भु र मंगलबजार शाखाबाट नयाँ नोट साट्ने व्यवस्था मिलाइएको छ ।   

दशैँमा संवैधानिक निकाय, सरकारी कार्यालय, संस्थान, नेपाली सेना, नेपाल प्रहरी, सशस्त्र प्रहरी, अन्य संघ–संस्था लगायत कार्यालयलाई सम्बन्धित संस्थाको पत्रको आधारमा नयाँ नोट साट्ने व्यवस्था मिलाइएको बुझिएको छ । मुद्रा व्यवस्थापन विभाग थापाथलीको काउन्टरबाट समेत नयाँ नोट साट्न सकिने छ ।

उपत्यकाबाहिर राष्ट्र बैंकका जिल्लास्थित सातवटा कार्यालयबाट साट्न पाइनेछ । राष्ट्र बैंकका विराटनगर, जनकपुर, विरगन्ज, पोखरा, सिद्धार्थनगर, नेपालगन्ज, धनगढीमा समेत नयाँ नोट साट्ने व्यवस्था मिलाइएको बताईएको छ ।  
 

इलाममा पुस २० गते  लगानी सम्मेलन हुने

मङ्गलवारे, १ पुस । इलाम सदरमुकाममा यही पुस २० गते लगानी सम्मेलन हुने भएको छ । कात्तिक २० गते गर्ने भनिएको तर अन्तिम समयमा स्थगन भएको लगानी सम्मेलन पुस २०

२० प्रतिशत आवेदकले मात्र चौतारी लघुवित्तको शेयर पाउने

काठमाडौ,२८ मंसिर । चौतारी लघुवित्तको आईपिओ आज बाँडफाँड हुने भएको छ। बिक्री प्रबन्धक एनआइबिएल एस क्यापिटलले आज बाँडफाँडको तयारी गरेको हो। बिहीबार

शेयर मूल्य सामान्य अंकले बृद्धि

काठमाडौँ, २७ मंसिर । शेयर बजारमा आज शेयरको मूल्यमा सामान्य अङ्कले वृद्धि भएको छ । नेपाल स्टक एक्सचेञ्जका अनुसार कारोवार मापक नेप्से परिसूचक ७ दशमलव ६

बाह्र करोडमा प्रादेशिक दुग्ध उद्योग स्थापना

सुर्खेत,२७ मंसिर । कर्णाली प्रदेशको राजधानी सुर्खेतमा निजी लगानीमा रु १२ करोडको प्रदेशस्तरीय दुग्ध उद्योग निर्माण गर्न थालिएको छ ।काभ्रेस्थित