पर्यटकलाई आकर्षित गर्दै सुन्दर भकुण्डे


बागलुङ, १९ असोज । मौसम खुलेको दिन भकुण्डे पुग्ने जो कोहीको मन फुरुङ्ग हुन्छ । लहरै देखिने हिमशृङ्खलाले मानिसको थकान र तनाव बिर्साउँछ ।

बागलुङ बजारदेखि १० किमी कच्ची सडकको यात्रापछि भकुण्डे पुगिन्छ । पैदल जाँदा जम्मा दुई घण्टा ।बजारको कोलाहल र प्रदूषण पन्छाएर केहीबेरमै प्रकृतिको काखमा पुग्न सकिन्छ । भकुण्डेको पर्यटन हिमालसँग जोडिएको छ । जहाँबाट २२ भन्दा बढी चुचुरा अवलोकन गर्न पाइन्छ । सूर्योदय र सूर्यास्तको बेलामा त झन हिमाली दृश्य मनमोहक देखिन्छ । पर्यटकीय गाउँ भकुण्डेको मुख्य आकर्षण नै हिमशृङ्खलाको अवलोकन हो । दुई हजार ३०० मिटर उचाइमा बनेको ‘भ्युटावर’ले हिमाल झन नजिक आएको आभास मिल्छ ।

गुर्जा, धवलागिरि, नीलगिरि, अन्नपूर्ण, माछापुछे्रलगायतका हिमाल त्यहाँबाट देखिन्छन् । हिमाल हेर्न उपयुक्त याम शरद ऋतु हो । दोस्रो शिशिर–वसन्तयाम हो । धेरै हिमाल देख्न सकिने भएकै कारण भकुण्डेलाई पर्यटकीय गन्तव्य बनाउन गाउँले कस्सिए । पछि घरबास कार्यक्रम चल्यो । नयाँ गन्तव्य पहिचान भयो । अनि त्यसको प्रचारप्रसार भयो । विस्तारै भकुण्डेको परिचय पर्यटकीय गाउँमा फेरियो ।

पहिले भकुण्डेलाई धेरै हिमाल देखिने ठाउँका रुपमा मात्र चित्रित गरिन्थ्यो । पछि यहाँको पर्यटनमा नयाँ गन्तव्यसहितका विविधता थपिँदै गएका हुन् । घरबास, ‘भ्युटावर’ बराहताल, बराह, भैरव मन्दिर, सङ्ग्रहालय, कुथुकर्मको लेक आदिले भकुण्डेका पर्यटकीय गन्तव्यले यहाँको बसाइँ र विविधतालाई थपेको छ ।

हिमाल हेर्न मात्र नभई अन्य गन्तव्य पुग्न पनि पर्यटक भकुण्डेलाई रोज्छन् । “हिमशृङ्खला यहाँको मुख्य आकर्षण हो”, स्थानीयवासी मनोज थापाले भने, “एकैसाथ दर्जनौँ हिमाल हेर्न पाइन्छ ।” घरबासबाट २० मिनेटको पैदलयात्रामा मूलाबारीमा रहेको ‘भ्युटावर’ पुग्न सकिन्छ । सूर्योदय अवलोकनका लागि बढी पर्यटक ‘भ्युटावर’ पुग्छन् । पर्यटकीय याममा दैनिक सयौँ पर्यटक भकुण्डे आउने गरेको घरबास सञ्चालक समितिका अध्यक्ष खिमबहादुर थापाले बताए । “धेरै आन्तरिक पर्यटक छन्, विदेशी पर्यटक पनि आउन थालेका छन्”, उनले भने ।

पर्यटकलाई आकर्षित गर्न विसं २०६८ देखि भकुण्डेमा घरबास कार्यक्रम चलाइएको छ । अहिले नौ घरमा घरबास सञ्चालित छ । गाउँले जनजीवन, सत्कार, खानपान, घुमफिर र संस्कृतिको आनन्द बटुल्ने स्थलका रुपमा घरबास चिनिएको छ । घरबास गाउँमा दैनिक १०० भन्दा बढी पाहुना राख्ने क्षमता छ । पर्यटकलाई पारिवारिक वातावरणमा बसोबास र स्थानीय परिकार उपलब्ध गराउने गरिएको छ ।

“स्थानीय उत्पादनबाट बनेको परिकार खुवाउँछौँ”, अध्यक्ष थापाले भने । खाना, खाजासहित एक रात बिताउँदा प्रतिव्यक्ति जम्मा रु ६०० तोकिएको छ । दुई रात काट्नेको भने रु एक हजार ५०० खर्च हुन्छ । खानाबाहेकका अन्य परिकारमा भने छुट्टै मूल्य छ । घरबास आउने पाहुनालाई स्थानीय खानाको स्वादबाहेक मौलिक कला, संस्कृति झल्कने झाँकी, गीत र नृत्य पनि देखाउने गरिन्छ । पर्यटक बढ्न थालेपछि घरबासको क्षमता बढाउनेदेखि अन्य पर्यटकीय पूर्वाधार निर्माणका काम अघि बढेका छन् । राससका लागि रामबहादुर थापाको रिपोर्ट

 

एकबारको जुनीमा मन्त्री कि नेतृत्व परीक्षा ?

काठमाडौं । पञ्चायतकालको शाही नेपाल वायुसेवा निगम पनि गतिलो थिएन । त्यसले प्रगति गरेको होइन । समयअनुसार चलेको थियो, बस    त्यत्ति । बहुदलीय

प्रदेश सरकारको योजना : सबै स्थानीय तहमा पर्यटकिय पार्क 

काठमाडौँ । प्रदेश ३ सरकारले पर्यटन प्रवद्धनको लागि सबै स्थानीय तहहरुमा पार्क निर्माण गर्ने महत्वकांक्षि योजना बनाएको छ ।प्रदेशभित्रका एक सय १९ ओटा

 काँक्रेविहारलाई कसले बनायो निशाना, सुरक्षा व्यवस्था  फितलो 

सुर्खेत । अज्ञात समूहले पछिल्लो समय लगातार पर्यटकीयस्थल काँक्रेविहारको तोडफोड गरेको छ । वीरेन्द्रनगर–९ लाटीकोइलीस्थित पुरातात्विक स्थल

‘हट केक’ सुधार्न पछिल्लो पहल, बन्यो एकमहिने कार्यदल 

काठमाडौं । सरकारले राष्ट्रिय ध्वजाबाहक नेपाल वायु सेवा निगम (नेपाल एयरलाइन्स) को व्यवस्थापन सुधारका लागि ‘नेपाल वायु सेवा निगम सुधार सुझाव