नेपालले हरायो अफगानिस्तानलाई, सागर र शर्राफको उत्कृष्ट प्रदर्शन

काठमाडौं । दोश्रो इनिङको ४८ औं ओभरमा नेपालका रसिद खानले २ विकेट लिएपछि अति प्रतिस्पर्धात्मक भएको खेलमा नेपाल विजयी भएको छ । भारतमा जारी यू–१९ एकदिवसिय सिरिजको अन्तर्गत आइतबार भएको खेलमा नेपालको यू–१९ टोलीले अफगानिस्तानको यू–१९ टोलीलाई २५ रनले हराएको हो । 

अलराउन्डर पवन शर्राफ र बलर सागर ढकालले उत्कृष्ट प्रदर्शन पनि नेपालको विजयमा महत्वपूर्ण भुमिका रहेको थियो ।अफगानिस्तानले टस जितेर नेपाललाई पहिले ब्याटिङ गर्ने निम्तो दिएको थियो ।  अफगानिस्तानका बलरहरुले नेपालको शुरुवाती ब्याटसम्यानहरुलाई आच्छु आच्छु पार्दै ७ रनमै ३ विकेट झार्न सफल भएको थियो । यस्तो अवस्थामा ब्याटिङ गर्न आएका सन्दीप जोरा र अरुण बमले सुझबुझपूर्ण रुपमा खेल्दै ४७ रनको साझेदारी गर्दै नेपालको अवस्थामा केहि सुधार ल्याएका थिए । 

त्यसपछिको समयमा पनि अफगानिस्तानले निरन्तर विकेट लिएपनि नेपालको लागि पवन शर्राफले शानदार इनिङ खेले । अफगानिस्तानको सटिक बलिङ भएपनि शर्राफले निडरताका साथ खेलेपछि उनको ब्याटबाट रन आउने क्रम निरन्तर रह्यो । शर्राफकै जुझारु इनिङको मद्दतले नेपालले ४९.३ ओभरमा अलआउट हुँदै १८९ रन जोड्न सफल भयो । 

नेपालको लागि पवनले सर्वाधिक ७८ रन बनाए । नटआउट रहेका उनले ९६ बलको इनिङ १० चौका र १ छक्का प्रहार गरे । आक्रामक इनिङ खेलेका सन्दीप जोराले ३१ बलमा ३ चौका र १ छक्का सहित २८ रन बनाए । त्यस्तै पवन शर्राफसँग ६५ रनको साझेदारी गरेका रसिद खानले ४९ बलमा २४ रनको उपयोगी इनिङ खेले । लोकेश बमको ब्याटबाट १६ र भिम सार्कीको ब्याटबाट नेपालले १३ रन पाउन सक्यो ।

बलिङतर्फ अफगानिस्तानका नाविद मोहम्मद कबिरले १० ओभरमा ३६ रन दिंदै ३ विकेट लिए । त्यस्तै अविद मोहम्मदी र अरिफ दौलतजाईले समान २ विकेट लिएभने उस्मान घानी र समिउल्लाह जवादले १/१ विकेट लिए । 

जवाफी ब्याटिङ गरेको अफगानिस्तान यू–१९ टोलीले अलआउट हुँदै ४७.४ ओभरमा १६४ रन मात्र बनाउन सक्यो ।  अफगानिस्तानका कप्तान इजाज मेहरानले नेपालको जितलाई रोकेर राखेका थिए । अफगानिस्तानको लागि सर्वाधिक रन बनाएका उनि खेलको ४८ औं ओभरमा ९६ बलमा ५७ रन बनाएर आउट भए । उनको विकेट झरेसँगै नेपालको विजय नजिकिएको थियो । 

त्यस्तै तिब्र गतिमा रन बनाएका अब्दुल रहमान रहमानी सन्दीप जोराबाट रन आउट हुनुअघि २ छक्का र ३ चौका सहित ४६ बलमा ३७ रन बनाए । त्यस्तै ओपनर रियाज हसनले ३८ रन बनाए भने अरिफ दौलतजाईले १० रन बनाए । 

बलिङतर्फ नेपालको लागि सागर ढकालले उत्कृष्ट प्रदर्शन गरे । औसत रन लक्ष्यलाई बचाउने क्रममा सागले ४ वटा अफगानी ब्याटसम्यानलाई आफ्नो शिकार बनाए । किफायती बलिङ गरेका उनले १० ओभरमा २९ रन मात्र खर्चिए भने ३ मेडन पनि राखे । 

त्यस्तै ओपनिङ बलर कमल सिंह ऐरीले पनि राम्रो बलिङ गरे । उनले ९ ओभरमा २८ रन दिंदै २ विकेट लिए भने रसिद खानले पनि २ विकेट नै लिए । त्यस्तै पवन शर्राफले १० ओभरमा ३२ रन दिंदै १ विकेट लिए ।

फाइनल पुग्न चुकेको नेपाल र अफगानिस्तान तेश्रो स्थानको प्ले अफको लागि मंगलबार पुनः आमने सामने हुनेछन् भने भारत यू–१९ ए र बी टिमले सोहि दिन फाइनल खेल्नेछन् । 
 

६ ओभरको खेलमा महेन्द्रनगर विजयी, अत्तरियाको पहिलो हार

धनगढि, ५ फागुन । वर्षाले खराब पारेको मैदानमा भएको ६ ओभर प्रति इनिङको खेलमा महेन्द्रनगर युनाइटेडले सिवाईसी अत्तरियालाई ७ विकेट हराएको छ । धनगढि

२९ बलमा ७ विकेट गुमाउँदै बीबीएलको उपाधि जित्न चुक्यो स्टार्स

काठमाडौं, ५ फागुन । बीग बाश लिग (बीबीएल) को फाइनल खेलमा मेलबर्न रेनिगेड्सँग १३ रनले पराजित हुँदै मेलबर्न स्टार्सले उपाधि जित्ने मौका गुमाएको छ । १३

फिफा विश्वकप २०३० को संयुक्त आयोजना प्रस्ताव गर्दै यी देश

एजेन्सी । सन् २०३० को लागि फिफा विश्वकपको लागि संयुक्त आयोजना गर्ने प्रस्ताव भइरहेको थाहा भएको छ । अर्जेन्टिना, चिली, पराग्वे र उरुग्वेले विश्वकप

बीबीएल फाइनलमा सन्दीपको कसिलो बलिङ, स्टार्सलाई १४६ रनको लक्ष्य

काठमाडौं, ५ फागुन । बीग बाश लिग (बीबीएल) को फाइनल खेलमा स्टार लेगस्पीनर सन्दीप लामिछानेले कसिलो बलिङ गरेका छन् । मेलबर्न स्टार्स र मेलबर्न