सुकीको चलाखीपूर्ण बचाउ

हनोइ । नोबेल शान्ति पुरस्कार विजयी तथा म्यान्मारकी राज्य सल्लाहकार आङ सान सुकीले बेलायती समाचार समिति रोयटर्ससँग आबद्ध दुई पत्रकार जेल परेको विषयमा बिहीबार आफ्नो प्रतिरक्षा गरेकी छिन् । 

विश्वभरीबाट व्यापक आलोचना भइरहेको समयमा उनले म्यान्मार स्वतन्त्र प्रेसको पक्षमा रहेको दाबी गरिन् । नेतृ सुकीले अल्पसङ्ख्यक मुसलमान समुदाय रोहिङ्ग्यामाथि भएको सैनिक कारबाहीलाई अझ राम्रोसँग व्यवस्थापन गर्न सकिने निष्कर्षमा म्यान्मार पुगेको पनि बताईन् । 

उनले पक्राउ परेका पत्रकारद्वयमाथि पूर्वाग्रह र नियोजित कारबाही नगरिएको बताईन् । नेतृ सुकीले भनिन्, “पत्रकार भएकै कारण उनीहरु जेलमा परेका होइनन्, उनीहरुले सरकारी गोपनीयता ऐनलाई भङ्ग गरेका कारण अदालतले दोषी ठह¥याएको हो ।” 

रखाइन राज्यमा रोहिङ्ग्या मुलमानविरुद्ध भएको सैनिक दमनको समाचार सङ्कलन गर्दा सरकारी गोपनीयता कानुन उल्लङ्घन गरेको आरोपमा ३२ वर्षीय वा लोन र २८ वर्षीया क्या सोए ओेलाई गत हप्ता सात वर्षको जेल सजाय भएको थियो । यी पत्रकारहरुलाई दिइएको जेल सजायको विश्वभरी आलोचना भएको छ । 

तर संयुक्त राष्ट्रसंघलगायत विश्व समूदायले यसैलाई स्वतन्त्र पे्रसको अभिव्यक्तिमाथि हमला भएको संज्ञा दिएका छन् । पत्रकारलाई दिइएको यस सजायको विषयमा सुकीले अत्यन्त चलाखीपूर्वक बचाउ गरेकी छिन् । 

रायटर्सका यी दुई पत्रकारलाई दिइएको जेल सजायको युरोपियन युनियन र अमेरिकालगायत विश्वजगतले नै आलोचना गरिरहेको छ । साथै संयुक्तराष्ट्र संघलगायत विश्वका कैयौं मानव अधिकार संघसंस्थाले उनीहरुको रिहाइका लागि आग्रहसमेत गरेका छन् । 

म्यानमारको सैनिक सरकारले करिब दुई दशकसम्म घरमै नजरबन्दका राखेका प्रजातन्त्रवादी नेतृ आङ सान सुकी केही वर्षअघि मात्र स्वतन्त्र भई राज्य सल्लाहकारको रुपमा रहेकी छिन् । पत्रकारहरुलाई जेल सजाय गरिएको विषयमा उहाँको मौनताको विषयमा विश्वभर आलोचना भएपछि उनको सो भनाइ आएको छ । रासस
 

“पत्रकार विरुद्धको घृणाले हिंसातर्फ उद्यत गरायो” आरएसएफ

  पेरिस, ५ बैशाख । प्रचारमुखी र अधिनायकवादी नेताहरुले पत्रकार विरुद्ध फैलाएका घृणा मिश्रित आलोचनाहरुका कारण विश्वभर नै पत्रकारहरु हिंसाको चपेटामा

भारतमा दोस्रो चरणको मतदान शुरु

असाम, भारत, ५ बैशाख । भारतको तल्लो सदन लोकसभाका लागि दोस्रो चरणको मतदान शुरु भएको छ । भारतीय निर्वाचन आयोगका अनुसार ११ वटा राज्य र एउटा केन्द्र शासित

जेट एयरवेज ठुलो संकटमा, घरेलु र अन्तर्राष्ट्रिय उडान बन्द

नयाँदिल्ली, ५ बैशाख । भारतको समस्याग्रस्त निजी क्षेत्रको जेट एयरवेजले नयाँ लगानी जुटाउने उद्देश्यले आफ्ना सबै घरेलु तथा अन्तर्राष्ट्रिय उडानहरु

८५० वर्ष पुरानो फ्रान्सेली चर्चमा आगलागी

पेरिस । फ्रान्सको राजधानी पेरिसमा रहेको ऐतिहासिक महत्वको नोट्रे डाम क्याथेड्रल (गिर्जाघर) मा भिषण आगलागी भएको छ । सोमबार  राति भएको आगलागीबाट छानो