नेपालले सेमिफाइनल पुग्ने क्रममा बंगलादेशलाई यसरी हरायो


काठमाडौं, २३ भाद्र । साफ सुजुकी कप अन्तर्गत समुह चरणको अन्तिम खेलमा शानदार प्रदर्शन गर्दै आयोजक बंगलादेशलाई २–० गोल अन्तरले पराजित गर्दै नेपाल समुह विजेताको हैसियतमा सेमिफाइनलमा प्रवेश गरेको छ ।

ढाकास्थित बंगबन्धु नेशनल स्टेडियममा भएको जित्नै पर्ने खेलमा नेपालले खेलमा राम्रो सुरुवात गरेको थियो । तथापी खेलको ३२ औं मिनेटसम्म नेपालले गोल गर्न गरेका प्रयासहरु सफल हुन सकेन । खेलको ३३ औं मिनेटमा बंगलादेशी खेलाडिले सुनिल बललाई लडाएपछि नेपालले पाएको फ्रि किकको मौकालाई बिमल घर्तीमगरले आकर्षक गोलमा परिणत गर्दै नेपाललाई खेलमा अग्रता दिलाए ।

पहिलो हाफको बाँकि समयमा थप गोल हुन सकेन र नेपालले खेलमा १–० को अग्रता कायम गर्न सफल भयो ।

दोश्रो हाफमा बंगलादेशले केहि प्रयास गरेपनि ति प्रयास सफल हुन सकेन भने नेपालले खेलमा आफ्नो पकड कायम गरेको थियो । खेलको ८० औं मिनेटमा बिमलले गरेको गोल अफसाइड भएपछि खेलमा अग्रता बढाउने अवसर गुमेको थियो । तथापी नेपालको निरन्तरको दबावले खेलको ९० औं मिनेटमा नवयुग श्रेष्ठले गोल गर्दै नेपालको अग्रतालाई दोब्बर बनाएसँगै नेपालको जित पक्का भएको थियो ।

यो जितसँगै नेपालले सन् २०१३ पछि साफ च्याम्पीयनसिपमा पहिलो पटक पुग्न सफल भएको छ । सन् १९९९, २०११ र २०१३ मा सेमिफाइनल सम्मको यात्रा गरेको नेपालको यो चौथो सेमिफाइनल हो ।

नेपालले यस प्रतियोगितामा खेलेको ३ खेलमा २ मा जित र १ मा हार व्योहोरी ६ अंक जोडेको छ । त्यस्तै समान खेल जितेका पाकिस्तान र बंगलादेशको पनि ६ अंक भएपनि गोल अन्तरको आधारमा नेपाल समुह विजेता र पाकिस्तान उपविजेताको हैसियतमा सेमिफाइनल पुगेको छ । त्यस्तै लगातार ३ खेल हार्दै अंकविहिन रहेको भुटान भने समूह चरणबाट बाहिरिएको छ ।

 

‘मेस्सीले आगामी बेलोन डी ओर पाउनुपर्छ’ – रिभाल्डो

एजेन्सी । प्रतिष्ठित प्रतियोगिता युईएफए च्याम्पियन्स लिगमा बार्सिलोनालाई सेमिफाइनल पु¥याइसकेका लियोनल मेस्सीले आगामी वर्षको बेलोन डी ओर उपाधी

ओपनरद्वयको अर्धशतक सहित नेपालको जित, विश्वकप पुग्न असफल

काठमाडौं, ५ वैशाख । नेपाली युवा टोलीले शानदार ब्याटिङ गर्दै कुवेतले दिएको लक्ष्य सहजै पुरा गरेको छ । इनिङमा २२ ओभर बाँकि हुँदै ८ विकेटको जितसँगै

बार्सिलोनाको प्रतिद्वन्दी लिभरपुल, अयाक्सको टोटेनह्याम

एजेन्सी । क्लब फुटबलको विश्वकप युइएफए च्याम्पियन्स लिगको सेमिफाइनल समीकरण पुरा भएको छ । प्रतिष्ठीत प्रतियोगिताको उपाधीको फाइनलमा पुग्न

नेपालको विश्वकप खेल्ने सपना चकनाचुर

काठमाडौं, ४ वैशाख । ओमान विरुद्ध युएईले १० विकेटको सहज जित दर्ता गरेसँगै नेपाली युवा टोलीको विश्वकप खेल्ने सपना चकनाचुर भएको छ । आईसिसी एशिया यु–१९