शंकर लामिछानेकी प्रिय भान्से

सानो छँदै कलाकार, साहित्यकार, संगीतकार र गायक गायिकाहरुको संगतमा हुर्केकी ममता कर्माचार्य काठमाडौंकी रैथाने हुन् ।
बरिष्ठ कलाकार उत्तम नेपालीकी छोरी ममताले धेरै साहित्यकार कलाकारलाई नजिकैबाट चिनेकी छिन् । उनीहरुको रचना र घरमा हुने सिर्जनात्मक छलफलले उनलाई कला र साहित्यप्रति गज्जबको रुची जगाई दियो ।

बुबाका साथीहरुको भेटघाट भैरहने आफ्नो घरमा कैयौं पटक साँझ खाना बनाई सकेपछि जमघट भैदिन्थ्यो । उनीहरुलाई खाना खुवाउने जिम्मा उनको काँधमा आउँथ्यो । पटक पटक साहित्यकार, कलाकारहरुलाई खाना बनाएर खुवाएकी छिन् ममताले । दुई थोक मात्रै तरकारी भएपनि त्यसैलाई थप डेकोरेसन र क्रियशन गरेर चार थोक बनाउन सक्ने उनको खुवीलाई निवन्धकार शंकर लामिछानेले पनि निकै तारिफ गरेको सम्झिन्छिन् ममता ।

यसरी हेर्दा ममतालाई शंकर लामिछानेले मन पराएकी भान्से भने पनि फरक पर्दैन ।

अहिले पनि आख्यान पुरुष डा. ध्रुवचन्द्र गौतमले भेट्नासाथ त्यतिबेला बनाएर खुवाएको खानाको कुरा सम्झेर तारिफ गर्ने गरेको उनी गमक्क पर्दै सुनाउँछिन् ।

२०३९साल तिरको कुरा हो । उनी कन्या मावि लैनचौरमा पढ्थिन । स्कुलमा हुने कविता प्रतियोगितामा भाग लिन्थिन् । पुरस्कृत हुन्थिन् । उनलाई कविताको लगाव त्यतिबेलै देखिको हो ।

ममतालाई बुबाले गरेको चित्रकारिता प्रति गर्व छ । तर, उनी आफैं भने चित्रकार बनिनन् । भन्छिन्– ‘म पनि रङसँगै छु । बुबा क्यानभासमा पोत्नुहुन्छ, म मान्छेलाई सिँगार्दैछु ।’

लामो समयदेखि अमेरिकाको बोस्टनमा बस्दै आएकी ममता पेशाले ‘कस्मोलोजिष्ट’ हुन् ।  उनले अष्ट्रेलिया पुगेर ‘मेकअप आर्टिष्ट’सँग सम्वन्धित कोर्सहरु पुरा गरेकी छिन् । 

‘क्यानभासमा पोतेको रङले कतिबेला मान्छे खुसी होला मलाई थाहा छैन’ उनी भन्छिन्–‘मैंले पोत्ने रङले मान्छेलाई तत्काल खुसी बनाउन सकिन्छ ।’ उनी आफ्नो कामप्रति एकदमै खुशी भएको बताउँछिन् ।

उनलाई मान्छेको ओठमा मुस्कान भरिएको मन पर्छ ।

उनी कविता लेख्छिन् । उनको कविताको विषय मायाँ प्रेम हो । अझै दुख्दैछ मन र मनका कुरा जस्ता दुई कविता कृतिकी सर्जक ममता सेल्फी खिच्नुलाई आप्mनो विशेष रुची मान्छिन् । त्यसैले होला उनलाई  पाठकहरुले नाम दिएका छन्– सेल्फी क्वीन ।

उनी खुशी नहुने कुरै भएन पाठकले दिएको नाउँमा ।

केही महिना अघि मात्रै उनको अंग्रेजी कविता संग्रह बजारमा आएको छ । उनको कृति अझै दुख्दैछ मनको अंग्रेजी संस्करण उनले बजारमा ल्याएकी हुन् ।

छोटा छोटा कविता लेख्नु उनको मुख्य विशेषता हो ।

उनी मान्छेको अनुहार हेरेरै उसको अन्तर्य पढ्न सक्ने बताउँछिन् । आफूलाई सधैं अमूर्त कविता लेख्न मन पराउने ममता जीवनप्रति एकदमै पोजेटिभ छिन् ।

‘आफ्नो पहिलो स्रोता आफ्नै बुबा उत्तम नेपाली हुन् भन्न पाउँदा कम्ती गर्व हुँदैन’ उनी भन्छिन्– ‘बुबासँगै मिलेर क्रियटिभ काम गर्ने योजनामा छु । हाम्रो एउटा क्रियशन छिटै आउँदैछ ।’

तीन नेपाली कलाकारले फ्रान्समा हिउँको मूर्ति बनाउने

काठमाडौं ।  फ्रान्सको भ्यालोरमा हुने ‘इन्टरनेशनल स्नो फेस्टिभल’ मा नेपालबाट मूर्तिकार राजु पिठाकोटे, शिल सारु मगर र दीपेश घिमिरेको टोली छानिएको

 ‘बर्बरिक’वयान: राजा वीरेन्द्रसँग भेट्दा के भनेका थिए मदन भण्डारीले ?

काठमाडौं। स्थानीय कुञ्ज थिएटरमा पहिलो पटक बुधबार प्रदर्शन गरिएको नाटक ’बर्बरिक’ हेरेर विशिष्ट दर्शकले भावुक बन्दै यसलाई मेचीदेखि महाकालीसम्म

सोनु निगमको हत्या गर्ने योजना बनाएको आरोप

काठमाडौं । बलिउडका चर्चित गायक सोनु निगमको हत्या गर्ने योजना बनाइएको समाचार आएको छ । गायक सोनु निगमको हत्या गर्ने योजना बनेको भारतको महाराष्ट्रका

क्यान्सरलाई पराजित गरे इमरान हाशमीका छोराले

काठमाडौं । बलिउड अभिनेता इमरान हाशमी ठूलो पीडाबाट मुक्त भएका छन् । उनका परिवारका लागि खुशीको दिन आएको छ । उनको छोरा अयान क्यान्सर रोगबाट मुक्त भएका