'जनतासँग प्रधानमन्त्री' हरेक साता प्रत्यक्ष प्रसारण

काठमाडौं । 'जनतासँग प्रधानमन्त्री' कार्यक्रम भोलि बुधबारदेखि हरेक हप्ता प्रत्यक्ष प्रसारण हुनेभएको छ । यसअघि यो कार्यक्रम पाक्षिक रुपमा प्रसारण हुँदै आएको थियो ।

 

कथा नेपालले निर्माण गरिरहेको कार्यक्रम साउन २ र साउन १६ गते रेकर्ड गररेर प्रसारण गरिएको थियो । भोलिदेखि कार्यक्रम नेपाल टेलिभिजन, एपीवान एचडी, हिमालय टेलिभिजन, एबीसी टेलिभिजन र जनता टेलिभिजनमा राती ९ बजेदेखि १० बजेसम्म प्रत्यक्ष प्रसारण हुने कार्यक्रमका संचालक तथा निर्माता मनोज पाण्डेले बताए । साथै ‘जनतासँग प्रधानमन्त्री’ कार्यक्रमको फेसबुक पेज र हाम्रो कथाको युट्युब च्यानलबाट पनि प्रत्यक्ष प्रसारण हेर्न सकिनेछ ।

 

यसपटकदेखि कार्यक्रममा दर्शकले टेलिफोन तथा सामाजिक सञ्जालहरु फेसबुक र ट्विटरमार्फत प्रधानमन्त्रीसमक्ष सिधै प्रश्न राख्न पाउने व्यबस्था मिलाईएको छ । टेलिफोन मार्फत प्रश्न राख्न कार्यक्रम सुरु भएपछि नेपाल टेलिभिजनको फोन नम्बर ०१–४२००५१२ र ०१–४२००५१३ मा फोन गर्नुपर्नेछ भने ‘जनतासँग प्रधानमन्त्री’को फेसबुक पेज तथा ट्विटरबाट पनि प्रश्न तथा आफ्नो गुनासो राख्न पाईने व्यबस्था मिलाईएको कथा नेपालले जनाएको छ ।

 

कथा नेपालले नेपालमा सोलुसन बेस्ड जर्नालिज्म या कन्सट्रक्टिभ जर्नालिज्मको अभ्यास गर्ने पहिलो कम्पनी हो । आशा, उत्साह र उत्सवलाई कम्पनीले मुल मन्त्र बनाएको छ । कथा नेपालले ‘जनतासँग प्रधानमन्त्री’ कार्यक्रमको सैद्धान्तिक जग पनि यसैलाई वनाएको छ ।

 

यो कार्यक्रम निर्माणका लागि अनुसन्धानकर्ता, प्रोफेसर, पत्रकार, स्टोरी एडिटर, प्राविधिक, पब्लिसिटी र व्यवस्थापकीय गरी १५ जनाको टोली निर्माण गरिएको छ । यसबाहेक विषयगत रूपमा आवश्यकता अनुसार राष्ट्रिय योजना आयोग, तथ्यांक विभाग, विषयगत मन्त्रालय तथा विश्वविद्यालयहरूलाई समेत अध्ययन–अनुसन्धानका लागि अनुरोध गर्ने योजना कथा नेपालको छ ।

 

कथा नेपालले लामो समयदेखि सकारात्मक समाचार, सफलताका कथा, उद्यम र उद्यमशीलताका सम्भावना, चुनौति र समाधानको पाटामा केन्द्रित रहेर कान्तिपुर टेलिभिजनमा ‘मनी टक्स’ र अनलाईन ‘हाम्रो कथा डट कम’ सञ्चालन गरिरहेको छ । 

सर्वसाधरण कुट्ने प्रहरी निलम्बीत

गलकोट, १० माघ । सामान्य भनाभनमै बागलुङ जिल्लाको गलकोट नगरपालिका–६ हरिचौरका ४० वर्षीय सोमबहादुर बस्नेतलाई कुटपिट गर्ने दुई प्रहरी जवानलाई बागलुङ

सरकारलाई आवासीय चिकित्सक संघको अल्टिमेटम, शुक्रबारदेखि स्वास्थ्य सेवा ठप्प पार्ने चेतावनी

काठमाडौ,१० माघ । आवासीय चिकित्सक संघले आज बेलुकीसम्ममा डाक्टर गोविन्द केसीका माग पूरा नगरे शुक्रबारदेखि स्वास्थ्य सेवा ठप्प पार्ने चेतावनी दिएका

काठमाडौ उपत्यकासहित देशका पहाडी क्षेत्रमा बाक्लो हुस्सु,मौसम सफा हुन अझै २ दिन लाग्ने

काठमाडौ,१० माघ । बिहानैदेखि काठमाडौँ उपत्यकासहित देशका पहाडी क्षेत्रमा बाक्लो हुस्सु तथा कुहिरो लागेको छ । बुधबार काठमाडौँसहित देशका अधिकांश

आजदेखि शहीद सप्ताह सुरु

काठमाडौ,१० माघ । आजदेखि शहीद सप्ताह सुरु भएको छ । प्रजातन्त्र स्थापना एवं पुनःस्थापना तथा विभिन्न कालखण्डका स्वतन्त्रताका लागि जीवन आहूति दिने