चलचित्रबाट राजनीतिमा ओर्लँदै कमल हसन

मुम्बइ । भारतीय फिल्म स्टार कमल हसन राजनीतिमा आउने तयारी छन्। 

झण्डै आधा शताब्दीदेखि फिल्म क्षेत्रमा सक्रिय हसनले झण्डै २०० ओटा फिल्ममा काम गरिसकेका छन्। उनलाई भारतको फिल्म क्षेत्रमा सम्मानित दिइने व्यक्तिका रुपमा लिइन्छ। 

फिल्म सेन्सरसिपको झमेलामा परेका ६३ बर्षीय हसनले हालै आफ्नो नयाँ राजनीतिक पार्टी गठन गरेका छन्। उनले सो पार्टी मार्फत् कलाकारहरूको अधिकार र स्वतन्त्रताका लागि लड्ने योजना पनि बनाएका छन्। 

“यस्तो देशभरी नै भइरहेको छ, यो निकै चुनौतीपुर्ण पनि छ, सवै कलाकारले अव आफ्नो अधिकारका लागि बोल्ने छन्,” एक अन्तर्वार्तामा उनले तमिलनाडुमा भने। 

थपु्रै पुरस्कार तथा सम्मान प्राप्त गरेका र ‘बक्स अफिस’मा लोकप्रियता हासिल गरेका कलाकारहरुले त्यो लोकप्रियतालाई मतपेटिकामा रुपान्तरण गर्ने अपेक्षा गरिएको छ। 

हसनले ‘मक्का निधी मैम’ नामक पार्टी गत फेब्रुअरीमा गठन गरेका थिए। तमिलनाडुलाई आधार बनाएर बनाइएको पार्टीलाई स्थानीय भाषामा जनताको न्याय केन्द्र भनिएको छ। 

यो पार्टीले आगामी आम निर्वाचनमा पहिलो पटक भाग लिने बताइएको छ। सन् २०१९ मा हुने निर्वाचनमा प्रधानमन्त्री नरेन्द्र मोदीले पनि दोस्रो कार्यकालका लागि प्रधानमन्त्री हुनेगरी प्रतिस्पर्धा गर्ने भएका छन्। 

हसनले आफ्नो पार्टी वाकस्वतन्त्रताका लागि लड्नुका साथै धार्मिक विविधताको राष्ट्रिय विषेशताको रक्षाका लागि क्रियाशिल रहेको बताएका छन्। 
म अहिलेको अवस्थालाई चुनौती दिन चाहन्छु, मैले केन्द्रियताका लागि यो गरिरहेको छैन, मेरो उद्धेश्य पुरा भएपछि मैले राजीनामा दिन चाहन्छु, उनले भने। 

हसनले भारतका तमिल, तेलुगु, मलायालाम र हिन्दी भाषाका धेरै फिल्महरु उत्पादन गर्ने, निर्देशन गर्ने र गीत गाउने गरेका छन्। रासस

१७ वर्षपछि को बन्छ करोडपतिको अंग्रेजी संस्करण बन्द हुँदै

एजेन्सी । प्रश्नको सहि जवाफ दिएर टन्नै पैसा जित्न सकिने रोचक टेलिभिजन शो ‘हु वान्ट्स टु बी मिलिनियर’ बन्द हुने भएको छ । सन् २००२ मा सुरु गरिएको यस

सलमान खानले शेयर गरेको फोटोमा ऐश्वर्याको मुहार हटेपछि...

  एजेन्सी । बलिउडका सुपरस्टार सलमान खानको फ्यान फलोइङ ठुलो रहेको छ । उनको औसत फिल्मले पनि सयौ करोडको कारोबार गर्ने गरेकोले पनि फिल्म उद्योगमा

फरहान अख्तर भए ट्रोलको शिकार

एजेन्सी । बलिउडका स्टार फरहान अख्तर पछिल्लो समय चुनाव सम्बन्धी ट्वीटका कारण चर्चामा छन् । उनका पिता जाभेद अख्तरले खुलेरै भारतका क्रान्तिकारी नेता

प्रियंका चोपडा गर्भवति रहेको दाबी, यस्तो छ आधार

एजेन्सी । बलिउड र हलिउडकी नायिका प्रियंका चोपडाको बारेमा मिडियामा चर्चा हुनु नौलो विषय रहेन । सेलिबे्रटी गायक निक जोनससँग विवाह गरेकी उनको हरेक