शानदार डेब्यु गरेका सन्दीपको किफायती बलिङ

काठमाडौं, २५ साउन । क्यारेबियन प्रिमियर लिग (सिपिएल) मा डेब्यु गरेका नेपाली स्टार सन्दीप लामिछानेले पहिलो खेलमै उत्कृष्ट प्रदर्शन गरेका छन् । सेन्ट किट्स एण्ड नेभिस प्याट्रियोट्सको लागि खेलेका उनले खेलकै किफायती बलिङ गरेपनि गुयना अमेजन वारियर्ससँग सन्दीपको टोली ६ विकेटले पराजित भएको छ ।

टस हारेर पहिले ब्याटिङ गरेको सेन्ट किट्स एण्ड नेभिस प्याट्रियोट्सले निर्धारित २० ओभरमा ५ विकेट गुमाउँदै जम्मा १४६ रन बनाउन सफल भएको थियो । टोलीका लागि कप्तान क्रिश गेलले ६५ बलमा ८६ रन बनाउने क्रममा ५ छक्का र ७ चौका प्रहार गरे । त्यस्तै टम कुपर र बेन कटिङले १५/१५ रन बनाए ।

बलिङतर्फ गुयनाका किमो पलले ४ ओभरमा १६ रन दिंदै २ विकेट लिए । कसिलो बलिङ गरेको गुयनाको लागि शोहेल तनवीर, इमरान ताहिर र क्रिश ग्रिनले समान १ विकेट लिए ।

जवाफी ब्याटिङ गरेको गुयनाले १६.३ ओभरमा ४ विकेट गुमाउँदै १४८ रन बनाउँदै लक्ष्य हासिल गर्न सफल भयो । यसअघि गुयनाको सुरुवात राम्रो हुन सकेको थिएन । पहिलो ओभरको अन्तिम बलमा विकेट गुमाएको गुयनाले दोश्रो ओभरको पहिलो बलमा दोश्रो विकेट गुमाएको थियो ।

इनिङको दोश्रो ओभर सन्दीप लामिछानेले बलिङ गरेका थिए । उनले सिपिएलमा फालेको पहिलो बलमै चाडविक वाल्टनको विकेट लिएका हुन् । सन्दीपले फालेको फ्लाइट बललाई लामो प्रहार गर्ने सोचेका चाडविकले ब्याटको टाइमिङ मिलाउन नसक्दा मिड अनमा बेन कटिङले क्याच गरेका थिए ।

सन्दीपको दोश्रो बलमा शोएब मल्लिकले १ रन लिएका थिए । त्यस्तै सन्दीपले तेश्रो बल गुगली फालेकोमा शिम्रन हेटमिरलाई बिट गरेपनि विकेट किपर डेभोन थोमसले स्टम्पीङको मौका गुमाएपछि सन्दीपले पहिलो ओभरमै दुई विकेट लिने सुनौलो अवसर गुमाउनु प¥यो ।

अन्ततः यिनै हेटमिरले अविजित रहँदै ४५ बलमा ७९ रन बनाएर गुयनालाई सहज विजय दिलाए । त्यसपछिको ३ बलमा २ रन दिएका सन्दीपले डेब्यु खेलको पहिलो ओभरमा १ विकेट लिंदै ३ रन दिए ।

त्यसपछि पुनः रन गति बढेपछि कप्तान क्रिश गेलले सन्दीपलाई इनिङको छैठौं ओभर बलिङ गर्न जिम्मेबारी दिएकोमा ६ बलमा १ रन मात्र दिए । इनिङको ८ औं ओभर पनि बलिङ गरेका सन्दीपले जम्मा ४ रन दिए ।

त्यस्तै उनको अन्तिम ओभर तथा खेलको १० औं ओभरमा पुन: बलिङ गरेका सन्दीपले पहिलो बलमा १ रन दिएर दोश्रो बलमा जेसन मोहम्मदलाई आउट बनाए । त्यसपछिको ४ बलमा ३ बल दिएका सन्दीपले ४ ओभरमा १२ रन दिंदै २ विकेट लिंदै डेब्यु खेललाई सुखद बनाए । उनको २४ बलमा १३ बलमा कुनै रन बनेको थिएन भने उनले एउटा पनि चौका/छक्का पनि दिएनन् ।

बलिङमा सन्दीप बाहेक शेल्टन कोट्रेलले पनि २ विकेट लिए । दोश्रो इनिङमा शितका कारण बल ग्रिप नभएको कारण पनि सेन्ट किट्स एण्ड नेभिस प्याट्रियोट्सका अन्य बलरहरु जम्न सकेनन् ।

गुयनाको लागि हेटमिरले ७९ बाहेक क्रिश ग्रिनले अविजित २५ रन बनाए भने जेसन मोहम्मदले १६ र शोयब मल्लिकले १४ रन बनाए ।  
सन्दीपको बलमा आउट हुनबाट जोगिएका शिम्रन हेटमिरनै खेलको म्यान अफ द म्याच भए ।

सेन्ट किट्स एण्ड नेभिस प्याट्रियोट्सको दोश्रो खेल डिफेन्डीङ च्याम्पीयन ट्रिनबागो नाइट राइडर्स विरुद्धको खेल नेपाली समय अनुसार आइतबार बिहान ५ः४५ मा छ ।

 

६ ओभरको खेलमा महेन्द्रनगर विजयी, अत्तरियाको पहिलो हार

धनगढि, ५ फागुन । वर्षाले खराब पारेको मैदानमा भएको ६ ओभर प्रति इनिङको खेलमा महेन्द्रनगर युनाइटेडले सिवाईसी अत्तरियालाई ७ विकेट हराएको छ । धनगढि

२९ बलमा ७ विकेट गुमाउँदै बीबीएलको उपाधि जित्न चुक्यो स्टार्स

काठमाडौं, ५ फागुन । बीग बाश लिग (बीबीएल) को फाइनल खेलमा मेलबर्न रेनिगेड्सँग १३ रनले पराजित हुँदै मेलबर्न स्टार्सले उपाधि जित्ने मौका गुमाएको छ । १३

फिफा विश्वकप २०३० को संयुक्त आयोजना प्रस्ताव गर्दै यी देश

एजेन्सी । सन् २०३० को लागि फिफा विश्वकपको लागि संयुक्त आयोजना गर्ने प्रस्ताव भइरहेको थाहा भएको छ । अर्जेन्टिना, चिली, पराग्वे र उरुग्वेले विश्वकप

बीबीएल फाइनलमा सन्दीपको कसिलो बलिङ, स्टार्सलाई १४६ रनको लक्ष्य

काठमाडौं, ५ फागुन । बीग बाश लिग (बीबीएल) को फाइनल खेलमा स्टार लेगस्पीनर सन्दीप लामिछानेले कसिलो बलिङ गरेका छन् । मेलबर्न स्टार्स र मेलबर्न