सन्दीपको सिपिएलमा डेब्यु आज, खेल मध्यरात ३ः४५ बजे


काठमाडौं, २४ साउन । इन्डियन प्रिमियर लिग (आईपिएल) बाट सुरु भएको नेपालका स्टार क्रिकेटर सन्दीप लामिछानेको क्रिकेट यात्रा हाल क्यारेबियन प्रिमियर लिग (सिपिएल) सम्म आइपुगेको छ ।

यो बिचमा सन्दीपले विश्व ११ बाट खेल्नुका साथै ग्लोबल टि–२० क्यानडा मा पनि खेलेका छन् । यस अद्भुद् यात्राको क्रममा सन्दीपले अथक मेहनतका साथ अनेकन सफलता पनि पाएका छन् ।

यहि यात्राको निरन्तरताको क्रममा आज सन्दीपको टोली सेन्ट किट्स एण्ड नेभिस प्याट्रियोट्सको पहिलो खेल भएकाले सन्दीपको सिपिएलमा डेब्युको ठुलो सम्भावना रहेको छ । सन्दीपको टोलीले आज गुयना अमेजन वारियर्सको सामना गर्दैछ । खेल नेपाली समयअनुसार मध्यरात ३ः४५ बजे सुरु हुनेछ ।

सन्दीपको टोली सेन्ट किट्स एण्ड नेभिस प्याट्रियोट्सले कुल ६ विदेशी खेलाडि किनेको छ । सिपिएलको नियमानुसार एक खेलमा बढिमा ३ विदेशी खेलाडि खेल्न पाउने भएकाले सन्दीपले आजको खेलमा मौका पाउने कि नपाउने भन्ने दुविधा भएपनि सेन्ट किट्स एण्ड नेभिस प्याट्रियोट्स टोलीको खेलाडीको क्रम हेर्दा सन्दीपको आज सम्भावना देखिएको छ ।

सेन्ट किट्स एण्ड नेभिस प्याट्रियोट्सले किनेको ६ खेलाडिहरुमा सन्दीप बाहेक, बंगलादेशका महमुदुल्लाह, अष्ट्रेलियाका बेन कटिङ, न्युजिल्याण्डका एन्टोन डेभासिच, नेदरल्याण्ड्सका टम कुपर र भारतीय मुलका अमेरिकी खेलाडि इब्राहिम खलिल छन् ।

यस्तोमा सेन्ट किट्समा ओपनरको हैसियतमा खेल्नको लागि क्रिश गेल र एभिन लेविस भएकाले पहिलो खेलमा एन्टोन डेभासिचले खेल्ने मौका पाउन कठिन रहेको छ । त्यस्तै नेदरल्याण्ड्सका टम कुपर र अमेरिकाका इब्राहिम खलिल पनि ब्याट्म्याननै रहेको उनिहरुको सम्भावना कम नै देखिएको छ । यसको विपरित बंगलादेशका महमुदुल्लाह र अष्ट्रेलियाका बेन कटिङले आजको खेल खेल्ने सम्भावना देखिएको छ ।

त्यस्तैगरी हालसालै नेपाललाई पहिलो एकदिवसिय खेल जिताउन महत्वपूर्ण भुमिका खेलेका सन्दीप लामिछानेको अनुभवका कारण स्थानिय स्पीनरहरु भएपनि पहिलो खेलमा सन्दीपले मौका पाउने सम्भावना छ ।

सन्दीपको लेग स्पीन विश्व क्रिकेटमा नौलो स्वरुपको भएकोले पनि सन्दीप पहिलो रोजाइमा पर्ने ठुलो सम्भावना रहेको छ । त्यस्तै सन्दीपले यस सिजनको सिपिएल पुरै खेल्न सम्भव नभएकोले सुरुवाती खेलहरुमा खेलाइ सन्दीपको धारिलो स्पीनको फाइदा उठाउने सेन्ट किट्स एण्ड नेभिस प्याट्रियोट्सको योजना हुनसक्छ । करिब ४० दिन चल्ने यस प्रतियोगितामा सन्दीपले बढिमा १८ दिनमा मात्र खेल्न पाउनेछन् । यहि बिचमा नेपालको एसिया कप छनौट प्रतियोगिता भएकोले सन्दीप सिपिएल बिचमै छोडेर नेपाल आउने तालिका रहेको छ ।

एसिया कपमा छनौट हुन नेपाल सफल भएमा सन्दीपले बिचमा केहि खेलको लागि वेष्ट इन्डीज जान सम्भव भएपनि उक्त समयमा कस्तो निर्णय गर्ने सन्दीपमा भर पर्छ ।

फरक फरक परिवेशमा खेलेर निखारिएको सन्दीपको बलिङले वेष्ट इन्डीजको भुमिमा कस्तो चमत्कार गर्छ, त्यो हेर्न अब धेरै बेर कुर्नुपर्ने छैन ।  
     

 

भोलीदेखि साफ यू–१५ फुटबल प्रतियोगिता

काठमाडौं, ६ कात्तिक । भोलीदेखि चौथो संस्करणको साफ यू–१५ च्याम्पियनसिप फुटबल प्रतियोगिता शुरु हुने भएको छ । यसको सबै तयारी पुरा भएको अखिल नेपाल फुटबल

सुलभ ‘उत्कृष्ट गोल अवार्ड’का लागि मनोनित

काठमाडौं, ६ कात्तिक । नेपाली यू–१९ फुटबल टोलीका पूर्व कप्तान सुलभ मास्केको गोल अष्ट्रेलियामा वर्षको ‘उत्कृष्ट गोल अवार्ड’का लागि मनोनयनमा परेको

सन्दीप बने बिबिएलमा छानिने पहिलो एसोसियट्स क्रिकेटर, बंगलादेशी लिगको पुरा सिजन खेल्ने

काठमाडौं, ५ कार्तिक । नेपाली स्टार लेग स्पीनर सन्दीप लामिछानेको व्यावासायिक क्रिकेट यात्राको निरन्तरता अब अष्ट्रेलीया र बंगलादेशमा पनि जारी हुने

एक सिङ्गे गैंडा जोगाउन फुटबल

नवलपरासी, ५ कात्तिक । एक सिङ्गे गैँडाको संरक्षण गर्न सचेतना जगाउनका लागि पूर्वी नवलपरासीमा कात्तिक १५ देखि २९ गतेसम्म राइनो संरक्षण गोल्डकप फुटबल