नेपाली क्रिकेटरलाई सिकाउन ब्याटिङ प्रशिक्षक आउने

काठमाडौं । अन्तर्राष्ट्रिय एकदिवसिय मान्यता पाएको नेपाली टोलीको ब्याटिङ प्रशिक्षकको भूमिकामा भारतीय नागरिक अपूर्व सुबोधभाइ देसाई प्रशिक्षकको रुपमा नेपाल आउने पक्का भएको छ। 

पुबुदु दासानायाकेको बहिर्गमनपछि नेपाली टोलीको प्रशिक्षकको हैसियतमा जगत टमाटाले काम गरेपनि बेला बेलाको प्रतियोगिता लक्षित गर्दै भारतीय प्रशिक्षकहरु ल्याउने परम्पराले यसपटक पनि निरन्तरता पाएको छ। यसअघि मोन्टी देसाई, उमेश पटवाल र सुलक्षण कुलकुर्णीले प्रतियोगिता लक्षित अल्पकालिन प्रशिक्षकको हैसियतमा काम गरिसकेका छन्। यी सबैमा मोन्टी देसाईको प्रशिक्षण नेपाली खेलाडिको लागि सबैभन्दा उपयोगी सिद्ध भएको थियो।

आगामी एसिया कप छनौटलाई लक्षित गर्दै नेपालले सम्भावित तथा इच्छुक प्रशिक्षकको विकल्पमा अपूर्व देसाईलाई छनौट गरेको थियो। नेपाल क्रिकेट संघ (क्यान) हाल निलम्बनको अवस्थामा भएकोले देसाईको छनौटलाई अन्तर्राष्ट्रिय क्रिकेट काउन्सील (आईसीसी) का प्रतिनिधिले स्वीकार गरेका हुन्। 

लेभल ‘सी’ प्रशिक्षण पुरा गरेका देसाई  भारतीय क्रिकेट बोर्ड (बीसीसीआई) सँग नजिक रहेर काम गरिरहेका छन्। भारतीय क्रिकेटर दिनेश कार्तिकको प्रशिक्षकको रुपमा कामगरिरहेका उनले क्लब लेभल तथा केहि प्रथम श्रेणीको क्रिकेट पनि खेलेका थिए। 

देसाई साउन ३० गते नेपाल आउने भएपनि त्यसअघि नै नेपाली टोलीहरु बन्द प्रशिक्षणमा रहनेछन्।

एसिया कप छनौट प्रतियोगिता भदौ १३ गते देखि मलेसियामा आयोजना हुँदैछ। उक्त प्रतियोगितामा नेपाल बाहेक, ओमान, हङकङ, युएई, सिंगापुर र मलेसिया सहभागी हुनेछन्। राउन्ड रोबिन लिगमा खेलिने यस प्रतियोगिताको फाइनल खेल भदौ २१ गते हुनेछ। 

यस प्रतियोगिताबाट एक मात्र टोली छनौट हुने व्यवस्था रहेको छ। यसमा छनौट भएमा नेपालले भारत, पाकिस्तान, बंगलादेश, श्रीलंका तथा अफगानिस्तान सम्मिलित एसिया कप प्रतियोगिता खेल्न पाउनेछ। भाद्र ३० देखि सुरु हुने एसिया कपमा नेपाल छनौट भएमा भारत र पाकिस्तानको समुहमा पर्ने हुँदा नेपालले थप अन्तर्राष्ट्रिय एकदिवसिय प्रतियोगिता खेल्न पाउनेछ।  

 
 

६ ओभरको खेलमा महेन्द्रनगर विजयी, अत्तरियाको पहिलो हार

धनगढि, ५ फागुन । वर्षाले खराब पारेको मैदानमा भएको ६ ओभर प्रति इनिङको खेलमा महेन्द्रनगर युनाइटेडले सिवाईसी अत्तरियालाई ७ विकेट हराएको छ । धनगढि

२९ बलमा ७ विकेट गुमाउँदै बीबीएलको उपाधि जित्न चुक्यो स्टार्स

काठमाडौं, ५ फागुन । बीग बाश लिग (बीबीएल) को फाइनल खेलमा मेलबर्न रेनिगेड्सँग १३ रनले पराजित हुँदै मेलबर्न स्टार्सले उपाधि जित्ने मौका गुमाएको छ । १३

फिफा विश्वकप २०३० को संयुक्त आयोजना प्रस्ताव गर्दै यी देश

एजेन्सी । सन् २०३० को लागि फिफा विश्वकपको लागि संयुक्त आयोजना गर्ने प्रस्ताव भइरहेको थाहा भएको छ । अर्जेन्टिना, चिली, पराग्वे र उरुग्वेले विश्वकप

बीबीएल फाइनलमा सन्दीपको कसिलो बलिङ, स्टार्सलाई १४६ रनको लक्ष्य

काठमाडौं, ५ फागुन । बीग बाश लिग (बीबीएल) को फाइनल खेलमा स्टार लेगस्पीनर सन्दीप लामिछानेले कसिलो बलिङ गरेका छन् । मेलबर्न स्टार्स र मेलबर्न