क्रिकेटर शक्ति गौचनले गरे सन्यास घोषणा

काठमाडौं, २ साउन । नेपाली भेटरान स्पीनर शक्ति गौचनले आज एक कार्यक्रममा नेपाली क्रिकेटबाट सन्यासको घोषणा गरेका छन् ।
एमसीसी र नेदरल्याण्ड्स जाने टोलीमा परेका उनको नेपाली टोलीसँगको यो नै अन्तिम भ्रमण हुनेछ । केहि समय अघि नेपालले विश्वकप छनौट खेलमा एकदिवसिय राष्ट्रको हैसियत पाएको थियो ।

उक्त कार्यक्रममा हँसिलो मुद्रामा देखिएका शक्तिले आफ्नो एकदिवसिय खेल खेल्ने इच्छा पुरा गरेसँगै सन्यास लिने बताउँदै भनेका छन् , ‘मैले एकदिवसिय खेल्दै सन्यासको घोषणा गरेपनि अहिलेको यो ब्याचले टेष्ट क्रिकेट खेल्दै सन्यासको घोषणा गर्न पाओस् ।’

केहि वर्ष अघि देखिनै सन्यासको मनस्थिति बनाएपनि आफ्नो स्थान पूरा होला नहोला भन्ने अन्योलले यो कठिन घोषणा गर्न नसकेको बनाउँदै शक्ति भन्छन् , ‘अहिलेको यो टोली साह्रै नै ट्यालेन्टेड छ । विगतका केहि प्रतियोगिता र बन्द प्रशिक्षणमा यूवा खेलाडिहरुले गरेको मेहनत देख्दा अब मेरो स्थानमा खेल्ने खेलाडिको कमि छैन भनेर म ढुक्क भएको छु । ’

अनले अझ आफ्नो ‘ड्रिम’ नेपालको घरेलु मैदानमा एकदिवसिय खेल खेलेर सन्यास गर्ने रहेको पनि खुलाए । तर पहिलो एकदिवसिय खेलको लागि नेदरल्याण्ड्ससँग खेल्ने पक्का भइसकेकोले शक्तिले यहि समयलाई उत्तम ठानेका छन् ।

सन् २००२ देखि उमेर समुहबाट नेपालका लागि खेल्न सुरु गरेका शक्तिले आफ्नो अलराउन्ड क्षमता मार्फत् नेपाललाई सधैं योगदान दिइरहे । सन् २००४ को यू–१९ विश्वकपमा कप्तानी गरेका शक्तिले साउथ अफ्रिका विरुद्ध अर्धशतक प्रहार गर्दै नेपाललाई विजय दिलाएका थिए । त्यस्तै उनले सन् २००५ मा विश्वकप छनौटमा इटाली विरुद्ध शतक पनि प्रहार गरेका थिए ।   

नेपालको हरेक फम्र्याटको क्रिकेट खेलेका उनले विगतमा आफुलाई एकदिवसिय खेलको लागि सुहाउँदो खेलाडि बनाएपनि सन् २०१२ यता टि–२० सुहाउँदो खेलाडिको रुपमा आफुलाई तयार पारेका थिए । 

टि–२० विश्वकपको छनौटमा डेनमार्क विरुद्ध ह्याट्रिक लिएका शक्तिले सन् २०१४ को टि–२० विश्वकपको खेलमा विकेट लिएपछि खुशी मनाउने तरिकाले पनि विश्व क्रिकेटमा परिचित भएका थिए । आईपिएलको लागि राजस्थान रोयल्समा ट्रायल पनि दिएका शक्ति हालसम्म पनि नेपालको प्रमुख खेलाडि हुन् ।   

सम्हालेर ब्याटिङ गर्ने र आक्रामक स्पीन बलिङ गर्ने शैलीले प्रख्यात शक्तिको योगदानले नेपाली क्रिकेट आजको स्थानसम्म आएको विषयमा दुईमत छैन । 
 

६ ओभरको खेलमा महेन्द्रनगर विजयी, अत्तरियाको पहिलो हार

धनगढि, ५ फागुन । वर्षाले खराब पारेको मैदानमा भएको ६ ओभर प्रति इनिङको खेलमा महेन्द्रनगर युनाइटेडले सिवाईसी अत्तरियालाई ७ विकेट हराएको छ । धनगढि

२९ बलमा ७ विकेट गुमाउँदै बीबीएलको उपाधि जित्न चुक्यो स्टार्स

काठमाडौं, ५ फागुन । बीग बाश लिग (बीबीएल) को फाइनल खेलमा मेलबर्न रेनिगेड्सँग १३ रनले पराजित हुँदै मेलबर्न स्टार्सले उपाधि जित्ने मौका गुमाएको छ । १३

फिफा विश्वकप २०३० को संयुक्त आयोजना प्रस्ताव गर्दै यी देश

एजेन्सी । सन् २०३० को लागि फिफा विश्वकपको लागि संयुक्त आयोजना गर्ने प्रस्ताव भइरहेको थाहा भएको छ । अर्जेन्टिना, चिली, पराग्वे र उरुग्वेले विश्वकप

बीबीएल फाइनलमा सन्दीपको कसिलो बलिङ, स्टार्सलाई १४६ रनको लक्ष्य

काठमाडौं, ५ फागुन । बीग बाश लिग (बीबीएल) को फाइनल खेलमा स्टार लेगस्पीनर सन्दीप लामिछानेले कसिलो बलिङ गरेका छन् । मेलबर्न स्टार्स र मेलबर्न