तेश्रो स्थान हातपार्न बेल्जियम र इंग्ल्याण्ड भिड्दै

काठमाडौं, ३० असार ।  विश्वकप २०१८ अन्तर्गत सेमिफाइनलमा पराजित भएका दुई टोली तेश्रो स्थानको लागि आज खेल्दैछन् । नेपाली समय अनुसार साँझ ७ः४५ मा हुने यो खेल रसियाको सेन्ट पिटर्सबुर्ग मैदानमा खेलिँदैछ । 

सेमिफाइनल खेलमा फ्रान्ससँग पराजित बेल्जियम र क्रोयसियासँग पराजित इंग्ल्याण्डका लागि भावनात्मक रुपमा यो कठिन खेल हो । विश्वकपको फाइनल पुग्न हरसम्भव प्रयास गरेका यी दुई टोली त्यो हारले क्षुब्ध भएपनि फिफाको नियमअनुसार तेश्रो स्थानको लागि खेल्नैपर्ने बाध्यता भएकाले आजको खेलमा शतप्रतिशत योगदान गर्ने बेल्जियमका मेनेजर रोबर्टो मार्टिनेज र इंग्ल्याण्डका प्रशिक्षक ग्यारेथ साउथगेटले बताएका छन् ।

यस विश्वकपमा ‘गोल्डेन जेनेरेसन’ ले खेलिरहेकाले फाइनल पुग्ने विश्वासमा रहेको सिपयुक्त बेल्जियमको टोली शायद अर्को विश्वकपमा यस्तो बलियो स्थितिमा नरहन सक्छ । यस्तोमा आजको खेलमा अद्भुत कौशल देखाउँदै यो खेल जितेर विश्व फुटबलमा बेल्जियमको नाम सम्झीने घटना बनाउन चाहन्छन् ।

अर्कोतर्फ युवा खेलाडिको बाहुल्य रहेको इंग्ल्याण्ड पनि २८ वर्षपछि सेमिफाइनलसम्म पुगेकोले यस उपलब्धीलाई थप महत्वपूर्ण बनाउन यो खेल जित्न चाहन्छ । लिग चरणमा बेल्जियमसँग हारिसकेकोले पनि इंग्ल्याण्डलाई त्यो हारको बदला लिने अवसर पनि प्राप्त भएको छ । 

आजको खेलमा जित प्राप्त गरि आफ्नो देशका समर्थकलाई जाँदाजाँदै एउटा सुन्दर उपहार लैजाने धुनमा दुबै टोली रहेकाले पनि आजको खेलमा यी दुई टोलीको एउटै उद्देश्य जित हुनेछ । त्यस्तैगरी  विगतको इतिहास हेर्ने हो भने तेश्रो स्थानको खेलमा बढि गोल हुने गरेकोले दर्शकले आजको खेलमा पनि त्यस्तै ‘हाइस्कोरिङ’ खेलको मज्जा लिन पाउनेछन् ।

यो पनि हेर्नुहोस्

कुनै टोलीले ‘खेल्न नचाहने’ विश्वकपको खेल

६ ओभरको खेलमा महेन्द्रनगर विजयी, अत्तरियाको पहिलो हार

धनगढि, ५ फागुन । वर्षाले खराब पारेको मैदानमा भएको ६ ओभर प्रति इनिङको खेलमा महेन्द्रनगर युनाइटेडले सिवाईसी अत्तरियालाई ७ विकेट हराएको छ । धनगढि

२९ बलमा ७ विकेट गुमाउँदै बीबीएलको उपाधि जित्न चुक्यो स्टार्स

काठमाडौं, ५ फागुन । बीग बाश लिग (बीबीएल) को फाइनल खेलमा मेलबर्न रेनिगेड्सँग १३ रनले पराजित हुँदै मेलबर्न स्टार्सले उपाधि जित्ने मौका गुमाएको छ । १३

फिफा विश्वकप २०३० को संयुक्त आयोजना प्रस्ताव गर्दै यी देश

एजेन्सी । सन् २०३० को लागि फिफा विश्वकपको लागि संयुक्त आयोजना गर्ने प्रस्ताव भइरहेको थाहा भएको छ । अर्जेन्टिना, चिली, पराग्वे र उरुग्वेले विश्वकप

बीबीएल फाइनलमा सन्दीपको कसिलो बलिङ, स्टार्सलाई १४६ रनको लक्ष्य

काठमाडौं, ५ फागुन । बीग बाश लिग (बीबीएल) को फाइनल खेलमा स्टार लेगस्पीनर सन्दीप लामिछानेले कसिलो बलिङ गरेका छन् । मेलबर्न स्टार्स र मेलबर्न