क्रोयसिया फाइनलमा प्रवेश, इंग्ल्याण्ड २–१ ले पराजित


काठमाडौं, २८ असार । विश्वकप २०१८ अन्तर्गत सेमिफाइनलको अन्तिम खेलमा क्रोयसियाले विश्व फुटबललाई चकित पार्दै इंग्ल्याण्डलाई हराएको छ । अतिरिक्त समयमा मारियो मान्जुकेचले गोल गर्दै इंग्ल्याण्ड विरुद्ध २–१ गोल अन्तरले जित दिलाउँदै क्रोयसियालई फाइनलमा प्रवेश गराउन सफल भए ।

विश्वकपको इतिहासमा पहिलो पटक फाइनल पुगेको क्रोयसियाको यस विश्वकपको यात्रा अद्भुद रहेको छ । समुह चरणमा ३ खेल जितेको यस टोलीले प्रि क्वार्टरफाइनल र क्वार्टरफाइनलमा डेनमार्क र रसियालाई पेनाल्टी शुट आउटमा हराएको थियो । आजको जित सँगै फाइनलमा क्रोयसिया र फ्रान्स भिड्ने पक्का भएको छ । त्यस्तै तेस्तै इंग्ल्याण्ड र बेल्जियमले तेश्रो स्थानको लागि खेल्ने भएका छन् ।

यसअघि खेलको ५ औं मिनेटमा काइरन ट्रिपिएरले आकर्षक फ्रि किक मार्फत् गोल गर्दे इंग्ल्याण्डलाई खेलमा अग्रता दिलाएका थिए । यस विश्वकपको उपाधिनै जित्ने लक्ष्य राखेको थ्रि लायन्स  उक्त गोलबाट हौसिएको थियो । तथापी प्राविधिक रुपमा उत्कृष्ट खेलेको क्रोयसियाले उक्त गोलबाट निरास नभइ खेलमा इंग्ल्याण्डलाई दबावमा राखेको थियो ।

पहिलो हाफमा बराबरी गोल गर्न प्रयासरत क्रोयसियाले इंग्ल्याण्डका गोल किपरलाई व्यस्त बनाए पनि कुनै गोल हुन सकेन । १ गोलले अग्रता लिएको इंग्ल्याण्डका ह्यारी केन र जेसी लिंगार्डले थप गोल गर्ने अवसर गुमाएसँगै तुलनात्मक रुपमा रक्षात्मक देखिएको थियो ।

दोश्रो हाफको सुरुवातमा क्रोयसियाको तुलनामा इंग्ल्याण्डले आक्रामक खेल खेलेको थियो । क्रोयसियाको डि बक्स एरियामा पटक पटक बल पुराएका ह्यारी केन र उनका समकक्षीले क्रोयसियन किपर ड्यानियल सुवासिचलाई हैरान पारेपनि गोल गर्न भने असक्षम रहे ।

यसको विपरित खेलको ६८ औं मिनेटमा क्रोयसियाका साइम भ्रिसाल्कोले दिएको पासमा इभान पेरिसिचले देब्रे खुट्टाले टच गर्दै गोल गरेपछि क्रोयसिया खेलमा फर्किएको थियो । दोश्रो हाफको बाँकि समयमा इंग्ल्याण्डले केहि राम्रा प्रयास गरेपनि समग्रमा फितलो देखिएको थियो ।

अर्कोतर्फ बराबरी गोल गर्न सफल क्रोयसियाले प्राविधिक रुपमा उत्कृष्ट फुटबल खेलेको थियो ।

निर्धारित ९० मिनेटमा खेल बराबरी भएपछि थपिएको अतिरिक्त समयमा मारियो मान्जुकेचले डि बक्स भित्र पाएको अवसरलाई गोलमा परिणत गर्दै क्रोयसियालाई पहिलो पटक फाइनलमा प्रवेश गराउन सफल भए । खेलको बाँकि समयमा अन्य कुनै गोल नभएपछि अन्ततः क्रोयसिया २–१ को गोल अन्तरले पराजित भइ फाइनल पुग्नबाट चुकेको छ ।

आगामी शनिबार बेल्जियम र इंग्ल्याण्ड बिच तेश्रो स्थानको लागि खेल हुनेछ भने आइतबार विश्वकप उपाधिको लागि क्रोयसिया र फ्रान्सले प्रतिस्पर्धा गर्नेछन् ।

 

 

 

जितका बावजुद नेमारको चोटका कारण पीएसजी तनावमा

एजेन्सी । जारी फ्रेन्च कपमा स्टार्सवर्गमाथी पेरिस–सेन्ट जर्मेन (पीएसजी) ले २–० गोल अन्तरको जित दर्ता गरेको छ । जितका बावजुद स्टार खेलाडी नेमार

आजदेखि एसियन कप फुटबलको क्वाटरफाइनलका खेल सुरु, पहिलो खेलमा भियतनाम र जापान भिड्दै

काठमाडौ,१० माघ । यूएईमा जारी एसियन कप फुटबलमा आजदेखि क्वार्टरफाइनलका खेल सुरु हुँदैछन् । क्वाटरफाइनलको पहिलो खेल नेपाली समय अनुसार साँझ पौने ७ बजे

क्रिकेट स्टारहरु पारस, ज्ञानेन्द्र र शरद रुस्लानको ब्रान्ड एम्बेसडर नियुक्त

काठमाडौं । नेपालको सर्वाधिक लोकप्रीय व्राण्ड रुस्लानले क्रिकेट स्टारहरु पारस खड्का, ज्ञानेन्द्र मल्ल र शरद भेष्वाकरलाई आफ्नो ब्राण्ड एम्बेसडर

रोनाल्डोलाई २३ महिनाको जेल सजाय...

काठमाडौ,९ माघ । पोर्चुगिज तथा युभेन्टस्का फुटबल स्टार क्रिष्टियानो रोनाल्डो करछलीमा दोषी ठहरिएका छन् । करछलिको आरोपमा पोर्चुगिज फुटबल स्टार