सन्दीप लामिछाने र सुनिल नाराइनले जिताए मन्ट्रीयललाई


काठमाडौं, २७ असार । क्यानडाको घरेलु लिग ग्लोबल टि–२० क्यानडाको दोश्रो चरणको खेलमा नेपाली स्टार सन्दीप लामिछाने र वेष्ट इन्डीजका स्टार सुनिल नाराइनको योगदान सँगै मन्ट्रीयल टाइगर्सले वेष्ट इन्डीज बी लाई ६ विकेटले पराजित गरेको छ । यो जितसँगै मन्ट्रीयलको एलिमिनेटर खेल्ने सम्भावन बढेको छ ।

६ टिम सम्मीलित यस प्रतियोगिताको अंक तालिकामा मन्ट्रीयल पाँचौ स्थानमा छ । आज हुने खेलमा विनीपेग हक्स टोलीले ठुलो अन्तरमा खेल हारेमा मन्ट्रीयल अंक तालिकाको चौथो स्थानमा उक्लीइ एलिमिनेटर खेल्न पाउनेछ । टोरन्टो नेशनल्स यो प्रतियोगितबाट बाहिरिइ सकेको छ ।

पहिलो चरणको सुरुको ५ खेलमा ४ खेल हारेपछि मन्ट्रीयलको प्ले अफ खेल्ने सम्भावना पातलिइ सकेको थियो । यस्तोमा हिजो रातीको दोश्रो चरणको खेलमा राम्रो अन्तरले जितेकोले मन्ट्रीयलको सम्भावना गणितिय आधारमा जिवित रहेको हो ।

हिजोको खेलमा टस हारेको पहिले ब्याटिङ गरेको वेष्ट इन्डीज बी ले निर्धारित २० ओभरमा ७ विकेट गुमाउँदै १६२ रन बनाएको थियो । वेष्ट इन्डीज बी को लागि शमर स्प्रीङ्गरले सर्वाधिक ६२ रन बनाएका थिए । त्यस्तै निकोलस पुरन, ब्रेन्डन किङ, काभेम हज र फाबियान एलेनले क्रमशः २५, २३, १३ र ११ रन बनाएका थिए ।

बलिङ गर्ने क्रममा नेपाली स्टार सन्दीप लामिछानेले ४ ओभरमा ३१ रन दिएर सर्वाधिक ३ विकेट लिएका थिए । १३ बल डट राखेका सन्दीपको कसिलो बलिङको कारण राम्रो सुरुवात गरेको वेष्ट इन्डीज बी ले ठुलो योगफल बनाउनबाट चुकेको थियो ।

इनिङको तेश्रो ओभरमै बलिङ गर्न आएका सन्दीपको पहिलो ३ बलमा ब्रेन्डन किङले लगातार ३ चौका प्रहार गरेका थिए । सन्दीपले सोही ओभरमा कमब्याक गर्दै चौथो बल डट राख्दै पाँचौ बलमा ब्रेन्डनलाई बोल्ड गरेका थिए । ओभरको अन्तिम बलमा पनि कुनै रन बन्न सकेन र सन्दीपले पहिलो ओभरमा १२ रन खर्चिदैं १ विकेट लिन सफल भए ।

खेलको पाँचौ ओभरमा पुनः बलिङ गर्न आएका सन्दीपले ३ रन मात्र दिएका थिए । उक्त ओभरमा उनले ४ बल डट राखेका थिए ।

त्यस्तै खेलको १३ औं ओभरमा बलिङको जिम्मेवारी पाएका सन्दीपको पहिलो बलमा निकोलस पुरनले छक्का प्रहार गरेका थिए । उक्त शटको जवाफ सन्दीपले दोश्रो बलमा दिंदै पुरनलाई क्याच आउट गराएका थिए । सो ओभरमा लेग बाइमा ४ रन गुमाए पनि सो रन सन्दीपको खातामा नदेखिने भएकोले कुल १० रन दिंदै एक विकेट लिए ।

इनिङको १५ औं ओभरमा आफ्नो अन्तिम ओभर लिएर आएका सन्दीपको पहिलो बलमा शमर स्प्रीङगरले चौका प्रहार गरेका थिए । उनको आक्रामक शटको जवाफ आक्रामक बलिङले दिंदै सन्दीपले दोश्रो बलमै शमरलाई पनि क्याच आउट गराएका थिए । बाँकि ४ बलमा २ रन मात्र दिइ उनले आफ्नो स्पेल पुरा गरेका थिए ।

सन्दीप बाहेक मन्ट्रीयलका लागि सेसिल परभेजले २ विकेट लिएका थिए भने लासिथ मालिङ्का र डिलोन हेलिगरले १/१ विकेट लिएका थिए ।
जवाफी ब्याटिङ गरेको मन्ट्रीयलले १७.३ ओभरमा ४ विकेट गुमाउँदै १६५ रन बनाउँदै लक्ष्य पुरा गरेको थियो ।

मन्ट्रीयलका लागि ओपनर सुनिल नाराइनले २५ बलमा ९ छक्का र १ चौका सहित ६१ रन बनाए । त्यस्तै मोइजेज हेन्रीकेले ३२ रनको योगदान दिए भने सिकन्दर राजा र नजिबुल्लाह जद्रानले अविजित रहँदै क्रमशः ३२ र २९ रन बनाए ।

वेष्ट इन्डीज बी का लागि खारी पिएरेले २ तथा डेर्भल ग्रिन र फाबियन एलेनले १/१ विकेट लिए ।

प्रतियोगितामा फितलो प्रदर्शन गरिरहेको मन्ट्रीयल टाइगर्सले एलिमिनेटरमा स्थान बनाएमा प्रतियोगिता रोचक हुने देखिएको छ । बलिङमा राम्रो गरिरहेको मन्ट्रीयलले आजको खेलमा ब्याटिङमा पनि लय पाएको छ ।

त्यस्तैगरी सन्दीप लामिछाने पनि यस टिमको सुरुवाती छनौटमै परेर खेलिरहेका छन् भने खेलेको सबै खेलमा पुरा स्पेल बलिङ पनि गरिरहेका छन् । यस्तोमा उनको बलिङ झन् निखारिएको तथ्यांकले बताउँछ ।     

 

इपिएलमा पोखराको पाँचौ हार, चितवन ७ विकेटले विजयी

काठमाडौं, २९ मंसिर । एभरेष्ट प्रिमियर लिग (इपिएल) अन्तर्गत आज भएको दोश्रो खेलमा चितवन टाइगर्सले पोखरा राइनोजलाई ७ विकेटले हराएको छ । टस जितेर चितवनले

भैरहवा विरुद्ध काठमाडौं विजयी, अमितको अर्धशतक

काठमाडौं, २९ मंसिर । एभरेष्ट प्रिमियर लिग (इपिएल) अन्तर्गत आज भएको पहिलो खेलमा काठमाडौं किंग्स ११ ले भैरहवा ग्लाडियटर्सलाई ७ विकेटले हराएको छ । टस

अफ्रिकन फुटबलर अफ दी इयरको अवार्ड पुनः सलाहलाई

काठमाडौ,२९ मंसिर । अफ्रिकन फुटबलर अफ दी इयरको अवार्ड दोस्रो पटक पनि मोहमद सलाहले जितेका छन् । इजिप्ट र इंग्लिश क्लब लिभरपुलका फरवार्ड मोहमद सलाहले

 केभिन ओ ब्रायनले जिताए काठमाडौंलाई, पोखरा ५ विकेटले पराजित

काठमाडौं, २८ मंसिर । एभरेष्ट प्रिमियर लिग (इपिएल) अन्तर्गत आज भएको दोस्रो खेलमा काठमाडौं किंग्स ११ ले पोखरा राइनोजलाई ५ विकेटले हराएको छ ।  टस जितेर