बेल्जियमलाई १–० गोलले हराउँदै फ्रान्स फाइनलमा

काठमाडौं, २७ असार । विश्वकप २०१८ अन्तर्गत सेमिफाइनलको पहिलो खेलमा फ्रान्सले बेल्जियमलाई १–० गोल अन्तरले हराउँदै फाइनल प्रवेश गरेको छ ।

यो जितसँगै फ्रान्स पछिल्लो २० वर्षमा तेश्रो पटक विश्वकपको फाइनलमा पुगेको छ । पहिलो पटक सन् १९९८ मा फाइनल पुगेको फ्रान्स, सन् २००६ मा दोश्रो पटक फाइनल खेलेको थियो । त्यस्तैगरी विश्वकपको उपाधी जित्ने लक्ष्य बोकेको बेल्जियमले सन् २०१६ पछि खेलेको २५ खेलमा पहिलो हार व्योहोरेको छ ।

प्रतिस्पर्धात्मक हुने अपेक्षा गरिएको यस खेलको सुरुवात देखिनै दुबै टोलीले आक्रामण रणनिती अपनाएका थिए । गोलमा अग्रता लिएर विपक्षीलाई दबाव दिन सकिने विश्वास भएकाले पनि पहिलो हाफमा फ्रान्सका गोलकिपर ह्युगो लोरिस र बेल्जियमका गोल किपर थिबाउट कुर्टोस गोलहरु बचाउन व्यस्त थिए ।

पहिलो हाफमा गोल गर्ने थुप्रै अवसर भएपनि दुबै टोलीले गोल गर्न नसकि पहिलो हाफ बराबरी खेलेका थिए ।

दोश्रो हाफमा परिवर्तित रणनिती सहित आएको फ्रान्सले खेलको ५१ औं मिनेटमा कर्नर प्रहार गर्ने मौका पाएकोमा आन्त्वान ग्रिजमानले प्रहार गरेको उक्त शटमा श्यामुयल उम्तीतीले हेडिङ गर्दै खेलको १ मात्र गोल गर्न सफल भएपछि बेल्जियम दबावमा आएको थियो ।

१ गोलले पछि परेको अवस्थामा बेल्जियमले सबै शक्ति लगाएर अनेक रणनिती प्रयोग गरेपनि खेलमा थप गोल हुन सकेन । समग्र खेलमा ६४ प्रतिशत बल पोसेसन कायम गरेको बेल्जियमको लागि एडन हाजार्डले २ वटा गोल गर्ने अवसर गुमाउनु नै घातक रह्यो ।

यस रोमाञ्चक खेलमा विजयी भएसँगै फ्रान्सको नजर आज राती हुने दोश्रो सेमिफाइनलको खेलमा हुनेछ । आजको खेलमा इंग्ल्याण्ड र क्रोयसिया बिचको विजेतासँग फाइनल खेल्ने भएकोले पनि फ्रान्सको ध्यान आजको खेलमा केन्द्रित हुनेछ । त्यस्तै बेल्जियमल तेश्रो स्थानको लागि आजको खेलमा पराजित हुने टोलीको सामना गर्नेछ ।

तेश्रो स्थानको खेलमा आगामी शनिबार हुनेछ भने फाइनल खेल आइतबार हुनेछ ।

जितका बावजुद नेमारको चोटका कारण पीएसजी तनावमा

एजेन्सी । जारी फ्रेन्च कपमा स्टार्सवर्गमाथी पेरिस–सेन्ट जर्मेन (पीएसजी) ले २–० गोल अन्तरको जित दर्ता गरेको छ । जितका बावजुद स्टार खेलाडी नेमार

आजदेखि एसियन कप फुटबलको क्वाटरफाइनलका खेल सुरु, पहिलो खेलमा भियतनाम र जापान भिड्दै

काठमाडौ,१० माघ । यूएईमा जारी एसियन कप फुटबलमा आजदेखि क्वार्टरफाइनलका खेल सुरु हुँदैछन् । क्वाटरफाइनलको पहिलो खेल नेपाली समय अनुसार साँझ पौने ७ बजे

क्रिकेट स्टारहरु पारस, ज्ञानेन्द्र र शरद रुस्लानको ब्रान्ड एम्बेसडर नियुक्त

काठमाडौं । नेपालको सर्वाधिक लोकप्रीय व्राण्ड रुस्लानले क्रिकेट स्टारहरु पारस खड्का, ज्ञानेन्द्र मल्ल र शरद भेष्वाकरलाई आफ्नो ब्राण्ड एम्बेसडर

रोनाल्डोलाई २३ महिनाको जेल सजाय...

काठमाडौ,९ माघ । पोर्चुगिज तथा युभेन्टस्का फुटबल स्टार क्रिष्टियानो रोनाल्डो करछलीमा दोषी ठहरिएका छन् । करछलिको आरोपमा पोर्चुगिज फुटबल स्टार