वर्षाले नागरिक हताहत भएपछि जापानी प्रधानमन्त्रीले विदेश भ्रमण छोडे


टोकियो, २५ असार । जापानको पश्चिमी क्षेत्रका केही इलाकामा परेको अविरल वर्षाका कारण सोमबार बिहानसम्ममा १०० जनाको मृत्यु भएको जापानी अधिकारीले पुष्टि गरेका छन् । 

सोमबार बिहानसम्म मृत्यु हुनेको सङ्ख्या १०० पुगेको जापानको राष्ट्रिय टेलिभिजन प्रशारण संस्था, एनएचकेले जनाएको छ । 

उक्त टेलिभिजनका अनुसार अविरल वर्षा र बाढीको प्रकोप केही दिनदेखि जारी छ । पहिरोमा परी धेरैको ज्यान गएको छ । केही दिन यताको अविरल बाढी र पहिरोका कारण दर्जनौँ व्यक्ति हराइरहेका छन् । 

सोमबार अधिकारीले दिएको जानकारीअनुसार पहिरोको जोखिममा रहेका स्थानबाट २५ लाखभन्दा बढी व्यक्तिलाई सुरक्षित स्थानमा लगिएको वा सर्न निर्देशन दिइएको बताएका छन् । 

हराएकाको खोजी तथा उद्धारकार्यमा हजारौँ सेना तथा प्रहरी परिचालन गरिएको छ । जापानको क्योडो समाचार संस्थाले मृत्यु हुने धेरैजसो पहिरोमा पुरिएका जनाएको छ । 

जापानको राजधानी टोकियोदेखि ६०० किलोमिटर पश्चिममा अवस्थित मोतोयामा नगरमा वर्षा र बाढीको प्रकोप बढेको बताइएको छ । हिरोसिमामा पनि बाढी र पहिरोको प्रकोप जारी छ । 

प्रधानमन्त्रीको भ्रमण स्थगित 

यसैबीच सोमबार टोकियोबाट प्राप्त एक समाचारमा जापानी प्रधानमन्त्री सिन्जो आबेले वर्षा र बाढीबाट भएको क्षतिको कारण देखाउँदै बुधबारबाट हुने तय भएको आफ्नो विदेश भ्रमण रोकेका छन्। 

उनले बुधबारदेखि विभिन्न चार देशको भ्रमण गर्ने कार्यक्रम थियो । ती देशमा बेल्जियम, फ्रान्स, साउदी अरेबिया र इजिप्ट रहेका थिए । 

जापानमा बाढी र पहिरोको प्रकोप जारी नै रहेको र यसका कारण देशका विभिन्न भू–भागमा ठूलो क्षति भएको भन्दै प्रधानमन्त्री आबेले सो भ्रमण स्थगित गरिएको जानकारी दिएका हुन्। रासस

 

रक्सीले मात्तिएका एक यात्रुले विमान हाइज्याक गर्न खोजेपछि.....

मस्को,१० माघ । रुसमा मदिरा सेवन गरेका एक व्यक्तिले विमान हाइज्याक गर्ने प्रयास गरेपछि एरोफ्लोट एसयु १५१५ नामक यात्रुबाहक विमान १५ मिनेटमै आकस्मिक

अदालतद्वारा पहिलो पटक ट्रम्पको नीति सदर, ट्रान्सजेण्डर सेनामा जान नपाउने

काठमाडौ,९ माघ । अमेरिकाको सर्वोच्च अदालतले ट्रान्सजेण्डर व्यक्ति सेनामा भर्ति हुन नपाउने गरी राष्ट्रपति डोनाल्ड ट्रम्पले ल्याएको नीतिलाई सदर गरेको

अफगान सुरक्षा केन्द्रमा भिषण आक्रमणमा ६५ को मृत्यु

गाज्नी, अफगानिस्तान । अफगान गुप्तचर केन्द्रमा मङ्गलबार गरिएको तालिवानी आक्रमणबाट कम्तीमा ६५ जनाको मृत्यु भएको अफगान सुरक्षा निकायले जनाएको छ ।

दक्षिण कोरियाको आर्थिक वृद्धिदर ६ वर्षयताकै कम

सोल, ८ माघ । दक्षिण कोरियाको आर्थिक वृद्धिदर सन् २०१८ मा २.७ प्रतिशत रहेको बैंक अफ कोरियाले जनाएको छ । यो वृद्धि विगत छ वर्ष यताकै सबैभन्दा कम हो ।