डेभिड बेकह्यामले बाजी जितेपछि..


काठमाडौं, २४ असार । विश्वकपको खेलहरु चलिरहँदा समर्थकहरु बिच कसले जित्ने भन्ने विवादले बाजीको स्वरुप लिनु स्वभाविक भएपनि अन्तर्राष्ट्रिय स्तरमा कहिलिएका खेलाडिहरुले पनि कहिले काहिं यस्तै बाजी राख्ने गरेका छन् ।

इंग्ल्याण्ड राष्ट्रिय टिमका पूर्व फुटबल खेलाडि डेभिड बेकह्याम र स्वीडेन राष्ट्रिय टिमका पूर्व फुटबल खेलाडी जलाटान इब्राहिमोभिचले क्वार्टरफाइनल खेलको अनुमान गर्दै बाजी राखेका थिए । जलाटानको योजना अनुसार प्रस्ताव गरिएको यो बाजी आर्थिक कारोबारको भने होइन ।

जलाटानले ट्वीट गर्दै, इंग्ल्याण्ड र स्वीडेन बिचको खेलमा इंग्ल्याण्ड विजयी भएको खण्डमा बेकह्यामको छनौट अनुसार संसारको जुनसुकै स्थानमा खाना ख्वाउने बताएका थिए । तर स्वीडेनले जितेको खण्डमा बेकह्यामसँग स्वीडेनको फर्निचर रिटेल कम्पनी इकेयाबाट कुनै एउटा सामान लिन पाउनु पर्ने शर्त जलाटानले राखेका थिए ।

जलाटानको उक्त प्रस्तावमा बेकह्यामले रिप्लाई गर्दै, स्वीडेनले उक्त खेल जितेको खण्डमा आफैले इकेयाबाट उनलाई चाहिएको सामान खरिद गर्ने बताएका थिए । तथापी इंग्ल्याण्डले जितेको खण्डमा बेकह्यामको छनौटको जर्सी लगाएर सेमिफाइनल खेल हेर्नुपर्ने तथा हाफ टाइममा माछा र चिप्स खानु पर्ने शर्त राखेका थिए ।  

हिजो रातिको खेलमा इंग्ल्याण्डले स्वीडेनलाई २–० को गोल अन्तरले हराइ सेमिफाइनल प्रवेश गरेको छ ।  

उक्त खेलको समाप्तीपछि जलाटानले क्वार्टरफाइनल पुगेको स्वीडेन फुटबल टिमको प्रशंसा गरेका छन् भने बाजी बारे हालसम्म मौन रहेका छन् ।

 

६ क्लबमा राष्ट्रिय खेलाडि, विमलले थ्रिस्टार र च्यासल मध्ये एक छान्ने

काठमाडौँ, ८ असोज । यही असोज १३ गतेदेखि शुरु हुने शहीद स्मारक ‘ए’ डिभिजन लिगमा राष्ट्रिय टोलीका मुख्य खेलाडीले ६ क्लबबाट प्रतिस्पर्धा गर्ने भएका

नेपालले बङ्गबन्धु कप खेल्ने पक्का, पहिलो खेल ताजाकिस्तानसँग

काठमाडौँ, ८ असोज । यही असोज १५ देखि २६ गतेसम्म बङ्गलादेशमा हुने बङ्गबन्धु गोल्डकप फुटबल प्रतियोगितामा नेपालले पहिलो खेल ताजाकिस्तानसँग खेल्ने भएको छ

 म्यान्माले फिलिपिन्सलाई हराउँदै उपाधि जित्यो

काठमाडौं । एएफसी सोह्र वर्षमुनि (यू–१६) महिला च्याम्पियनसिपअन्तर्गत समूह ‘ई’ को उपाधि म्यान्माले हात पारेको छ ।  हल्चोकस्थित सशस्त्र प्रहरी

बैतडीमा घरेलु क्रिकेट कार्तिक ८ देखि

बैतडी, ७ असोज । नेपालीहरूको महान् पर्व विजयादशमी तथा दीपावलीको अवसरमा आगामी कात्तिक दोस्रो सातादेखि बैतडीमा निङ्गलाशैनी प्रिमियर लिग (एनपीएल)