नेपाल एयरलायन्सले दोहामा दैनिक उडान गर्ने, जापानमा पनि सिधा उडान


काठमाडौँ, २३ असार । नेपाल एयरलायन्सले नयाँ वाइडवडी जहाज  बाट कतारको दोहामा दैनिक उडान गर्ने योजना बनाएको छ ।

वाइड बडी ए ३३०–२०० सिरिजको ‘अन्नपूर्ण’ नामक उक्त विमान यही असार १४ गते त्रिभुवन अन्तर्राष्ट्रिय विमानस्थल अवतरण गरेको थियो ।

एयरबस निर्माता कम्पनी फ्रान्सको तुलुज शहरबाट नौ घण्टाको उडानपछि काठमाडौँ आइपुगेको सो विमान शुरुमा छोटो गन्तव्यमा उडान गरिनेछ ।

वाइड बडी विमानले पहिलो गन्तव्यको रुपमा हाल उडान गरिरहेको दोहा, भारतको बैंगलोर र थाइल्याण्डको बैंककमा उडान भर्ने तयारी गरेको निगमका प्रवक्ता रवीन्द्र श्रेष्ठले जानकारी दिए  दोहामा हप्ताभरी तथा बैंगलोर र बैंककमा हप्ताको चार दिन उडान भरिनेछ ।

प्रवक्ता श्रेष्ठका अनुसार नयाँ वाइड बडी विमानको व्यावसायिक उडानका लागि आवश्यक कागजी प्रक्रिया अन्तिमचरणमा पुगेको र एक/दुई दिनभित्रै परीक्षण उडान ‘प्रुभिङ फ्लाईट’ गरिनेछ ।

यो उडान छोटो दूरीको हुन्छ । भारतको नयाँदिल्ली उडान गरिने प्रवक्ता श्रेष्ठको भनाई छ । नयाँ विमानको एक पटक प्रोभिङ उडानपछि मात्र व्यावसायिक उडानमा लगिन्छ । विमान उडाउनका लागि छजना स्वदेशी विमान चालक (पाइलट) तयार भइसकेका छन् ।

काठमाडौँ–जापान सिधा उडान गर्ने

निगमको नयाँ वाइड बडी विमानले काठमाडौँ–सिधा उडान भर्ने योजना बनाएको छ । शुरुमा छोटो दुरीको प्रक्रिया पूरा गरी उडान शुरु गरेपछि आगामी असोजभित्र जापान र क्रमशः दक्षिण कोरिया र साउदी अरेबियाको गन्तव्यमा उडान भर्ने निगमले जनाएको छ ।

प्रवक्ता श्रेष्ठले काठमाडौँबाट जापानको टोकियो नजिकैको नारिता अन्तर्राष्ट्रिय विमानस्थलमा सिधा उडान गर्ने तयारीमा रहेको जानकारी दिए । उक्त गन्तव्यमा हप्तामा तीन दिन उडान हुनेछ ।

नयाँ वाइड बडी विमानको पहिलो उडान आगामी अगष्ठ १ देखि हुने जनाइएको छ । निगमको अर्को वाइड बडी विमान एक महिनाभित्रै आउँदैछ ।

निगमले हाल अन्तर्राष्ट्रिय उडानका आठ गन्तव्य भारतको नयाँदिल्ली, बेंगलोर र मुम्बई तथा हङ्कङ, मलेसिया, थाइल्याण्ड, दोहा र दुबईमा उडान भर्दै आएको छ । एक बोइङ नाइन एसिबी–५७५ र एयरबस ३२० सिरिजको दुईवटा जहाजबाट निगमले अन्तर्राष्ट्रिय उडान गरिरहेको हो ।

निगमले आन्तरिकतर्फ नौवटा विमानबाट सेवा दिइरहेको छ । यीमध्ये चीनबाट ल्याइएका वाई १२ चार, एमए ६० दुई र तीन वटा ट्विनअटर विमान छन् । रासस

 

नेपालको पर्यटन प्रबद्र्धनको लागि विदेशमा पनि प्रचारात्मक गतिविधि

काठमाडौँ, २ असोज । सरकारले सन् २०२० लाई नेपाल भ्रमण वर्ष मनाउने निर्णय गरेअनुसार नेपाल पर्यटन बोर्डले पर्यटन प्रवद्र्धनका लागि स्वदेश तथा विदेशमा

निजगढ विमानस्थल र ६० लाखको कपी पेष्ट प्रतिवेदन

विज्ञान, बिकास अर्थात् टक्नोलोजी युगमा विश्व प्रवेश भइसकेको स्थितिमा नेपालीहरू वाद, विचार, धर्म,जातपातको तर्क विर्तक र झै–झगडामै छौं । हामी एकातिर

दुई दशकपछि विदेशी आरोहीले अपि हिमाल आरोहण गर्ने

दार्चुला, २८ भदौ । सशस्त्र द्वन्द्वकालयता आरोहण हुन नसकेको दार्चुलाको अपि हिमालमा दुई दशकपछि पहिलो पटक युरोपियन मुलुक चेक गणतत्रका आठ जना (दुई जना

सुगतको अधिनायकवादी हुकुम: समाचार शेयर गरे कारबाही

काठमाडौं । नेपाली कांग्रेसको पालामा नेपाल वायुसेवा निगमको महाप्रबन्धकमा नियुक्त हुनुभएका महाप्रबन्धक सुगतरत्न कंशाकार वाईड बडी खरिदको ६ अर्ब ५९